完整藏文原文 · 德格版页 当前仅加载第 86 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་རྣམ་པར་སྣང་མཛད་ཆེན་པོས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ཉོན་ཅིག །སྔགས་པ་གང་གིས་ལྷ་མོ་གང་བསྒྲུབ་པར་རིགས་པ་དེ་དེས་བསྒྲུབ་པར་བྱ་སྟེ། རང་གི་ཕྱག་རྒྱ་དང་སྔགས་ཀྱི་སྦྱོར་བས་ལྷ་མོ་དེ་བཀུག་ནས་མདུན་དུ་གཞག་པར་བྱའོ། །དེ་ནས་བདག་ཉིད་སྔོན་
D493.086.0129b01.01བཤད་པའི་རིམ་པས་རྡོ་རྗེ་སེམས་དཔའི་སྐུར་བསྒོམས་ལ་རྡོ་རྗེ་སེམས་དཔའི་སྐུ་དེས་ལྷ་མོ་དེ་མཉེས་པར་བྱའོ། །དེ་ནས་མཉེས་ཏེ་གདོན་མི་ཟ་བར་དངོས་གྲུབ་སྩོལ་བར་འགྱུར་རོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
D493.086.0129b02.01ལྡན་འདས་རྣམ་པ་གང་གིས་མཉེས་པར་འགྱུར། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་རྡོ་རྗེ་སེམས་དཔའི་སྐུ་དེས་ལྷ་མོ་དེའི་གསང་བའི་བྷ་གར་ཉིད་ཀྱིས་རྡོ་རྗེས་བསྟེན་པར་བྱའོ། བསྟེན་པས་བདེ་བ་ཉིད་དུ་འགྱུར་ཏེ། དེ་ནས་ལྷ་
D493.086.0129b03.01མོ་དེ་དགྱེས་ཏེ་མཆོག་སྩོལ་བར་འགྱུར་རོ། །དེ་ཇི་ལྟར་བུད་མེད་རང་ཉིད་ཀྱི་བདག་པོ་ལ་དགའ་བར་ལྟ་བ་ལྟར་དེ་བཞིན་དུ་ལྷ་མོ་དེའང་གསང་སྔགས་འཛིན་པ་དེ་ལ་དགའ་བའི་དབང་གིས་ལྟ་བར་འགྱུར་རོ། །དགའ་བའི་དབང་གིས་ཚིམ་པར་འགྱུར་རོ། །འདི་བཞིན་དུ་བུད་མེད་གཞན་བསྟེན་པས་
D493.086.0129b04.01ཀྱང་མཆོག་སྟེར་ན་ལྷ་མོས་ལྟ་སྨོས་ཀྱང་ཅི་དགོས། ལག་ན་རྡོ་རྗེ་དཔེར་ན་རྡོ་རྗེ་རགས་པས་བསྣུན་པའི་བུད་མེད་བདག་པོ་གཞན་མི་འདོད་པ་དེ་བཞིན་དུ་ལྷ་མོ་དེའང་གསང་བས་བསྣུན་པ་ན་སྔགས་པ་གཞན་འདོད་པ་མ་ཡིན་ནོ། །དེ་བཞིན་དུ་གསང་བའི་སྦྱོར་བས་ལྷ་མོ་གང་ཞི་བའི་ཚུལ་གྱིས་ཞི་བའི་
D493.086.0129b05.01ཚུལ་འགྲུབ་པར་འགྱུར་རོ། །གང་ཁྲོ་མོའི་ཚུལ་གྱིས་ཁྲོ་མོའི་ཚུལ་འགྲུབ་པར་འགྱུར་རོ། །འོན་ཀྱང་ཁྲོ་བོ་རྡོ་རྗེ་ཧཱུྃ་མཛད་ཀྱི་ཚུལ་བཟུང་ནས་རྡོ་རྗེ་གནྡྷ་རཱི་ལ་སོགས་པའི་ལྷ་མོ་སྔགས་པས་བསྒྲུབ་པར་བྱའོ། །འཇིག་རྟེན་དབང་ཕྱུག་གི་ཚུལ་གྱིས་སྒྲོལ་མ་ལ་སོགས་པ་བསྒྲུབ་པར་བྱའོ། །དེ་ནས་ལག་
D493.086.0129b06.01ན་རྡོ་རྗེས་བཅོམ་ལྡན་འདས་ལ་གསོལ་པ། བཅོམ་ལྡན་འདས་དེ་ནས་རེ་ཞིག་ཁྲོ་བོའི་ཚུལ་ཇི་ལྟར་རྣམ་པར་གཞག་པར་བགྱི། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་ལག་ན་རྡོ་རྗེ་ལ་བཀའ་སྩལ་པ། རྡོ་རྗེ་ཧཱུྃ་མཛད་ཀྱི་སྦྱོར་བ་དེ་ཉིད་ཀྱིས་བཅོམ་ལྡན་འདས་མ་རྡོ་རྗེ་གནྡྷ་རཱི་ཞེས་བྱ་བ་
D493.086.0129b07.01