完整藏文原文 · 德格版页 当前仅加载第 86 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
ཐུགས་རྗེ་ཆེན་པོ་རྣམ་པར་སྣང་མཛད་རྟག་པ་དུས་གསུམ་གྱི་དམ་ཚིག་ལ་རྣམ་པར་གནས་པའི་སྐུ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་དེ་བཞིན་གཤེགས་པ་ཐམས་ཅད་ཀྱིས་བསྟེན་ཅིང་བསྟོད་པའི་ནོར་བུ་རིན་པོ་ཆེ་ཆེན་པོའི་རྩེ་མོའི་ཁང་པ་བརྩེགས་པ།
D493.086.0120a01.01ཁ་དོག་རྣམ་པར་བཀྲ་བའི་དྲིལ་བུ་དང་ལྡན་པ། རླུང་གིས་བསྐྱོད་པའི་དར་གྱི་བ་དན་དང་། མེ་ཏོག་གི་ཆུན་པོ་དང་། དྲ་བ་དང་། དྲ་བ་ཕྱེད་པ་དང་། ཟླ་བས་ཉེ་བར་མཛེས་པའི་འོག་མིན་གྱི་ལྷའི་རྒྱལ་པོའི་ཁང་{བཟངས་,བཟང་}ན་བཞུགས་སོ། །བྱང་ཆུབ་སེམས་དཔའ་བྱེ་བ་ཕྲག་དགུ་བཅུ་རྩ་དགུ་དང་ཐབས་
D493.086.0120a02.01ཅིག་པ་ལ་འདི་ལྟ་སྟེ། བྱང་ཆུབ་སེམས་དཔའ་ལག་ན་རྡོ་རྗེ་དང་། སྤྱན་རས་གཟིགས་དབང་ཕྱུག་དང་། ནམ་མཁའི་སྙིང་པོ་དང་། རྡོ་རྗེ་ཁུ་ཚུར་དང་། བྱང་ཆུབ་ཀྱི་སེམས་བསྐྱེད་པ་དང་ལྡན་པས་ཆོས་ཀྱི་འཁོར་ལོ་རབ་ཏུ་བསྐོར་བ་དང་། ནམ་མཁའ་མཛོད་དང་། བདུད་ཀྱི་སྟོབས་ཐམས་ཅད་
D493.086.0120a03.01རབ་ཏུ་འཇོམས་པ་དང་། འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་ཀུན་ཏུ་བཟང་པོ་དང་། དེ་དག་ལ་སོགས་པ་བྱང་ཆུབ་སེམས་དཔའ་བྱེ་བ་ཕྲག་དགུ་བཅུ་རྩ་དགུ་དང་། གང་གཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པ་གཞལ་དུ་མེད་ཅིང་བགྲང་བ་ལས་འདས་པའི་དེ་
D493.086.0120a04.01བཞིན་གཤེགས་པ་རྣམས་ཀྱིས་འདི་ལྟ་སྟེ། དཔེར་ན་ཏིལ་གྱི་གང་བུ་ལྟར་འཛམ་བུའི་གླིང་ཡོངས་སུ་གང་བར་མཐོང་ངོ་། །དེ་བཞིན་གཤེགས་པའི་སྐུ་རེ་རེ་ལས་ཀྱང་གཞལ་དུ་མེད་ཅིང་གྲངས་ལས་འདས་པའི་དེ་བཞིན་གཤེགས་པའི་ཞིང་མཐོང་བར་གྱུར་ཅིང་། སངས་རྒྱས་ཀྱི་ཞིང་དེ་དག་
D493.086.0120a05.01ཐམས་ཅད་ན་ཡང་ཆོས་ཀྱི་ཚུལ་འདི་ཉིད་སྟོན་པར་མཛད་དོ། །དེ་ནས་བཅོམ་ལྡན་འདས་རྣམ་པར་སྣང་མཛད་ནམ་མཁའི་ཁམས་ཐམས་ཅད་ལ་སྐུ་དང་། གསུང་དང་། ཐུགས་རྡོ་རྗེ་རྟག་ཏུ་བཞུགས་པ། དེ་བཞིན་གཤེགས་པ་ཐམས་ཅད་ཀྱིས་ཡང་དག་པར་བགྲོད་པའི་རྡོ་རྗེའི་དབྱིངས་ཐམས་
D493.086.0120a06.01ཅད་ཐུགས་སུ་ཆུད་པའི་ཡེ་ཤེས་སེམས་དཔའ་ནམ་མཁའི་དབྱིངས་ཐམས་ཅད་ཀྱི་རྡུལ་རྡོ་རྗེས་བྱིན་གྱིས་བརླབས་པ་ལས་བྱུང་བའི་ཡེ་ཤེས་ཀྱི་སྙིང་པོ་ནམ་མཁའི་ཁམས་ཐམས་ཅད་ལ་འཕྲོ་བའི་རང་བཞིན་གྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་མངོན་པར་ཡོངས་སུ་མཁྱེན་པ། དེ་
D493.086.0120a07.01