完整藏文原文 · 德格版页 当前仅加载第 86 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ལྷ་དེ་རྣམས་འཇིག་རྟེན་གསུམ་གྱི་བདག་པོ་དེ་འདི་ལྟ་བུའི་གནས་སྐབས་སུ་གྱུར་པར་མཐོང་ནས་ངོ་མཚར་དུ་གྱུར་ཅིང་སྐྲག་པ་དང་བཅས་པས་འདི་སྙམ་དུ་སེམས་ཏེ། ཀྱེ་མའོ་འཇིག་རྟེན་གསུམ་གྱི་བདག་པོའི་གནས་སྐབས་བདག་ནི་བཟང་གི་དེ་ནི་དེ་ལྟ་མ་ཡིན་ནོ་སྙམ་མོ། །དེ་
D493.086.0139a01.01ནས་ལྷ་ཆེན་པོས་ལྷ་དེ་རྣམས་མཐོང་ནས་དཔའ་ཚན་བསྐྱེད་དེ། བྱང་ཆུབ་སེམས་དཔའ་དེ་ལ་འཇིག་རྟེན་གསུམ་འཇིགས་པར་བྱེད་པའི་འཇིགས་བྱེད་ཀྱི་ཀུ་ཆོ་ཆེན་པོས་འཇིག་རྟེན་གསུམ་དུ་ཆེར་བསྒྲགས་པས་འཇིགས་པ་བསྐྱེད་པར་བརྩམས་སོ། །དེ་ནས་བྱང་ཆུབ་སེམས་དཔའ་ཆེན་པོ་དེས་ལྷ་
D493.086.0139a02.01ཆེན་པོ་དེ་ཞབས་གཡོན་པས་ཆེས་ཤིན་ཏུ་བརྫི་བ་མཛད་ཀྱང་དེ་ལྟ་ནའང་དེ་སྒྲ་གཅོགས་པར་མ་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོས་ཆ་གཅིག་རྡོ་རྗེ་ཧཱུྃ་མཛད་ཀྱི་གཟུགས་སུ་གནས་ནས་གཞན་ཕྱག་ན་རྡོ་རྗེའི་གཟུགས་སུ་བཅོམ་ལྡན་འདས་ཀྱི་ཐད་དུ་སོང་སྟེ་བཅོམ་ལྡན་འདས་ལ་
D493.086.0139a03.01འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་གདུག་པ་ཅན་འདིའི་སྒྲ་ཆེན་པོ་འབྱིན་པ་ལ་བདག་གིས་ཇི་ལྟར་བགྱི། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་བགེགས་ཐམས་ཅད་རྣམ་པར་འཇོམས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཉིད་ཀྱི་
D493.086.0139a04.01ཐུགས་ལས་སྙིང་པོ་འདི་ཕྱུང་ངོ་། །ཧཱུྃ། སྙིང་པོ་འདིས་རྡོ་རྗེའི་ཞབས་ཀྱི་སྤྱི་བོར་བསྣུན་ནོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྙིང་པོ་དེའི་མིང་ཅི་ལགས། དེ་ནས་བཅོམ་ལྡན་འདས་རྣམ་པར་སྣང་མཛད་
D493.086.0139a05.01ཆེན་པོས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་སྙིང་པོ་དེ་ནི་སེམས་ཅན་གདུག་པ་ཅན་ཐམས་ཅད་ཀྱི་སྙིང་འདྲ་ལ་བར་བྱེད་པའོ། །དེ་ནས་རྡོ་རྗེ་ཧཱུྃ་མཛད་ཀྱིས་དེ་སྐད་ཅེས་ཐོས་ནས་ཅུང་ཟད་འཛུམ་པའི་བཞིན་གྱིས་འཇིག་པ་ཆེན་པོའི་རླུང་གི་ཤུགས་ཀྱིས་བདས་པའི་རྒྱ་མཚོའི་དབའ་རླབས་བརྡབས་
D493.086.0139a06.01པའི་སྒྲ་ལྟ་བུས་ཧཱུྃ། སེམས་ཅན་གདུག་པ་ཅན་འདུག་ཤིག་འདུག་ཤིག་ཅེས་སྨྲ་ཞིང་ཞབས་གཡོན་པས་སྤྱི་བོར་བརྒྱབ་ནས་བསྣུན་ནོ། །དེ་ནས་ལྷ་མོ་དེས་ལག་པ་ཐལ་མོ་སྦྱར་བ་སྤྱི་བོར་གཞག་ནས་འདི་སྐད་ཅེས་སྨྲ་བར་བྱེད་དོ། །ཨེ་མའོ་གཟི་བརྗིད་ཆེན་པོ་འདི་གང་གི་ཕྱིར་འཇིག་རྟེན་གསུམ་ལས་
D493.086.0139a07.01