完整藏文原文 · 德格版页 当前仅加载第 86 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
ལེགས་སོ། །མདོ་སྡེ་འདི་ནི་ལེགས་བཤད་པ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང་། །ཐེག་པ་ཆེན་པོ་མདོར་བསྡུས་པ། །དག་པས་རྣམ་པར་བསྒྲུབས་ཙམ་གྱིས། །བདེ་བླག་ཏུ་ནི་སངས་རྒྱས་ཐོབ། །བདེ་བ་ཟད་མེད་མི་ཟད་པ། །
D493.086.0122a01.01སྐྱེ་བ་འདི་ལ་འགྲུབ་པར་བྱེད། །ཅེས་སོ། །ལག་ན་རྡོ་རྗེ་དེས་ན་ཤིན་ཏུ་གསང་བའི་ཐིག་ལེ་ལས་ཀྱང་མཆོག་ཏུ་གསང་བ་ཞེས་བྱ་བ་ཐེག་པ་ཆེན་པོའི་མདོ་སྡེ་འདི་ལེགས་པར་སྦ་བར་བྱའོ། །སེམས་ཅན་གང་ཁ་ཅིག་ཉེ་བར་སྐྲག་པ་དང་བཅས་པ་ཡོད་ལ། གང་ཁ་ཅིག་དད་པ་དང་ལྡན་པས་ཐེག་པ་ཆེན་
D493.086.0122a02.01པོ་གླང་པོ་ཆེའི་ཕྲག་ཏུ་ཞོན་པ་དག་ཡོད་དོ། །དེ་དག་ལས་དང་པོ་ལ་ནི་གསང་སྔགས་དང་ཕྱག་རྒྱ་དང་གསང་བ་ཐམས་ཅད་བཤད་པར་མི་བྱ་ཞིང་། གསང་བ་ཐམས་ཅད་བསྟན་པར་མི་བྱའོ། །དད་པ་ཅན་དཀྱིལ་འཁོར་ཆེན་པོར་དབང་བསྐུར་བ་ཐོབ་པ་དག་ལ་དེ་དག་ཐམས་ཅད་བཤད་པར་བྱའོ། །
D493.086.0122a03.01ལེགས་པར་གསང་བའི་ཏིང་ངེ་འཛིན་གྱི་ཐིག་ལེ་འདི་ནི་ཆེས་ཤིན་ཏུ་གསང་བ་རབ་ཏུ་གནས་པའི་སློབ་དཔོན་ལ་བཤད་པར་བྱའོ། །གང་ཞིག་རྒྱུད་འདི་བཤད་པ་ཙམ་ན་སེམས་ཅན་དད་པས་རྗེས་སུ་འབྲང་བ་དང་། གང་དག་ཆེས་ཤིན་ཏུ་དགའ་བ་སྐྱེ་བ་དེ་དག་ནི་སྔོན་གྱི་སངས་རྒྱས་རྣམས་ཀྱིས་ལུང་
D493.086.0122a04.01བསྟན་པར་ཤེས་པར་བྱའོ། །དེ་དག་ལ་འབད་པས་གདམས་པ་དང་བཅས་པ་བསྟན་པར་བྱའོ། །སེམས་ཅན་གང་ཁ་ཅིག་ཉན་ཐོས་ཀྱི་ཐེག་པ་དང་ལྡན་པ་དེ་དག་ལ་ལོ་རྒྱུས་ཙམ་ཡང་མི་བྱའོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་ཡང་བཅོམ་ལྡན་འདས་ལ་འདི་སྐད་ཅེས་
D493.086.0122a05.01གསོལ་ཏོ། །བཅོམ་ལྡན་འདས་ཅིའི་ཕྱིར་དེ་དག་ལ་ལོ་རྒྱུས་ཙམ་ཡང་མི་བགྱི། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་ཉོན་ཅིག །སེམས་ཅན་དེ་དག་གིས་ལྷའི་རིས་མ་མཐོང་ཞིང་དམ་ཚིག་ལ་རབ་
D493.086.0122a06.01ཏུ་སྨོད་པར་བྱེད་པ་དེ་དག་ལ་གལ་ཏེ་སྨྲས་ན། ལོ་རྒྱུས་ཙམ་གྱིས་ཀྱང་དམྱལ་བར་རབ་ཏུ་ལྟུང་བར་འགྱུར་རོ། །དེ་ནས་བཅོམ་ལྡན་འདས་ལ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་རྡོ་རྗེ་ཀུན་ནས་འབར་རབ་ཏུ་འབར་ཞིང་མེ་ལྕེ་གཅིག་ཏུ་གྱུར་པ་འདིས་རིགས་
D493.086.0122a07.01