完整藏文原文 · 德格版页 当前仅加载第 86 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
པར་མི་ནུས་པ་ལགས་སམ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་རྩའི་སྦྱོར་བ་འདི་ཉིད་ཀྱིས་མངོན་པར་བྱང་ཆུབ་པ་རྣམ་པ་ལྔ་བསྒོམ་པར་བྱའི་གཞན་གྱིས་མ་ཡིན་ནོ། །གསོལ་པ། ཅིའི་ཕྱིར། བཀའ་
D493.086.0145b01.01སྩལ་པ། ལག་ན་རྡོ་རྗེ་ཕྱི་རོལ་གྱི་ཟླ་བའི་དཀྱིལ་འཁོར་གྱི་རྣམ་པས་མངོན་པར་བྱང་ཆུབ་པ་དེ་མི་ནུས་ཏེ། འབད་པ་ཆེན་པོས་ཀྱང་ཅུང་ཟད་ཙམ་ཡང་བྱ་བར་ནུས་པ་མ་ཡིན་ནོ། །དཔེར་ན་ནམ་མཁའི་ཆུ་སྐྱེས་རྣམ་པ་གང་གིས་ཀྱང་བསྒྲུབ་པར་ནུས་པ་མ་ཡིན་པ་བཞིན་ནོ། །དེའི་ཕྱིར་གསང་བ་
D493.086.0145b02.01ཞེས་བཤད་དོ། །གསང་བའི་ཚུལ་འདིས་ངལ་བ་མེད་པར་སངས་རྒྱས་ཉིད་དམ་རྡོ་རྗེ་འཛིན་པ་ཉིད་བསྒྲུབ་པར་བྱ་བ་དང་། སྦྱོར་བ་གཞན་གྱིས་མ་ཡིན་ནོ། །དེའི་ཕྱིར་བཅོམ་ལྡན་འདས་བདེ་བར་གཤེགས་པའི་ཐིག་ལེའི་ཉི་མས་ཕྱོགས་རྣམ་པར་གསལ་བ་དེས་སེམས་ཅན་ཐམས་ཅད་ལ་ཕན་
D493.086.0145b03.01པའི་ཕྱིར་གསང་བའི་སྦྱོར་བ་འདི་ཉིད་གསལ་བར་མཛད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ལྟ་ནའང་གསང་བའི་ཚུལ་གྱི་རྣམ་པ་ཡང་དག་པར་བདག་ལ་མ་གསུངས་ལགས་སོ། །དེ་ནས་བཅོམ་ལྡན་
D493.086.0145b04.01འདས་རྣམ་པར་སྣང་མཛད་ཆེན་པོས་ཕྱག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་མཆོག་ཏུ་གསང་བའི་མཛོད་ཀྱི་ཐིག་ལེ་ཞེས་བྱ་བ་སངས་རྒྱས་ཐམས་ཅད་སྦྱིན་པར་བྱེད་པ། དེ་བཞིན་གཤེགས་པ་ཐམས་ཅད་ཀྱི་སྐྱེད་པ་པོ་ཉོན་ཅིག །ངས་ཀྱང་ཚུལ་འདིས་སངས་རྒྱས་ཉིད་མཛད་ལ། ཁྱོད་
D493.086.0145b05.01ཀྱིས་ཀྱང་ཚུལ་འདིས་སངས་རྒྱས་ཉིད་བསྒྲུབ་པར་བྱའོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་ཇི་སྲིད་བ་སྤུའི་བུ་ག་ཡོད་པ་དེ་སྲིད་ལ་རྩ་རྣམས་རྡུལ་ཕྲ་རབ་ཀྱི་གཟུགས་སུ་བསྒོམ་པར་བྱའོ། །དེ་ནས་རྡོ་རྗེ་གར་མའི་གཟུགས་སུ་བསྒོམས་ནས་དེའི་བྷ་གའི་དབུས་སུ་རྡོ་རྗེ་གར་
D493.086.0145b06.01མའི་གཟུགས་རྩའི་རང་བཞིན་ལས་ཨ་ལ་སོགས་པའི་ཡི་གེ་འབབ་པའི་ངོ་བོར་བསམ་པར་བྱའོ། །དེ་ནས་མི་འབབ་པའི་རྩ་ལྔ་ཀ་ལ་སོགས་པའི་གཟུགས་སུ་བསམ་པར་བྱའོ། །དེ་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་བསམས་ལ། དེའི་འོ་མ་ལས་བདག་ཉིད་བྷ་གའི་དབུས་སུ་རྡོ་རྗེ་
D493.086.0145b07.01