完整藏文原文 · 德格版页 当前仅加载第 67 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་དམྱལ་བར་ལྷུང་ནས་སུ། །དྲན་པ་རྣམ་གསུམ་གཡོས་ནས་ཀྱང་། །དུས་གསུམ་རྒྱལ་ལ་ཕྱག་བྱས་སོ། །མཉམ་པ་ཉིད་ཀྱི་མདོ་སྡེ་དང་། །བྱང་ཆུབ་དགེ་འདུན་དད་བསྐྱེད་དེ། །དྲན་པ་རྣམ་གསུམ་བྱས་པས་ན། །མོད་ལ་དམྱལ་ནས་བྱུང་སྟེ་དོང་། །འཇིག་རྟེན་
D264.067.0261b01.01ཟིལ་མངར་རྔ་རུ་སྐྱེས། །ཚེ་ནི་བསྐལ་པ་ཆུང་བཅུ་ཐུབ། །དེ་ཡང་གུས་པའི་སེམས་ཀྱིས་སུ། །ཕྱོགས་བཅུའི་རྒྱལ་ལ་ཕྱག་བྱའི་ཡོན། །བྲམ་ཟེ་དེ་དག་ཐམས་ཅད་ཀྱིས། །ཐོག་མར་སྐུར་པས་དམྱལ་ལྟུང་ཡང་། །ཕྱིས་ནི་དད་པས་མོད་ལ་ཐར། །བྱང་ཆུབ་སེམས་
D264.067.0261b02.01དཔའ་ཁྱེད་རྣམས་ནི། །ཁྲེལ་དང་ལྡན་པ་སྨོས་ཅི་དགོས། །སྡིག་གི་རང་བཞིན་ཐོག་མ་ནས། །མེད་པས་སེམས་ཅན་རྣམས་ཀྱི་ཕྱིར། །རྩ་བ་བཞི་པོའི་སྡོམ་པ་དང་། །མཚམས་མེད་ལྔ་པོའི་སྡིག་རྣམས་དང་། །ལོག་སྤྱོད་བར་དུ་མཐོལ་བཤགས་སོ། །སོ་སོའི་སྐྱེ་བོ་
D264.067.0261b03.01ལ་ལ་ཞིག །དེ་ལྟ་བུ་ཡི་སྡིག་བྱས་པ། །དེ་བཞིན་མཐོལ་ཚངས་བྱེད་ནུས་ན། །རྩ་བ་བཞི་དང་མཚམས་མེད་ལྔ། །ལོག་སྤྱོད་བར་དུ་སྡིག་འབྱང་སྟེ། །སངས་རྒྱས་འགྲུབ་པའང་གདོན་མི་ཟ། །མ་དད་པ་ནི་དེར་མ་གཏོགས། །གང་ཞིག་དད་པའི་སེམས་སྐྱེས་
D264.067.0261b04.01ཏེ། །རྒྱལ་བ་རྣམས་ལ་ཕྱག་བྱས་ན། །ཆོས་ལམ་མི་འགྲུབ་མི་སྲིད་དོ། །དེ་ནས་རྒྱལ་བུ་དགེ་མཐོང་དང་། །སུམ་སྟོང་པོ་ཡི་མི་རྣམས་ཀྱིས། །བཅོམ་ལྡན་འདས་ལ་ཚིག་འཐུན་པར། །འདི་སྐད་གསོལ་ཏེ་བདག་ཅག་རྣམས། །སངས་རྒྱས་གྲུབ་ནས་སྐྱེ་ཤི་ལས། །
D264.067.0261b05.01འཁོར་བའི་རྣམ་དག་བསྒྲལ་བར་སྨོན། །ལྷ་མིའི་ནང་ན་བཙུན་བཞུགས་པས། །བྱེ་བྲག་ཕྱེད་པར་བཤད་དུ་གསོལ། །དེ་ལ་གཟུངས་སུ་བཟུང་བ་དང་། །ཡི་གེར་བྲིས་ཤིང་ཀློག་འཆང་བ། །དེ་ཡི་བསོད་ནམས་ཇི་ཙམ་མཆིས། །བཅོམ་ལྡན་འདས་ཀྱིས་བཀའ་སྩལ་པ། །
D264.067.0261b06.01བྱེ་བྲག་ཕྱེད་པར་ངས་བཤད་ཀྱིས། །རྒྱལ་བུ་དགེ་མཐོང་ལེགས་པར་ཉོན། །གང་ཞིག་རིན་ཆེན་སྣ་བདུན་གྱིས། །སྟོང་ཁམས་གང་བའི་སེམས་ཅན་ལ། །སྦྱིན་པ་བྱས་ཤིང་ཡོན་ཕུལ་ནས། །དེ་ཡི་སྟེང་དུ་ཆོས་བཤད་ཅིང་། །དགྲ་བཅོམ་འབྲས་བུ་ཐོབ་བྱས་པས། །
D264.067.0261b07.01