完整藏文原文 · 德格版页 当前仅加载第 67 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
དབུས་མཐོ་ན་མཐའ་དམའ། མཐའ་མཐོ་ན་དབུས་དམའ་བ་ནི་ས་རྣམ་པ་དྲུག་ཏུ་གཡོས་ཞེས་བྱའོ། །ལྗགས་ཀྱི་དྲུང་ནས་འོད་ཟེར་ཆེན་པོ་བཏང་སྟེ་ཕྱོགས་བཅུར་སྣང་བ་ཆེན་པོ་བྱས་སོ། །སྣང་བ་ཆེན་པོ་དེས་མི་རྟག་པ་ནི་རྟག་པར་བྱས། མ་དག་པ་ནི་དག་པར་བྱས། སྡུག་བསྔལ་ཅན་ནི་
D264.067.0246b01.01བདེ་བར་བྱས། མ་རིག་པ་ནི་རིག་པར་བྱས། དེའི་ཚེ་སངས་རྒྱས་ཀྱི་འོད་ཀྱིས་རེག་ཅིང་སྣང་ངོ་ཅོག་ལ་རི་དང་། ནགས་ཚལ་དང་། ཡུལ་ས་དང་། ཆུ་བོའི་ཀླུང་དང་། རྒྱ་མཚོ་དང་། ལྕགས་ཀྱི་རི་ཁོར་ཡུག་དང་། དམྱལ་བ་ལ་སོགས་པ་ཐམས་ཅད་ཀྱང་མཐོ་དམའ་མེད་པར་མཉམ་པར་
D264.067.0246b02.01གྱུར་ཅིང་ཉལ་ཉིལ་དང་། ལྗན་ལྗིན་མེད་དེ། ཀུན་ཀྱང་ཡོངས་སུ་དག་པར་གྱུར་ནས་འདི་ལྟ་སྟེ། དཔེར་ན་ཤར་ཕྱོགས་ན་འཇིག་རྟེན་ཟླ་གང་རྣམ་དག་ཡོངས་སུ་བརྒྱན་དང་འདྲའོ། །དེའི་ཚེ་དེའི་དུས་ན་བཅོམ་ལྡན་འདས་ཤཱཀྱ་ཐུབ་པའི་སྐུ་སྤྲུལ་པ་ནི། ནམ་མཁའ་ནས་བབ་པ་ནི་མེ་ཏོག་གི་ཆར་བབ་པ་
D264.067.0246b03.01དང་འདྲའོ། །ས་འོག་ནས་བྱུང་བ་ནི་སྤྲིན་དང་། ན་བུན་བྱུང་བ་དང་འདྲ་བར་ནམ་མཁའ་ཡོངས་སུ་གང་སྟེ་ནམ་མཁའ་སྟོང་པ་ཅུང་ཟད་ཀྱང་མེད་དོ། །སྤྲུལ་པའི་ཞལ་སོ་སོ་ནས་ཚིག་འཐུན་པར་དེ་བཞིན་གཤེགས་པ་ནི་རྟག་པར་འཚོ་སྐྱོང་ཞིང་གཞེས་ཏེ་མྱ་ངན་ལས་མི་འདའོ། །སེམས་ཅན་
D264.067.0246b04.01ཐམས་ཅད་ལ་སངས་རྒྱས་ཀྱི་ངོ་བོ་ཉིད་ཡོད་དོ་ཞེས་གསུངས། ཡང་ཆོས་ཐམས་ཅད་ནི་སྟོང་པ་ཉིད་དོ་ཞེས་གསུངས་སོ། །སྤྱོད་ལམ་དེ་དག་གི་རྒྱུ་འབྲས་ནི་ཐེག་པ་གཅིག་ཏུ་ཟད་པ་ལས་སེམས་ཅན་གྱིས་ཐེག་པ་རྣམ་པ་གསུམ་དུ་མཐོང་ཞེས་བཤད་ནས་དེ་མ་ཐག་ཏུ་ཀུན་མི་སྣང་བར་གྱུར་ནས་བཅོམ་
D264.067.0246b05.01ལྡན་འདས་གདན་ལ་བཞུགས་པ་ཉི་ཚེ་སྣང་སྟེ། དེའི་ཚེ་ཚོགས་མང་པོ་ཐམས་ཅད་ཀྱིས་སྐུ་སྤྲུལ་པ་དེ་དག་མཐོང་བ་ནི་བཅོམ་ལྡན་འདས་ཤཱཀྱ་ཐུབ་པའི་བྱིན་གྱི་རླབས་ཀྱི་མཐུ་སྟེ། ཤཱཀྱ་ཐུབ་པ་ཡང་བྱམས་པས་འདི་འདྲ་བའི་རྫུ་འཕྲུལ་དང་། གཟི་བརྗིད་མངོན་པར་སྤྲུལ་པ་དེའི་ཚེ་ཚོགས་ཀྱི་ནང་ནས་བྱང་ཆུབ་
D264.067.0246b06.01སེམས་དཔའ་གང་གཱའི་ཀླུང་བཞི་བཅུའི་བྱེ་མ་སྙེད་ཀྱིས་ནི་མི་སྐྱེ་བའི་ཆོས་ལ་བཟོད་པ་ཐོབ་བོ། །ཉན་ཐོས་བརྒྱད་ཁྲི་ཞིག་ནི་ཐེག་པ་ཆེན་པོའི་སེམས་བསྐྱེད་དོ། །དགེ་སློང་སྟོང་ཕྲག་བཅུ་ཞིག་གིས་ནི་དགྲ་བཅོམ་པའི་ལམ་ཐོབ་བོ། །དགེ་སློང་མ་ཁྲི་བརྒྱད་སྟོང་ཞིག་གིས་ནི་ཕྱིར་མི་འོང་བའི་ལམ་ཐོབ་བོ། །དགེ་
D264.067.0246b07.01