完整藏文原文 · 德格版页 当前仅加载第 67 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་མདོ། །སྡེ་འདིའི་རྗེས་སུ་བྱང་ཆུབ་ཏུ་ཆུད་པར་འགྱུར་རོ། །བཅོམ་ལྡན་འདས་ཀྱིས་འཁོར་ཞབས་རིང་བ་རྣམས་ལ་བཀའ་སྩལ་པ། སྡིག་ཅན་རྣམས་ཀྱིས་སྡིག་བཤགས་པར་འདོད་ན། རྒྱལ་བུ་དགེ་མཐོང་བཞིན་དུ་དུས་གསུམ་གྱི་སངས་རྒྱས་དང་། མདོ་སྡེ་བཅུ་གཉིས་དང་། བྱང་ཆུབ་
D264.067.0255a01.01སེམས་དཔའི་དགེ་འདུན་ཆེན་པོ་རྣམས་ལ། རེ་རེ་ནས་དམིགས་ཏེ་ཕྱག་འཚལ་བ་ང་དང་ཕྲད་པ་དང་འདྲ་བའམ། མཐོང་བ་དང་འདྲ་བར་འདུ་ཤེས་བསྐྱེད་དེ། སངས་རྒྱས་གཅིག་གམ། སངས་རྒྱས་གཉིས་སམ། སངས་རྒྱས་བཅུའམ། སངས་རྒྱས་བརྒྱའམ། སངས་རྒྱས་སྟོང་ངམ། སངས་
D264.067.0255a02.01རྒྱས་ཁྲིའམ། སངས་རྒྱས་གྲངས་མེད་པའི་འདུ་ཤེས་སུ་བསྐྱེད་དེ། མཐོང་བ་དང་འདྲ་བར་དམིགས་ལ། དེ་བཞིན་དུ་རེ་རེ་ནས་དམིགས་ཏེ་སེམས་ཀྱིས་ཕྱག་འཚལ་ན་དེ་དག་གིས་བསོད་ནམས་དཔག་ཏུ་མེད་པ་ཡང་ཐོབ་པར་འགྱུར་ལ། འཁོར་བའི་སྡིག་ལྕི་བ་ཐམས་ཅད་ཀྱང་སེལ་བར་བྱེད་དོ། །བསྐལ་
D264.067.0255a03.01པ་གྲངས་མེད་པའི་བར་དུ་ངན་སོང་གསུམ་དུ་ལྟུང་བར་མི་འགྱུར། སངས་རྒྱས་ཀྱི་ཆོས་ལ་བདེ་བར་གནས་པར་འགྱུར་བར་ཡང་ངེས་ཏེ་ཐེ་ཙོམ་མེད་དོ། །དེའི་ཕྱིར་སྡིག་པ་རྣམས་མཐོལ་ཞིང་བཤགས་པར་བྱས་ལ་སེམས་ཐག་པ་ནས་དད་པ་བསྐྱེད་ན་གདོན་མི་ཟ་བར་སྡིག་པ་བྱང་བར་འགྱུར་རོ། །དེ་ནས་རྒྱལ་
D264.067.0255a04.01བུ་དགེ་མཐོང་དང་མི་སུམ་སྟོང་གིས་ཅིག་ཅར་དུ་སྐད་བསྐྱེད་དེ། བཅོམ་ལྡན་འདས་ལ་ཚིགས་སུ་བཅད་དེ་བསྟོད་པ་འདི་སྐད་ཅེས་གསོལ་ཏོ། །བཅོམ་ལྡན་བྱམས་ཤིང་ཐུགས་རྗེ་ཆེ། །ཤཱཀྱའི་གདུང་རིགས་ཆོས་ཀྱི་རྗེ། །ཚོགས་ཀྱི་ནང་ན་སེང་གེའི་སྒྲས། །ཁྱབ་པར་སེམས་ཅན་བསྡུས་པ་ནི། །
D264.067.0255a05.01ཕ་ལ་གཟིགས་པ་བུ་གཅིག་བཞིན། །རྣམ་པར་འབྱེད་པ་ཡོང་མ་མཆིས། །དེ་ལྟ་བུ་ཡི་བླ་མེད་པ། །མཐོང་ནས་དེ་སླད་གུས་ཕྱག་འཚལ། །དེ་ནས་བཅོམ་ལྡན་འདས་ཀྱིས་རྒྱལ་བུ་དགེ་མཐོང་དང་མི་སུམ་སྟོང་རྣམས་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་ཁྱེད་རྣམས་འདི་ལྟར་འགྱོད་
D264.067.0255a06.01ཚངས་བྱས་ཏེ། མི་འཆབ་པའི་སེམས་ཀྱིས་མཐོལ་ཞིང་བཤགས་པས་ད་ནི་བྱང་ཆུབ་སེམས་དཔའ་ཞེས་བྱའོ། །ཁྱེད་རྣམས་མ་འོངས་པའི་དུས་ན་གདོན་མི་ཟ་བར་སངས་རྒྱས་སུ་འགྲུབ་བོ། །རིགས་ཀྱི་བུ་ཡང་འདི་ལྟ་སྟེ། ང་མྱ་ངན་ལས་འདས་པའི་འོག་ཏུ་གང་ཞིག་སེམས་ཐག་པ་ནས་ཕྱོགས་བཅུའི་
D264.067.0255a07.01