完整藏文原文 · 德格版页 当前仅加载第 67 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་ན་དགྲ་མ་རུངས་པ་དང་། གདོན་མ་རུངས་པ་རྣམས་ཀྱི་གནོད་པས་མི་ཚུགས་པར་བགྱིའོ། །དེ་གང་དུ་གནས་པའི་ཁང་ཁྱིམ་ཡང་བསྲུང་བར་བགྱིའོ། །དེ་སྟེ་འགྲོན་དུ་མཆི་ན་བདག་ཅག་རྣམས་ཀྱིས་རྟག་ཏུ་ཕྱིན་འབྲང་ཞིང་ཅི་འཚལ་བ་སྦྱར་བར་བགྱིའོ། །ཕྱོགས་བཞིར་གང་
D264.067.0215a01.01དུ་མཆི་ན་ཡང་བགེགས་མ་མཆིས་པར་རྒྱུན་ཏུ་དགེ་བའི་ཆོས་མཐོང་ཞིང་ཚེ་འཕོས་ན་ཡང་ལྷར་སྐྱེ་བར་བགྱིའོ། །རྒྱུ་དེ་དང་རྐྱེན་དེས་ནི་སངས་རྒྱས་མཐོང་ཞིང་ཐེག་པ་ཆེན་པོ་མི་སྟོང་བར་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། ལྷ་དང་།
D264.067.0215a02.01ལྷ་མ་ཡིན་གྱི་བདག་པོ་ལ་སོགས་པ་ལ་བཀའ་སྩལ་པ། དེ་དེ་བཞིན་ནོ། །དེ་དེ་བཞིན་ཏེ། ཁྱེད་རྣམས་ཀྱིས་བཤད་པ་བཞིན་ཏེ། མདོ་སྡེ་འདི་ཐོས་པར་ཡང་མི་འགྱུར་ན་མཐོང་བར་ལྟ་ག་ལ་འགྱུར། གལ་ཏེ་མདོ་སྡེ་འདི་བླངས་ཏེ་བཟུང་ངམ། འཆང་ངམ། ཀློག་གམ། ཁ་ཏོན་དུ་བྱེད་པར་
D264.067.0215a03.01འདོད་ན་ཁྲུས་དག་པར་བྱས་ལ་གོས་གཙང་མ་བགོས་ཏེ། ཁང་པ་དབེན་པ་གཙང་མའི་ནང་དུ་བ་དན་དང་། རྒྱལ་མཚན་དང་། གདུགས་ཀྱིས་བརྒྱན་ནས་བདུག་པ་སྣ་ཚོགས་དང་། ཙན་དན་དང་། ཕྱེ་མ་དང་། བྱུག་པས་མཆོད་ཅིང་ཕྱག་འཚལ་ནས་དེ་ལྟར་ཉིན་མཚན་དུས་དྲུག་ཏུ་ཐོག་མར་མགོ་
D264.067.0215a04.01བཙུགས་ནས་ཉིན་ཞག་བདུན་གྱི་བར་དུ་ཉིན་རེ་རེ་ཞིང་མདོ་སྡེ་འདི་བཀླགས་ཏེ། སེམས་མི་གཡེང་བ་དང་། དྲན་པ་མི་གཡེང་བ་དང་། རྟོག་པ་མི་གཡེང་བ་དང་། བསམ་པ་མི་གཡེང་བ་དང་། གཟུངས་སུ་འཛིན་པ་མི་གཡེང་བ་དང་། སྤྱོད་པ་མི་གཡེང་བ་དང་། བསྟན་ཅིང་བསླབ་པ་མི་གཡེང་བར་ཉིན་
D264.067.0215a05.01མཚན་དུས་དྲུག་ཏུ་མདོ་སྡེ་འདིའི་ནང་ནས་འབྱུང་བའི་སངས་རྒྱས་དང་། བྱང་ཆུབ་སེམས་དཔའ་དང་། མདོ་སྡེ་བཅུ་གཉིས་རྣམས་ལ་ཕྱག་འཚལ་ཞིང་ཀློག་པའམ། ཁ་ཏོན་ཏུ་འདོན་ཅིང་མོས་པ་དང་གུས་པར་བྱེད་ནུས་ན་མདོ་སྡེ་འདིའི་ནང་ནས་འབྱུང་བ་བཞིན་དུ་སྡིག་ལྕི་བ་ཀུན་འབྱང་བར་འགྱུར་གྱིས། དེ་
D264.067.0215a06.01ལ་ཐེ་ཙོམ་མམ་ཡིད་གཉིས་སུ་མ་བྱེད་ཅིག །དེ་ཅིའི་ཕྱིར་ཞེ་ན། ཐར་པ་ཆེན་པོ་ཕྱོགས་སུ་རྒྱས་པའི་མདོ་སྡེ་འདི་ནི་ཕྱོགས་བཅུའི་སངས་རྒྱས་ཀྱི་སྤྱད་པ་སྤྱོད་པའོ། །འདི་ནི་བསྲུང་ཞིང་སྐྱོབ་པ་སྟེ། སངས་རྒྱས་ཐམས་ཅད་ཀྱི་ཡུམ་མོ། །འདི་ནི་མདོ་སྡེ་ཀུན་གྱི་རྒྱལ་པོའོ། །འདི་ནི་དོན་དམ་པའི་སྙིང་པོ་
D264.067.0215a07.01