完整藏文原文 · 德格版页 当前仅加载第 67 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དངོས་པོ་ཐ་དད་པར་བཤད་དོ། །དེའི་འོག་ཏུ་རྒྱུན་རིང་དུ་ཚངས་པར་སྤྱོད་པའི་སྐྱེས་བུ་དམ་པ་ལ་ཡང་དག་པ་མཐར་ཕྱིན་པའི་དཀོན་མཆོག་གསུམ་དངོས་པོ་གཅིག་པར་ཡང་བཤད་དེ། སངས་རྒྱས་དཀོན་མཆོག་གཅིག་གི་ནང་ན་ཆོས་དང་དགེ་འདུན་གྱི་དཀོན་མཆོག་ཀྱང་ཡོད་པར་
D264.067.0230a01.01བཤད་དོ། །རིགས་ཀྱི་བུ་ཅིའི་ཕྱིར་དཀོན་མཆོག་ཅེས་བྱ་ཞེ་ན། དཔེར་ན་འཇིག་རྟེན་གྱི་རིན་པོ་ཆེ་སྣ་བདུན་པོས་ཕོངས་པ་རྣམས་ལ་འཚོ་བ་བསྟངས་པ་དང་འདྲ་བར་དཀོན་མཆོག་གསུམ་ཡང་འཇིག་རྟེན་ན་སྐྱེ་བོ་རྣམས་ཀྱི་ཆོས་ཀྱི་སྐུ་བསྐྱེད་པ་དང་། ཡེ་ཤེས་སྤེལ་བར་བྱེད་པས་དཀོན་མཆོག་ཅེས་བྱའོ། །དཀོན་
D264.067.0230a02.01མཆོག་གསུམ་དངོས་པོ་ཐ་དད་པ་ནི་སངས་རྒྱས་རྒྱལ་པོའི་ཁབ་ཏུ་སྐུ་སྤྲུལ་ཅིང་བྱང་ཆུབ་སེམས་དཔའ་ཡིན་པ་སྐད་དུ་སེམས་ཅན་བསྒྲལ་བའི་ཕྱིར་བརྟུལ་ཞུགས་དང་དཀའ་ཐུབ་སྤྱད་དེ། བྱང་ཆུབ་ཀྱི་ཤིང་དྲུང་དུ་མངོན་པར་བྱང་ཆུབ་ནས་བདག་དང་གཞན་གྱི་དོན་མཛད་ཅེས་བྱ་བ་ནི་སངས་རྒྱས་ཞེས་བྱའོ། །
D264.067.0230a03.01སངས་རྒྱས་ནི་མ་རིག་པའི་གཉིད་ལས་སད་པའོ། །དགེ་འདུན་ཞེས་བྱ་བ་ནི་མཆོད་པའི་གནས་སོ། །སྟོན་པ་ལས་སློབ་མས་དོན་རྙེད་པའི་ཕྱིར་དགེ་འདུན་ཞེས་བྱའོ། །དགེ་འདུན་ལ་རྣམ་པ་གཉིས་ཏེ། འཐུན་པ་དང་། འདུས་མ་བྱས་པའོ། །འདུས་མ་བྱས་པ་ཐོབ་པ་ནི་ཡང་དག་པའི་
D264.067.0230a04.01སྟོང་པ་ཉིད་ཀྱིས་ཤེས་རབ་ཀྱི་མཚན་ཉིད་སྟོང་པ་ཉིད་གྲོལ་བ་ནི་འདུས་མ་བྱས་པའོ། །འཁྲུལ་པ་བར་མི་ཆད་པར་འབྱུང་བའི་ཟག་པ་ཟད་པ་ཡང་འདུས་མ་བྱས་ཞེས་བྱའོ། །ཟག་པ་ཐམས་ཅད་འགགས་ནས་འཕགས་པ་རྣམས་དང་གནས་གཅིག་ཏུ་འཐུན་ཏེ། རྩོད་པ་མེད་པ་ནི་འཐུན་པ་སྟེ།
D264.067.0230a05.01དོན་དེ་གཉིས་དང་ལྡན་པ་ནི་དགེ་འདུན་ཞེས་བྱའོ། །རིགས་ཀྱི་བུ་ཆོས་ནི་དགེ་སྡིག་གི་ཆོས་ཐམས་ཅད་དང་། འདུས་བྱས་དང་། འདུས་མ་བྱས་རྣམས་སོ། །སྡིག་པའི་ཆོས་ནི་སྤང་བར་བྱ། དགེ་བའི་ཆོས་ནི་འཕེལ་བར་བྱའོ། །དེ་ཡང་སེམས་ཀྱིས་དམིགས་སོ་ཅོག་ཆོས་ཀྱི་དཀོན་
D264.067.0230a06.01མཆོག་ཅེས་བྱའོ། །དེའི་ཕྱིར་སངས་རྒྱས་དང་། དགེ་འདུན་གཉིས་དངོས་པོ་ཡང་མི་གཅིག་ལ། ངོ་བོ་ཉིད་ཀྱང་ཐ་དད་དོ། །ཆོས་ནི་དགེ་འདུན་དང་སངས་རྒྱས་སུ་དབྱིངས་འཐུན་ཏེ་སོ་སོར་དབྱེ་བར་དཀའོ། །ཇི་ལྟར་སོ་སོར་དབྱེ་བར་དཀའ་ཞེ་ན། །གལ་ཏེ་སངས་རྒྱས་དང་དགེ་
D264.067.0230a07.01