完整藏文原文 · 德格版页 当前仅加载第 67 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
མང་པོ་དཔག་ཏུ་མེད་པས་རིན་པོ་ཆེའི་རྫིང་རྣམ་པར་བརྒྱན་པ་བྱུང་ནས། གང་ལ་ལ་ཞིག་གིས་གསེར་གྱི་མེ་ཏོག་དང་། རིན་པོ་ཆེའི་རྫིང་བུ་མཐོང་བ་ཙམ་གྱིས་ཆོས་ཀྱི་མིག་རྣམ་པར་དག་པ་ཐོབ་ན་ནང་དུ་ཞུགས་ཏེ་ཁྲུས་བྱས་པ་ལྟ་ཅི་སྨོས། གལ་ཏེ་ཞུགས་ཏེ་ཁྲུས་བྱས་པ་ནི་རྣམ་པར་དག་པ་དང་། མི་སྐྱེ་བའི་ཆོས་
D264.067.0212b01.01ལ་བཟོད་པ་ཐོབ་བོ། །གསེར་གྱི་མེ་ཏོག་དེའི་འོག་ཏུ་སེང་གེའི་ཁྲི་རིན་པོ་ཆེ་ལས་བྱས་པ། འཕང་དུ་དཔག་ཚད་བརྒྱ་པ་བྱུང་སྟེ། དེ་ནས་བཅོམ་ལྡན་འདས་ཀྱིས་རིན་པོ་ཆེའི་ཁྲི་དེ་ལ་བཞུགས་ནས་སྐུའི་བ་སྤུའི་བུ་ག་དང་། ཡན་ལག་ཀུན་ནས་འོད་ཟེར་ཆེན་པོ་བཏང་སྟེ། དེ་བཞིན་གཤེགས་པའི་འོད་ཟེར་ཡང་
D264.067.0212b02.01གསེར་གྱི་མེ་ཏོག་གི་ཁ་དོག་དང་འཐུན་པར་ཕྱོགས་བཞིར་བྱུང་བས་ཕྱོགས་བཅུར་སངས་རྒྱས་ཀྱི་ཞིང་ཐམས་ཅད་དུ་ཁྱབ་པར་སྣང་བར་བྱས་པའི་གནས་ཐམས་ཅད་དུ་རི་ལུང་དང་། ཡུལ་ས་ཀུན་ཀྱང་མཉམ་པར་གྱུར་ནས་ཐམས་ཅད་གསེར་གྱི་ཁ་དོག་ཏུ་གྱུར་ཏེ། སྨེ་བཙོགས་པ་ཡང་མེད་ལ་སེམས་ཅན་དམྱལ་
D264.067.0212b03.01བ་ཡང་ཞི་ནས་ཡི་དྭགས་ཀྱང་རྣམ་པར་གྲོལ་ཏེ། ལོག་སྤྱོད་དང་དམ་པའི་ཆོས་ལ་སྨོད་པ་ནི་མ་གཏོགས་སོ། །དེ་བཞིན་གཤེགས་པའི་བྱིན་གྱི་རླབས་ཀྱིས་འཇིག་རྟེན་གྱི་ཁམས་གཞན་དང་། དབུས་ཀྱི་ཁམས་འདི་དང་འདྲ་བར་གྱུར་ནས་ཐ་དད་པ་མེད་དོ། །ཕྱོགས་བཅུའི་སངས་རྒྱས་ཀྱིས་ཀྱང་འོད་ཟེར་དེ་གཟིགས་
D264.067.0212b04.01ནས་སོ་སོ་ནས་ཚིག་འཐུན་པར་བཅོམ་ལྡན་འདས་ཤཱཀྱ་ཐུབ་པ་ལ་ལེགས་སོ་ཞེས་པས་བསྟོད་ནས་ལེགས་སོ་ལེགས་སོ། །བཅོམ་ལྡན་འདས་བྱམས་པ་ཆེན་པོས་འོད་ཟེར་བཏང་བ་འདི་ནི་སྔོན་གྱི་འོད་ཟེར་དང་མི་འདྲ་སྟེ། སྔོན་ཆད་ཀྱི་འོད་ནི་ཤར་ཕྱོགས་སུ་སྔར་ཤར་ན། དེང་གི་འོད་ནི་ཕྱོགས་བཞི་ནས་
D264.067.0212b05.01དུས་གཅིག་ཏུ་ཕྱོགས་བཅུར་ཁྱབ་པར་ཤར་བ་ལས་བལྟས་ན་འོད་དེས་ནི་སྡུག་བསྔལ་བའི་སེམས་ཅན་ཐམས་ཅད་ཁམས་གསུམ་ནས་བཏོན་ཏེ། མྱ་ངན་ལས་བཟླ་བར་མངོན་ནོ་ཞེས་གསུངས་སོ། །དེ་ནས་ཕྱོགས་བཅུའི་སངས་རྒྱས་རྣམས་ཀྱིས་སོ་སོའི་འཁོར་གྱི་བྱང་ཆུབ་སེམས་དཔའ་སེམས་དཔའ་
D264.067.0212b06.01ཆེན་པོ་རྣམས་ལ་བཀའ་སྩལ་པ། རིགས་ཀྱི་བུ་དག་འདི་ལྟ་སྟེ། འཇིག་རྟེན་གྱི་ཁམས་མི་མཇེད་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་འོད་ཟེར་ཆེན་པོ་གཏོང་བ་ནི་གདོན་མི་ཟ་བར་དམ་པའི་ཆོས་བསྟན་ཅིང་སེམས་ཅན་རྣམས་སྡུག་བསྔལ་བ་ལས་བསྒྲལ་
D264.067.0212b07.01