完整藏文原文 · 德格版页 当前仅加载第 67 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུངས་འདི་ཐོས་མ་ཐག་ཏུ་སེམས་ཐག་པ་ནས་བླང་བ་དང་། བཅང་བ་དང་། ཉིན་རེ་ཞིང་ཀློག་པ་དང་། ཁ་ཏོན་དུ་བགྱིད་པ་དང་། ཡི་དམ་དུ་མི་བསྐྱུད་པར་བགྱིད་ན་གང་ཟག་དེ་མངོན་པར་བྱང་མ་ཆུབ་ཀྱི་བར་དུ་ངན་སོང་གསུམ་དུ་ལྟུང་བར་མི་འགྱུར་རོ་ཞེས་གསོལ་པ་དང་། བཅོམ་
D264.067.0248b01.01ལྡན་འདས་ཀྱིས་བྱང་ཆུབ་སེམས་དཔའ་སེང་གེའི་སྒྲ་ལ་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་ཁྱོད་དཀོན་མཆོག་གསུམ་གྱི་རིམ་གྲོ་བྱ་བ་དང་། བྱམས་པའི་སེམས་ཀྱིས་སེམས་ཅན་རྣམས་སྲིད་པ་གསུམ་ལས་འདོན་པ་དང་། བསླབ་པ་མང་པོ་གྲངས་མེད་པ་ལ་ཕན་པ་དང་།
D264.067.0248b02.01བདེ་བ་ཆེན་པོ་བྱ་བའི་ཕྱིར་སྟོན་པའི་སྒོ་འབྱེད་ཅིང་ལོག་པར་ལྟ་བ་རྣམས་བཟློག་སྟེ་ཡང་དག་པའི་ལྟ་བ་ལ་འཛུད་པའི་ཕྱིར་གཟུངས་སྔགས་འདི་བཤད་པ་ནི་ཤིན་ཏུའང་ལེགས་སོ། །རིགས་ཀྱི་བུ་སེམས་ཅན་ཐམས་ཅད་གང་དག་ཁྱོད་ཀྱི་མིང་དང་སྔགས་ཀྱི་སྒྲ་ཐོས་ནས་དད་པ་དང་གུས་པ་བསྐྱེད་དེ་མི་སྨོད་
D264.067.0248b03.01ན་གང་ཟག་དེ་ཚེ་འདི་ཉིད་ལ་ཡང་བདེ་ལ། འཆི་འཕོས་ན་ཡང་རྟག་ཏུ་སངས་རྒྱས་ཐམས་ཅད་མཐོང་ཞིང་ང་ཡང་མཐོང་ལ། ཁྱོད་ལ་སོགས་པ་བྱང་ཆུབ་སེམས་དཔའ་ཐམས་ཅད་ཀྱང་མཐོང་བར་འགྱུར་རོ། །མངོན་པར་འཚང་རྒྱ་བར་ཡང་ངེས་པར་རང་གིས་རིག་སྟེ་ཐེ་ཙོམ་མེད་དོ། །ཀུན་ནས་
D264.067.0248b04.01ཉོན་མོངས་སྤངས་པ་དང་། །དགེ་བ་ཀུན་གྱི་ལམ་བསྒྲུབས་ཏེ། །སངས་རྒྱས་རང་བཞིན་མཐོང་བ་ཡང་། །རྣམ་དག་དད་པའི་དབང་གིས་སོ། །ཡང་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ང་མྱ་ངན་ལས་འདས་པའི་འོག་ཏུ་རིགས་ཀྱི་བུའམ། རིགས་ཀྱི་བུ་མོ་གང་ལ་ལས་
D264.067.0248b05.01ཉིན་གཅིག་གམ། དུས་གཅིག་གམ། མཚན་གཅིག་གམ། སྐད་ཅིག་མ་གཅིག་ལ་ཕྱོགས་བཅུ་དུས་གསུམ་དུ་གཤེགས་པའི་སངས་རྒྱས་དང་། མདོ་སྡེ་བཅུ་གཉིས་དང་། བྱང་ཆུབ་སེམས་དཔའི་དགེ་འདུན་ཆེན་པོ་རྣམས་ལ་ཕྱག་འཚལ་ཞིང་ཐེག་པ་ཆེན་པོ་ཚུལ་བཞིན་དུ་ཡིད་ལ་
D264.067.0248b06.01བྱེད་པ་དང་། དོན་དམ་པའི་བདེན་པ་ལ་བསམས་ན་གང་ཟག་དེ་ནི་སྐད་ཅིག་མ་སེ་གོལ་གཏོགས་པ་ཙམ་གྱིས་མི་དགེ་བ་བཅུ་དང་། མཚམས་མེད་པ་ལྔ་དང་། མཉམ་པ་ཉིད་ལ་སྐུར་པ་དང་། ཀུན་ནས་ཉོན་མོངས་པའི་ལས་ཐམས་ཅད་ཡོངས་སུ་མ་ལུས་པར་འབྱང་བར་འགྱུར་རོ། །
D264.067.0248b07.01