完整藏文原文 · 德格版页 当前仅加载第 67 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་དགེ་སློང་ངམ། དགེ་སློང་མའམ། བྱང་ཆུབ་སེམས་དཔའ་འམ། དགེ་སྦྱོང་ངམ། དགེ་སྦྱོང་མས་སེམས་ཀྱི་རང་བཞིན་སྟོར་ནས་རྩ་བ་བཞི་དང་། སྡོམ་པ་བརྒྱད་ཉམས་པ་དང་། མི་དགེ་བ་བཅུ་དང་། མཚམས་མེད་པ་ལྔ་བྱས་པ་དང་། མཉམ་པ་ཉིད་ལ་སྐུར་
D264.067.0249a01.01པ་རྣམས་ཕྱོགས་བཅུ་དུས་གསུམ་དུ་གཤེགས་པའི་སངས་རྒྱས་ཀྱི་མཚན་ལ་དད་པ་བསྐྱེད་དེ་ཕྱག་འཚལ་ན་འདི་ལྟ་བུའི་ལས་ངན་པ་ཀུན་མ་ལུས་པར་འབྱང་བར་འགྱུར་རོ། །དེ་སྐད་ཅེས་བཀའ་སྩལ་མ་ཐག་ཏུ་སྔོན་སངས་རྒྱས་འོད་མི་འགྱུར་གྱི་དུས་ན་རྒྱལ་བུ་དགེ་མཐོང་ཞེས་བྱ་བ་དེའི་ཚེ་མི་སུམ་
D264.067.0249a02.01སྟོང་དང་ལྷན་ཅིག་ཏུ་སྐད་ཅིག་མ་དེར་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་གཏུགས་ཏེ་ཕྱག་འཚལ་ནས་ཚིག་འཐུན་པར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ཅག་བསྐལ་པ་གྲངས་མ་མཆིས་པ་ནས་ཀུན་ནས་ཉོན་མོངས་པའི་ལས་བགྱིས་པ་ལྟ་ཞིག་བཤད་ཀྱིས་མི་
D264.067.0249a03.01རྫོགས་ཏེ། མི་དགེ་བ་བཅུ་དང་། མཚམས་མ་མཆིས་པ་ལྔ་དང་མཉམ་པ་ཉིད་ལ་སྐུར་པའི་སྡིག་གྲངས་མ་མཆིས་པར་བགྱིས་པ་དེ་དག་དེ་བཞིན་གཤེགས་པའི་མདོ་སྡེ་བཅུ་གཉིས་ལ་བརྟེན་ནས་བྱང་ཆུབ་སེམས་དཔའི་དགེ་འདུན་རྣམས་ཀྱི་སྤྱན་སྔར་མཐོལ་ཏེ། འགྱོད་ཚངས་སུ་གསོལ་
D264.067.0249a04.01ཞིང་མཆིས་ན་སྐབས་དབྱེ་བར་ཅི་གནང་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་འཇིགས་པའི་སེམས་བསྐྱེད་པའང་དཀའ་ལ། དགེ་བའི་རྩ་བ་བསྐྱེད་པའང་དཀའ་སྟེ། མི་དགེ་བ་བཅུ་དང་། མཚམས་མེད་པ་ལྔ་མཐོལ་
D264.067.0249a05.01ཞིང་འཆགས་པར་འདོད་པ་ནི་ལོངས་སྤྱོད་ལ་སོགས་པ་ཡང་སངས་རྒྱས་ཀྱི་བདག་ཉིད་མཐོང་དུ་ཉེ་བས་ཡིད་ལ་དྲན་པ་བཞིན་དུ་མཐོལ་ཞིང་ཤོགས་ཤིག །དེ་ནས་རྒྱལ་བུ་དགེ་མཐོང་ལ་སོགས་པ་མི་སུམ་སྟོང་གིས་བཅོམ་ལྡན་འདས་ཀྱིས་སྐབས་དབྱེ་བར་གནང་བ་བྱམས་པའི་གསུང་ཐོས་ནས་
D264.067.0249a06.01གོས་ཚགས་བཅོས་ཏེ་ཐལ་མོ་སྦྱར་ཅིང་ཕྱག་འཚལ་ནས་བླ་གོས་ཕྲག་པ་གཡས་སུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ཕྱོགས་བཅུའི་སངས་རྒྱས་ལ་སྐྱབས་སུ་མཆིའོ། །
D264.067.0249a07.01