完整藏文原文 · 德格版页 当前仅加载第 67 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་མཐར་ཕྱིན་པར་སྤྱད་པ་ནི་ཡང་དག་པའི་ཆོས་དཀོན་མཆོག་ཅེས་བྱའོ། །སྤྱོད་པ་པ་རྣམས་ཀྱིས་ཡང་དག་པའི་ཆོས་ཀྱི་ཆོས་ཉིད་ཁོང་དུ་ཆུད་ཅིང་རྟག་ཏུ་འདུས་མ་བྱས་པའི་གནས་སུ་གྲུབ་པ་ནི་དགེ་འདུན་ཞེས་བྱའོ། །ཡང་ཕྱིན་ཅི་ལོག་བརྒྱད་གཏན་དུ་བྲལ་བས་འཕགས་པ་དང་སྐྱེ་བོ་
D264.067.0231a01.01ཐམས་ཅད་འཐུན་ཞིང་ནམ་དུ་ཡང་རྩོད་པ་མེད་པ་ནི་དགེ་འདུན་དཀོན་མཆོག་ཅེས་བྱའོ། །སྔོན་དཀོན་མཆོག་གསུམ་མི་དང་ཆོས་སུ་ཐ་དད་པར་བཤད། དེང་འདིར་ནི་སངས་རྒྱས་དངོས་པོ་གཅིག་ལ་ཆོས་དང་དགེ་འདུན་ཡང་དེར་བྱུང་བས་དོན་དེའི་ཕྱིར་ངས་ཁྱོད་ལ་དངོས་པོ་གཅིག་པའི་དཀོན་མཆོག་
D264.067.0231a02.01གསུམ་བཤད་དེ། སྐྱེ་བོ་ཀུན་ཐེག་པ་གཅིག་ཏུ་ཕྱོགས་པར་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་མཚན་ཉིད་དད་ཀྱིས་འདི་སྐད་ཅེས་གསོལ་ཏོ། །སངས་རྒྱས་བཅོམ་ལྡན་འདས་གང་ལ་རྣམ་པར་རྟོག་སྟེ་ཐེག་པ་ཆེན་པོ་བསྒྲུབ་པར་བགྱི། བཅོམ་ལྡན་འདས་ཀྱིས་
D264.067.0231a03.01བཀའ་སྩལ་པ། རིགས་ཀྱི་བུ་ཁམས་གསུམ་མི་རྟག་པར་བསམས་ཏེ་ཐེག་པ་ཆེན་པོར་བསྒྲུབ་བོ། །བྱང་ཆུབ་སེམས་དཔའ་མཚན་ཉིད་དད་ཀྱིས་གསོལ་པ། ཇི་ལྟར་ན་མི་རྟག་པ་ལ་རྣམ་པར་རྟོག་པར་བགྱི། བཀའ་སྩལ་པ། མི་རྟག་པ་ལ་རྣམ་པར་རྟོག་པར་བྱ་ན་ཉོན་མོངས་པ་རྣམ་པར་སྤངས་ཏེ་ཡང་
D264.067.0231a04.01དག་པའི་དྲན་པ་མངོན་དུ་བཞག་ལ་བྱམས་པ་དང་སྙིང་རྗེ་ཐོག་མར་འགྲོ་བར་བྱ་སྟེ། སྐྱེ་བོ་རྣམས་ལ་ཆོས་བཤད་ཅིང་བསྒྲལ་ན་ཡང་ལན་མི་རེ་བ་ནི་བྱང་ཆུབ་སེམས་དཔའ་ཞེས་བྱའོ། །དེ་ལྟར་སེམས་ཅན་ཡོངས་སུ་མི་གཏོང་བར་ཐེག་པ་ཆེན་པོ་བསྒྲུབ་པར་བྱའོ། །རིགས་ཀྱི་བུ་དཔེར་ན་གྲོང་ཁྱེར་ཆེན་པོ་
D264.067.0231a05.01གཅིག་འཁོར་རྒྱ་དཔག་ཚད་གཅིག་ལ། སྒོ་མང་པོ་ཞིག་ཡོད་པ་དེར་འགྲོར་ནི་ལམ་ན་གཡང་ས་དང་། མུན་ནག་པ་དང་། ཤིན་ཏུ་འཇིགས་པའི་ས་ཆེར་ཡོད་ཀྱིས་ཀྱང་། གྲོང་ཁྱེར་དེར་ཕྱིན་ན་ཤིན་ཏུ་བདེ་སྐྱིད་པར་འགྱུར་བས་སྐྱེས་བུ་མི་གཅིག་ལ་བུ་གཅིག་པུ་ཞིག་ཡོད་པ་ཤིན་ཏུ་ཡང་སྡུག་མོད་
D264.067.0231a06.01ཀྱི། གྲོང་ཁྱེར་དེ་ན་བདེ་སྐྱིད་པའི་ལོངས་སྤྱོད་དཔག་ཏུ་མེད་པ་ཡོད་དོ་ཞེས་ཐོས་པས་བུ་སྡུག་པ་དེར་བོར་ནས། གྲོང་ཁྱེར་དེར་འགྲོ་འདོད་པའི་ཕྱིར་ཐབས་སྣ་ཚོགས་ཀྱིས་ལམ་འཇིགས་ས་བསྒྲལ་ནས་གྲོང་ཁྱེར་དེའི་སྒོར་ཕྱིན་པ་དང་། རྐང་པ་ཡ་གཅིག་ནང་དུ་བཅུག་སྟེ། རྐང་པ་ཡ་གཅིག་མ་བཏེག་
D264.067.0231a07.01