完整藏文原文 · 德格版页 当前仅加载第 67 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱེད་པ་དང་། རང་གི་དགའ་བ་ཡོངས་སུ་འདོར་བ་དང་། མཉེན་དེས་བྱས་ཏེ་བཟོད་པ་བསྒོམ་པ་དང་ལེ་ལོ་སྤོང་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཚེ་ཚེ་རབས་རབས་སུ་བྱང་ཆུབ་ཀྱི་སེམས་ཆུད་མི་ཟོས་པར་འགྱུར་རོ། །བཞི་གང་ཞེ་ན། ཕྱོགས་བཅུའི་སངས་རྒྱས་
D264.067.0234b01.01ཐམས་ཅད་རྟག་ཏུ་དྲན་པར་བྱེད་པ་དང་། བསོད་ནམས་བྱས་སོ་ཅོག་སེམས་ཅན་གྱི་ཕྱིར་བླ་ན་མེད་པའི་བྱང་ཆུབ་ཏུ་བསྔོ་བ་དང་། དགེ་བའི་བཤེས་གཉེན་ལ་སྟེན་པ་དང་། ཐེག་པ་ཆེན་པོ་ཡོངས་སུ་སྒྲོག་པར་བྱེད་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་སེམས་སྤྱོད་པ་
D264.067.0234b02.01རྣམ་པ་གཅིག་ལས་རྣམ་པ་སྣ་ཚོགས་སུ་མི་སྤྱོད་པར་འགྱུར་རོ། །བཞི་གང་ཞེ་ན། ཉན་ཐོས་ཀྱི་སེམས་སྤང་བ་དང་། རང་སངས་རྒྱས་ཀྱི་སེམས་སྤང་བ་དང་། ཆོས་སྒྲུབ་པས་སྐྱོ་མི་ངས་པ་དང་། ཆོས་ཅི་ཐོས་པ་གཞན་ལ་སྟོན་པར་བྱེད་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་
D264.067.0234b03.01དང་ལྡན་ན་ཆོས་རིན་པོ་ཆེ་ལེགས་པར་བསྒྲུབ་པར་འགྱུར་རོ། །བཞི་གང་ཞེ་ན། ཐེག་པ་ཆེན་པོ་ཆོས་དཀོན་པའི་ཕྱིར་རིན་པོ་ཆེ་དང་འདྲ་བར་འདུ་ཤེས་བསྐྱེད་པ་དང་ཐེག་པ་ཆེན་པོའི་ཆོས་སེམས་ཀྱི་ནད་ཐམས་ཅད་སེལ་བའི་ཕྱིར་སྨན་དང་འདྲ་བར་ལྟ་བ་དང་། ཐེག་པ་ཆེན་པོའི་ཆོས་ནམ་ཡང་མི་རླག་པའི་ཕྱིར་
D264.067.0234b04.01ནོར་གྱི་དབྱིག་དང་འདྲ་བར་ལྟ་བ་དང་། ཐེག་པ་ཆེན་པོའི་ཆོས་མྱ་ངན་ལས་འདའ་བར་བྱེད་པའི་ཕྱིར་སྡུག་བསྔལ་འགོག་པར་ལྟ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཚུལ་ཁྲིམས་ཉམས་པ་དང་། ཉོན་མོངས་པའི་ཁ་ན་མ་ཐོ་བ་ལས་འབྱུང་བར་འགྱུར་རོ། །བཞི་གང་ཞེ་ན།
D264.067.0234b05.01ཆོས་རྣམས་འོང་བ་མེད་པའི་ཕྱིར་ཆོས་ལ་མི་སྐྱེ་བའི་བཟོད་པ་ཐོབ་པ་དང་། ཆོས་རྣམས་སོང་བ་མེད་པའི་ཕྱིར་ཆོས་ལ་མི་འགོག་པའི་བཟོད་པ་ཐོབ་པ་དང་། ཆོས་རྣམས་རྒྱུ་དང་རྐྱེན་ལས་སྐྱེ་བར་ཤེས་པའི་ཕྱིར་ཆོས་ལ་རྟེན་ཅིང་འབྲེལ་བར་འབྱུང་བའི་བཟོད་པ་ཐོབ་པ་དང་། ཐ་དད་པའི་སེམས་
D264.067.0234b06.01རྒྱུད་མེད་པའི་ཕྱིར་མི་གནས་པའི་བཟོད་པ་ཐོབ་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཉོན་མོངས་པ་རྣམས་འགག་པར་འགྱུར་རོ། །བཞི་གང་ཞེ་ན། ཡང་དག་པའི་དྲན་པ་མངོན་དུ་གཞག་པ་དང་། དབང་པོ་རྣམས་བསྡམ་པ་དང་། དགེ་བའི་ཆོས་ཀྱི་
D264.067.0234b07.01