完整藏文原文 · 德格版页 当前仅加载第 67 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལས་བབས་ཏེ་ཡུམ་གྱི་ལྷུམས་སུ་ཡང་མ་གནས། ཆོས་ཐམས་ཅད་ལ་སེམས་མི་གནས་པས་ང་ནི་སྐྱེ་རྒན་འཆི་ལས་འདས་སོ་ཞེས་ཀྱང་མ་བྱས། ཕྱོགས་བཞིར་གོམ་པ་བདུན་བདུན་ཡང་མ་བོར། ང་ནི་འཇིག་རྟེན་ན་བླ་ན་མེད་པའི་བཙུན་པ་ཡིན་ནོ་ཞེས་ཀྱང་མ་བརྗོད། གྲོང་ཁྱེར་མཆོག་ཏུ་ན་ཅུང་བཟང་མོ་དང་
D264.067.0244b01.01ཡང་མ་རྩེ་ན། འཇིག་རྟེན་གྱི་བྱ་བ་ཡིག་རྩིས་ལ་སོགས་པ་ཡང་མ་བསླབས། སྟོབས་དང་འཕོང་རྩོལ་ཡང་མ་བསྒྲུན། སེམས་ཅན་ཡངས་སུ་མྱ་ངན་ལས་བཟླ་བའི་ཕྱིར་རྒན་པོ་མངོན་སུམ་དུ་བསྟན་པ་ནི་ལུས་ལ་ཆགས་པ་རྣམས་བཀག་པའོ། །ནད་པ་མངོན་སུམ་དུ་བསྟན་པ་ནི་ཚེ་ལ་ཆགས་
D264.067.0244b02.01པ་རྣམས་བཀག་པའོ། །ཤི་བའི་མཚན་མ་མངོན་སུམ་དུ་བསྟན་པ་ནི་འདོད་ཆགས་དང་ང་དང་ངར་འཛིན་པ་རྣམས་བཀག་པའོ། །དགེ་སློང་མངོན་སུམ་དུ་བསྟན་པ་ནི་སེམས་ཅན་རྣམས་ཚངས་པ་དང་བརྒྱ་བྱིན་གྱི་ལུས་སུ་མི་སྨོན་པར་འཇིག་རྟེན་ལས་འདས་པ་བླ་ན་མེད་པའི་ཆོས་བརྩོན་པར་བསྒྲུབ་
D264.067.0244b03.01པར་བྱ་བའོ། །གྲོང་ཁྱེར་མཆོག་ནས་བྱུང་སྟེ་གཤེགས་པ་ནི་ཁམས་གསུམ་གྱི་བཙོན་ར་ནས་ཐར་པ་དང་འབྲས་བུ་མ་ཡིན་པ་རྣམས་བསྟན་པའོ། །སླར་གཟིགས་པ་ནི་བྱམས་སྡང་མི་མངའ་བར་བསྟན་པའོ། །དེའི་ཕྱིར་མཚན་སུམ་ཅུ་རྩ་གཉིས་ཀྱིས་སྐུ་རྣམ་པར་བརྒྱན་ཅིང་སེམས་ཅན་གྱི་
D264.067.0244b04.01བསོད་ནམས་ཀྱི་ཞིང་དུ་བྱ་བའོ། །དབུ་སྐྲ་བྲེགས་པ་དང་། རྒྱན་རྣམས་སྤངས་པ་དང་། རྟ་ཙན་ཏ་ཀ་ཞབས་རིང་དད་པ་ཅན་ལ་སླར་བསྐུར་བ་ནི་ཉོན་མོངས་པ་ཐམས་ཅད་དང་དབྲལ་བར་བསྟན་པའོ། །ཁ་སྤུ་བྲེགས་པ་ནི་ཆོས་ཐམས་ཅད་ལ་མི་ཆགས་པར་བསྟན་པའོ། །ཀཤ་ངུར་སྨྲིག་གྱོན་པ་ནི་
D264.067.0244b05.01སེམས་ཅན་འདུལ་བར་བསྟན་པའོ། །དྲང་སྲོང་ཨུ་ཏ་ཀ་དང་། ཨ་རན་ཏ་ལ་ཆོས་འདྲི་རྟོག་བྱ་བ་ནི་རང་གི་ང་རྒྱལ་གྱི་སེམས་འཇོམས་པར་བསྟན་པའོ། །ལོ་དྲུག་གི་བར་དུ་དཀའ་ཐུབ་སྤྱད་པ་ནི་མུ་སྟེགས་འདུལ་བའོ། །ཞལ་ཟས་བླངས་པ་ནི་འཇིག་རྟེན་པའི་ཆོས་ཀྱི་རྗེས་སུ་འབྲང་བའོ། །
D264.067.0244b06.01རྩྭ་སྭ་སྟི་ཀ་བླངས་པ་ནི་ཆོག་ཤེས་པར་བསྟན་པའོ། །རྩྭ་བཏིང་བའི་སྟེང་དུ་བཞུགས་པ་ནི་ཉམ་རངས་དང་གཡེལ་བ་རྣམས་འཇོམས་པར་བསྟན་པའོ། །ལྷ་ཀླུ་ཀུན་གྱིས་བསྟོད་ཅིང་བསྔགས་པ་དང་བསྙེན་བཀུར་བྱས་པ་ནི་ཡོན་ཏན་གྱི་འབྲས་བུ་ལ་བཀོད་པར་བསྟན་པའོ། །བདུད་རྣམས་བཏུལ་བ་
D264.067.0244b07.01