完整藏文原文 · 德格版页 当前仅加载第 67 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
གཅོད་ལ་ཕྱག་འཚལ་ལོ། །ཕ་རོལ་མཐར་ཕྱིན་ལ་ཕྱག་འཚལ་ལོ། །འཇིག་རྟེན་ཀུན་ལས་འདས་ཟིན་པ་ལ་ཕྱག་འཚལ་ལོ། །འཁོར་བའི་རྒྱུད་དང་ཡོངས་སུ་བྲལ་བ་ལ་ཕྱག་འཚལ་ལོ། །ཏིང་ངེ་འཛིན་རྣམ་པར་གྲོལ་བ་ལ་ཕྱག་འཚལ་ལོ། །ནམ་མཁའ་ལྟར་དམིགས་
D264.067.0217a01.01སུ་མེད་པ་ལ་ཕྱག་འཚལ་ལོ། །མང་པོའི་ནང་ན་ཆོས་ཀྱི་རྒྱལ་པོ་ལ་ཕྱག་འཚལ་ལོ། །བདུད་བཞིའི་ཚོགས་འཇོམས་པ་ལ་ཕྱག་འཚལ་ལོ། །བུ་གཅིག་པའི་ཕ་ལྟར་བྱམས་པ་ཆེན་པོ་ལ་ཕྱག་འཚལ་ལོ། །ཚེ་རབས་འཆི་འཕོས་གར་འབྱུང་གར་སྐྱེས་ཀྱང་སངས་རྒྱས་ཀྱི་ཞལ་རྟག་ཏུ་མཐོང་ཞིང་སངས་
D264.067.0217a02.01རྒྱས་ཀྱི་བདག་ཉིད་མངོན་པར་རྟོགས་ལ་མྱ་ངན་ལས་འདས་པ་ཆེན་པོར་ཕྱིན་པར་གྱུར་ཅིག །དེ་ཅིའི་ཕྱིར་ཞེ་ན། འཇིག་ཚོགས་ཅན་ཀུན་ལ་སངས་རྒྱས་ཀྱི་བདག་ཉིད་ཡོད་པའི་ཕྱིར་རོ། །ཀྱེ་འཁོར་མང་པོ་རྣམས་སོར་མོ་བཅུའི་ཐལ་མོ་སྦྱོར་ལ་ཡང་དག་པར་མཉན་ཅིང་སེམས་ཐག་པ་ནས་མཆོད་པ་ཕུལ་
D264.067.0217a03.01ཅིག །ངས་ནི་ཕྱོགས་བཅུ་དུས་གསུམ་གྱི། །སངས་རྒྱས་མཚན་རྣམས་བཤད་ཀྱིས་ཉོན། །སྡིག་པ་མཚམས་མེད་ལྔ་པོ་ཡང་། །རྣམ་གྲོལ་མཚན་ཉིད་བསྐྱེད་པར་བྱ། །དགེ་རྩ་མེད་པའི་གང་ཟག་ལ། །ངས་ནི་དགྲོལ་ཞིང་བཤད་ཀྱིས་ཀྱང་། །དེས་ཀྱང་ཆུད་པར་མི་ནུས་ཏེ། །ས་བོན་ཚིག་
D264.067.0217a04.01རྣམས་རང་བཞིན་དོང་། །གྲུང་བརྟན་འབའ་ཞིག་གནས་པར་འགྱུར། །ཐེག་པ་ཆུང་ངུ་བསལ་ནས་སུ། །ཐེག་ཆེན་ཉི་ཚེ་ཡོད་པར་འགྱུར། །ཐེག་པ་གཉིས་པོ་བསལ་ནས་སུ། ཐེག་པ་གཅིག་པུ་ཡོད་པར་འགྱུར། །དགེ་རྩ་མེད་པའི་གང་ཟག་གིས། །སྒྲ་འདི་ཐོས་པར་མི་འགྱུར་ཏེ། །སངས་རྒྱས་
D264.067.0217a05.01གྲངས་མེད་མཆོད་མྱོང་བས། །གདོད་དེས་སངས་རྒྱས་མཚན་ཐོས་སོ། །ལེན་ཅིང་འཛིན་པར་བྱེད་པ་ནི། །ཕྱོགས་ཙམ་རྣམ་པར་གྲོལ་བ་སྟེ། །རྣམ་དག་ས་ལ་བདེ་བར་གནས། །ད་ཡང་ང་ཡི་ཆོས་འདི་ལ། །སངས་རྒྱས་སྤྱད་པ་ཀུན་སྤྱད་དེ། །སངས་རྒྱས་མཚན་ལ་ཕྱག་འཚལ་ཞིང་། །མདོ་འདི་
D264.067.0217a06.01བླང་ཞིང་ཀློག་འཆང་ན། །བདུད་ཀྱི་ལས་དང་བྲལ་བར་འགྱུར། །རྩ་བ་བཞི་དང་མཚམས་མེད་དང་། །ལོག་སྤྱོད་རྣམས་ཀྱི་སྡིག་ཀྱང་འབྱང་། །མ་འོངས་དུས་ན་གང་ཟག་དེ། །འཕགས་པའི་ལམ་ཡང་ངེས་པར་འགྲུབ། །གང་ཞིག་དད་པ་མ་སྐྱེས་ན། །ངན་སོང་གསུམ་དུ་ལྟུང་ཡང་དག །དད་སྐྱེས་
D264.067.0217a07.01