完整藏文原文 · 德格版页 当前仅加载第 61 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་པ་དང་། སངས་རྒྱས་བཅོམ་ལྡན་འདས་རྣམས་སེམས་ཅན་གཟིགས་མ་ཐག་ཏུ་མྱུར་དུ་ནེམ་ནུར་དང་། ཡིད་གཉིས་འཇོམས་པར་ཉེ་བར་གཤེགས་པ་དང་། སངས་རྒྱས་བཅོམ་ལྡན་འདས་རྣམས་བྱང་ཆུབ་ཏུ་སེམས་བསྐྱེད་པའི་སེམས་ཅན་གཟིགས་མ་ཐག་ཏུ་
D187.061.0189a01.01ཕྱིར་མི་ལྡོག་པར་མཛད་པའི་ཕྱིར་མྱུར་དུ་གཤེགས་ཤིང་སེམས་རྒྱ་ཆེན་པོ་ལ་དད་པ་དང་། སངས་རྒྱས་ཀྱིས་འདུལ་བའི་འགྲོ་བ་བྱང་ཆུབ་ཏུ་སེམས་མ་བསྐྱེད་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མཛད་པ་དང་། སངས་རྒྱས་བཅོམ་ལྡན་འདས་རྣམས་གཤའ་
D187.061.0189a02.01མར་ཞུགས་པ་གཟིགས་མ་ཐག་ཏུ་དམིགས་པར་ལྟ་བ་དང་། གཤའ་མར་འཇུག་པའི་རྒྱུ་རབ་ཏུ་འཛིན་པ་དང་། སངས་རྒྱས་བཅོམ་ལྡན་འདས་རྣམས་སེམས་ཅན་རྣམས་གཟིགས་མ་ཐག་ཏུ་མྱུར་དུ་སེམས་ཅན་རྣམས་ཀྱི་དབང་པོ་འཇིག་རྟེན་ལས་འདས་པ་རྣམ་པར་དག་པར་མཛད་པ་
D187.061.0189a03.01དང་། སངས་རྒྱས་བཅོམ་ལྡན་འདས་རྣམས་སེམས་ཅན་གཟིགས་མ་ཐག་ཏུ་མྱུར་དུ་བསྒྲིབས་པ་ཐམས་ཅད་ཟད་པར་མཛད་དུ་གཤེགས་པ་དང་། སངས་རྒྱས་བཅོམ་ལྡན་འདས་རྣམས་སེམས་ཅན་གཟིགས་མ་ཐག་ཏུ་མྱུར་དུ་སྣང་བ་སོ་སོར་རྙེད་ཅིང་ཞུམ་པ་མེད་དེ། མི་འཇིགས་པ་ལ་
D187.061.0189a04.01སྤོབས་པ་རྩོམ་པར་མཛད་པ་སྟེ། ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་ལྡན་འདས་གཟིགས་མ་ཐག་ཏུ་མྱུར་བའི་དེ་བཞིན་དུ་གཟིགས་པའི་ཆོས་བཅུའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་བདག་རྗེས་སུ་དགོངས་པ་རྣམ་པར་དག་པ་བཅུ་སྟེ། བཅུ་གང་ཞེ་ན།
D187.061.0189a05.01སངས་རྒྱས་བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་སེམས་ཀྱི་སྤྱོད་པ་རྗེས་སུ་དགོངས་པ་རྣམས་ཡིན། སངས་རྒྱས་བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པ་ཡང་རྗེས་སུ་དགོངས་པ་རྣམས་ཡིན། སངས་རྒྱས་བཅོམ་ལྡན་
D187.061.0189a06.01འདས་བྱང་ཆུབ་སེམས་དཔའ་རྣམས་ཀྱི་སྨོན་ལམ་ཆེན་པོ་ཡོངས་སུ་རྫོགས་པ་ཡང་རྗེས་སུ་དགོངས་པ་རྣམས་ཡིན། སངས་རྒྱས་བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་བསྒྲུབས་པའང་རྗེས་སུ་དགོངས་པ་རྣམས་ཡིན། སངས་རྒྱས་བཅོམ་ལྡན་འདས་རྣམས་ཀྱི་སངས་
D187.061.0189a07.01