完整藏文原文 · 德格版页 当前仅加载第 61 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་སོ། །སངས་རྒྱས་བཅོམ་ལྡན་འདས་ཀྱི་བདག་པོས་འཇིག་རྟེན་གྱི་ཁམས་མ་ལུས་པ་ཐམས་ཅད་རྣམ་པ་དྲུག་ཏུ་གཡོས་ཀྱང་སེམས་ཅན་གཅིག་ལ་ཡང་གནོད་པ་མེད་པ་ཚད་མེད་གྲངས་མེད་པའི་རྒྱན་གྱིས་བརྒྱན་པ། ནམ་མཁའི་ཁམས་ཀྱི་མཐའི་
D187.061.0169a01.01འཇིག་རྟེན་གྱི་ཁམས་མ་ལུས་པ་ཐམས་ཅད་གཅིག་ནས་གཅིག་ཏུ་འདེག་པ་དང་། འཇོག་པ་དང་། སད་པ་དང་། འཕེན་པ་དང་། འཇིག་རྟེན་གྱི་ཁམས་གཅིག་ནས་གཅིག་དང་། ཕྱོགས་གཅིག་ནས་གཅིག་ཏུ་འཇོག་ཀྱང་སེམས་ཅན་གྱི་ཁམས་ཀུན་ནས་གཏི་མི་མུག་
D187.061.0169a02.01ཅིང་ཐེ་ཙོམ་མེད་དེ། འདི་ནི་སངས་རྒྱས་ཀྱི་བདག་པོའི་དབང་གི་ཆོས་གསུམ་མོ། །སངས་རྒྱས་བཅོམ་ལྡན་འདས་ཀྱི་བདག་པོའི་སེམས་ཀྱི་སྐད་ཅིག་མ་གཅིག་ལ་འཇིག་རྟེན་གྱི་ཁམས་མ་ལུས་པ་ཐམས་ཅད་ཡེ་ཤེས་ཀྱི་བྱིན་གྱིས་བརླབས་ཏེ། རྒྱན་སྣ་ཚོགས་
D187.061.0169a03.01འཇིག་རྟེན་གྱི་ཁམས་གཅིག་ནས་གཅིག་ཏུ་བྱིན་གྱིས་རློབ་པ་དང་། འཇིག་རྟེན་གྱི་ཁམས་ཐམས་ཅད་དུ་ལྷབ་ལྷུབ་དང་རྒྱན་སྟོན་པ་དང་། གྲངས་མེད་པའི་བསྐལ་པར་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་ཉོན་མོངས་པ་མེད་པའི་ལུས་སུ་སྟོན་ཅིང་ལྷབ་ལྷུབ་དང་།
D187.061.0169a04.01རྒྱན་ཐམས་ཅད་ཀྱི་ཁ་དོག་མི་ཟད་པར་སྟོན་པ་དང་། སངས་རྒྱས་ཀྱི་ཞིང་རྣམ་པར་དག་པ་ཐམས་ཅད་སངས་རྒྱས་ཀྱི་ཞིང་གཅིག་ཏུ་ཀུན་འབྲང་བར་བྱིན་གྱིས་རློབ་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་བཞིའོ། །
D187.061.0169a05.01སངས་རྒྱས་བཅོམ་ལྡན་འདས་ཀྱི་བདག་པོས་སངས་རྒྱས་ཀྱིས་འདུལ་བའི་སེམས་ཅན་གཟིགས་ནས་སེམས་ཅན་གཅིག་གི་ཕྱིར་བརྗོད་དུ་མེད་པའི་ཡང་བརྗོད་དུ་མེད་པའི་བསྐལ་པར་སྐྱིལ་མོ་ཀྲུང་མི་འཇིག་པ་གང་ཟག་དེ་ལ་དགོངས་ཀྱང་། དེ་བཞིན་གཤེགས་པའི་སྐུ་དང་
D187.061.0169a06.01ཐུགས་ལ་སྐྱོ་བ་མི་མངའ་ཞིང་འདུལ་བའི་དུས་སུ་དེ་ལས་མི་འདའ་སྟེ། ཇི་ལྟར་གང་ཟག་རེ་རེ་ལ་ཡང་དེ་བཞིན་དུ་རིམ་པས་འཇིག་རྟེན་གྱི་ཁམས་མ་ལུས་པ་ཐམས་ཅད་ཀྱི་ཕྱི་མའི་མཐར་ཚེ་ལ་དབང་བ་བྱིན་གྱིས་བརླབས་ཏེ་བཞུགས་ཀྱང་སངས་རྒྱས་བཅོམ་ལྡན་འདས་ལ་ཀུན་
D187.061.0169a07.01