完整藏文原文 · 德格版页 当前仅加载第 61 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་བཅོམ་ལྡན་འདས་བསོད་ནམས་ཟད་མི་ཤེས་པས་སྔོན་གྱི་མཐའ་དང་། ཕྱི་མའི་མཐའ་མཉམ་པའི་ཆོས་ཀྱི་དབྱིངས་ལ་གནས་པའི་བསོད་ནམས་ཟད་མི་ཤེས་པ་དང་ལྡན་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆེ་བ་ཐམས་
D187.061.0163a01.01ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །སེམས་ཅན་འདུལ་བའི་དོན་གྱི་དབང་གིས་སངས་རྒྱས་བཅོམ་ལྡན་འདས་གཟུགས་དང་ཁ་དོག་མཐའ་མེད་པར་འཇིག་རྟེན་གྱི་ཁམས་ཐམས་ཅད་ན་ཆགས་པ་མེད་པར་བཞུགས་ཏེ། འདི་ནི་སངས་རྒྱས་
D187.061.0163a02.01བཅོམ་ལྡན་འདས་རྣམས་ཀྱི་ཆེ་བ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །སངས་རྒྱས་བཅོམ་ལྡན་འདས་འཇིག་པ་མེད་པ་བཞི་བརྙེས་ཏེ། བག་ཚ་བ་མེད་པར་གནས་ནས་ཁྱུ་མཆོག་སེང་གེའི་སྒྲ་སྒྲོག་སྟེ། སྟག་ཆེན་པོ་ལྟར་རྒོལ་བ་
D187.061.0163a03.01རྣམ་པར་གནོན་ཅིང་། མེ་མར་ལྟ་བུའི་ཀུན་ཏུ་རྟོག་པས་ཆོས་སྟོན་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆེ་བ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །སངས་རྒྱས་བཅོམ་ལྡན་འདས་བརྗོད་དུ་མེད་པའི་ཡང་བརྗོད་དུ་མེད་པའི་བསྐལ་
D187.061.0163a04.01པ་ནས་ཡོངས་སུ་མྱ་ངན་ལས་འདས་མོད་ཀྱི། འོན་ཀྱང་མིང་མང་པོ་རྣམ་པར་རིགས་པས་སེམས་ཅན་རྣམས་ཀྱི་སྦྱིན་གནས་སྦྱོང་སྟེ། ཇི་ལྟར་ཞུགས་པ་བཞིན་ནོ། །དེ་སྲིད་དུ་ཡུན་རིང་པོ་ནས་ཡོངས་སུ་མྱ་ངན་ལས་འདས་པ་རྣམས་ཀྱང་རུང་སྟེ། སངས་རྒྱས་བཅོམ་ལྡན་
D187.061.0163a05.01འདས་རྣམས་ལ་སྦྱིན་གནས་བསྐྲུན་པ་ནི་ཡོངས་སུ་ཟད་པར་མི་འགྱུར་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆེ་བ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །སངས་རྒྱས་བཅོམ་ལྡན་འདས་བརྗོད་དུ་མེད་པའི་ཡང་བརྗོད་དུ་མེད་པའི་
D187.061.0163a06.01འཇིག་རྟེན་གྱི་ཁམས་ཐམས་ཅད་ལས་རིང་བའི་འཇིག་རྟེན་གྱི་ཁམས་ན་བཞུགས་ཀྱང་། འཇིག་རྟེན་གྱི་ཁམས་འདི་ན་གནས་པའི་སེམས་ཅན་གྱིས་སངས་རྒྱས་བཅོམ་ལྡན་འདས་རྗེས་སུ་དྲན་ན་སྐུ་སྟོན་པར་མཛད་དེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆེ་
D187.061.0163a07.01