完整藏文原文 · 德格版页 当前仅加载第 61 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་སངས་རྒྱས་ཀྱི་མཛད་པ་མཛད་པ་དང་། སངས་རྒྱས་ལྟ་བར་འདོད་པའི་སེམས་ཅན་རྣམས་ལ་ཡང་སངས་རྒྱས་བཅོམ་ལྡན་འདས་སངས་རྒྱས་ཀྱི་སྤྱོད་པའི་རོ་དང་། སངས་རྒྱས་འབྱུང་བས་འཇིག་རྟེན་ཐམས་ཅད་རྣམ་པར་དག་པར་འཇུག་པ་དང་། སངས་རྒྱས་
D187.061.0178b01.01ཀྱི་ཡོན་ཏན་དང་། ཁ་དོག་མཐའ་ཡས་པ་ལ་ལྟ་བ་དང་། མ་འོངས་པའི་སངས་རྒྱས་འབྱུང་བའི་དེ་བཞིན་གཤེགས་པའི་རིགས་འཛིན་པས་དགེ་བའི་རྩ་བ་དང་། དད་པ་སྣ་ཚོགས་དང་། སངས་རྒྱས་བཅོམ་ལྡན་འདས་སངས་རྒྱས་ཀྱི་མཛད་པ་མཛད་པ་དང་། དེ་བཞིན་གཤེགས་
D187.061.0178b02.01པའི་སྐུ་ཁ་དོག་དང་། དབྱིབས་སྣ་ཚོགས་ཚད་མེད་པ་ལ་ལྟ་བའི་སེམས་ཅན་རྣམས་ལ་ཡང་སངས་རྒྱས་ཀྱི་མཛད་པ་མཛད་པ་དང་། དེ་བཞིན་གཤེགས་པའི་སྒྲ་ཐོས་པའི་སེམས་ཅན་རྣམས་ལ་ཡང་སངས་རྒྱས་བཅོམ་ལྡན་འདས་སངས་རྒྱས་ཀྱི་མཛད་པ་མཛད་དེ། དེ་ལ་སོགས་
D187.061.0178b03.01པའི་མཐའ་མེད་བསམ་གྱིས་མི་ཁྱབ་བརྗོད་དུ་མེད་པའི་རྣམ་པ་བྱེ་བ་ཁྲག་ཁྲིག་བརྒྱ་སྟོང་དུ་སངས་རྒྱས་བཅོམ་ལྡན་འདས་རྣམས་སངས་རྒྱས་ཀྱི་མཛད་པ་ལ་འཇུག་ཅིང་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་སེམས་ཅན་ཐམས་ཅད་ཀྱི་བསམ་པའི་སྟོབས་ཇི་ལྟ་བ་བཞིན་དུ་འདུལ་
D187.061.0178b04.01བ་ལས་མི་འདའ་སྟེ། འདི་ལྟར་སངས་རྒྱས་ཀྱི་མཛད་པ་ཐམས་ཅད་ལ་འཇིག་རྟེན་ཐམས་ཅད་འཛུད་དེ། ཡུལ་ལས་ཕྱིར་མི་ལྡོག་ཅིང་ཐུགས་རྗེ་ཆེན་པོ་གཏོང་བ་དང་། སྔོན་གྱི་སྨོན་ལམ་ལ་མི་སྐྱོ་བ་དང་། སངས་རྒྱས་ཀྱི་མཛད་པའི་ཡེ་ཤེས་ཀྱི་སྟོབས་ཀྱིས་འགྲོ་བ་ཐམས་ཅད་
D187.061.0178b05.01ལ་རྟོག་པ་དང་། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ལ་གནས་ཤིང་དགེ་བ་རྒྱས་པ་ཚད་མེད་པ་བརྙེས་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མཛད་པ་བདུན་པའོ། །དགོན་པ་ན་བཞུགས་པ་དང་། སངས་རྒྱས་བཅོམ་ལྡན་འདས་
D187.061.0178b06.01རྣམས་ཞི་བར་བཞུགས་པ་དང་། དབེན་པ་ན་བཞུགས་པ་དང་། སངས་རྒྱས་བཅོམ་ལྡན་འདས་རྣམས་ཞི་བར་བཞུགས་པ་དང་། དབེན་པ་ན་བཞུགས་ཤིང་སངས་རྒྱས་ཀྱི་སྤྱོད་ཡུལ་ལ་བཞུགས་པ་དང་། ཏིང་ངེ་འཛིན་ཆེན་པོ་ལ་གནས་ཤིང་བཞུགས་པ་ན་གཅིག་པུར་དགྱེས་
D187.061.0178b07.01