'phags pa sangs rgyas kyi chos bsam gyis mi khyab pa bstan pa/
当前为德格木刻版 187a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 187a
- 可引用原文
- 7 行
- 全文规模
- 全经 466 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 61 函 · 德格 187a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྒྱས་ཀྱི་ཆོས་དང་དེ་བཞིན་ཉིད་བསྡུས་པའི་སྐུ། རང་བཞིན་གྱིས་ཤིན་ཏུ་ཞི་བ་དང་བསྒྲིབས་པ་མེད་པའི་མཐའི་སྐུ། ཐོགས་པ་མེད་པའི་ཆོས་ཐམས་ཅད་ལས་སྐྱེས་པའི་སྐུ། ཐམས་ཅད་ཀྱི་རྗེས་སུ་སོང་བ། ཆོས་ཀྱི་དབྱིངས་དག་པ། འཇིག་རྟེན་ཐམས་ཅད་དུ་རྣམ་པར་ཕྱེ་བའི་སྐུ། བརྩམ་པ་ལས་མི་ལྡོག་པ། སངས་རྒྱས་ཀྱི་རྣམ་པར་ཐར་པའི་ཡེ་ཤེས་ཐམས་ཅད་ཀྱི་རྗེས་སུ་འབྲང་བ། ཀུན་འབྲང་བའི་རྗེས་སུ་སོང་བའི་སྐུ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་ཆེན་པོའི་དཔལ་གྱི་སྟོབས་དང་། སངས་རྒྱས་ཀྱི་ཆོས་ཀྱི་སྐུ་འདུས་
པ་དགུ་པའོ། །གཞན་ཡང་སངས་རྒྱས་བཅོམ་ལྡན་འདས་རྣམས་མཉམ་པ་དང་། མཉམ་པའི་ཡེ་ཤེས་རྣམ་པར་ཆུད་པ་དེ་བཞིན་གཤེགས་པ་ཐམས་ཅད་བྱང་ཆུབ་སེམས་དཔའི་སྤྱོད་པ་ཐམས་ཅད་ལས་བྱུང་བ། སྤྱོད་པ་ལས་མངོན་པར་བྱུང་བ། སྨོན་ལམ་གྱི་ཁྱད་པར་དང་བྱང་ཆུབ་སེམས་དཔའི་སྤྱོད་པ་རྣམ་པར་དག་པ། བྱང་ཆུབ་སེམས་དཔའི་སྤྱོད་པ་ཐམས་ཅད་ཡོངས་སུ་རྫོགས་པའི་ཡེ་ཤེས་བྱ་བ་སྣ་ཚོགས་མེད་པའི་སངས་རྒྱས་ཐམས་ཅད་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་ལས་བྱུང་བ། བྱང་ཆུབ་སེམས་དཔའི་སྤྱོད་
པ་རྒྱ་མཚོའི་སྤྱོད་པ་ཐམས་ཅད་ཀྱི་ཆོ་ག་ཤེས་པ། སྨོན་ལམ་ཆེན་པོ་དང་། སྤྱོད་པ་མི་ཆུང་བ། སྤྱོད་པ་ཐམས་ཅད་ཡོངས་སུ་རྫོགས་པར་དགའ་བ་མ་ཡིན་པ། སྤྱོད་པའི་སྟོབས་བཟོད་པར་དཀའ་བའི་སྤྱོད་པ་ཐམས་ཅད་ལས་བྱུང་ཞིང་སྤྱོད་པ་ཐམས་ཅད་རྣམ་པར་དག་པ། བྱང་ཆུབ་སེམས་དཔའི་སྤྱོད་པ་བཟང་པོ་སྤྱད་པ་མི་འབྲི་བར་སྤྱོད་པ། སངས་རྒྱས་ཐམས་ཅད་ཏིང་ངེ་འཛིན་ཚད་མེད་པ་ཐམས་ཅད་ལ་གནས་པ། སྤྱོད་ཡུལ་མཐའ་ཡས་པ་ལམ་ཐམས་ཅད་སྟོན་པ། ལམ་མ་ཡིན་པའི་ཡུལ་དང་ལམ་ཐམས་ཅད་ལ་ཞུགས་པ། ཡེ་ཤེས་མཆོག་གི་སྟོབས་
ཀྱི་ཆོ་ག་ཤེས་པ། འཛེམ་པ་མེད་པར་ཆོས་ཀྱི་འཁོར་ལོ་འབེབས་པ། དགེ་བ་འདྲི་བ་དང་། མི་འདྲི་བ་དང་། བཙུན་པའི་ཆོས་ཀྱི་ཚུལ་སྟོན་པའི་ཡེ་ཤེས་མཉམ་པ་དང་མཉམ་པའི་ཡེ་ཤེས་ཤིན་ཏུ་ཡོངས་སུ་དག་པ་ལུས་དང་། ངག་དང་། ཡིད་ཀྱི་སྤྱོད་པ་གསུམ་ཡོངས་སུ་དག་པ།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D187
- 德格版页
- 187a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0187 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。