完整藏文原文 · 德格版页 当前仅加载第 61 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་མཛད་པ་དེ་ཤངས་ཀྱི་སྐྱེ་མཆེད་ཀྱིས་ཀུན་ཏུ་སྒྲུབ། གང་ཤངས་ཀྱི་སྐྱེ་མཆེད་ཀྱིས་སངས་རྒྱས་ཀྱི་མཛད་པ་དེ་ལྗགས་ཀྱི་སྐྱེ་མཆེད་ཀྱིས་ཀུན་ཏུ་སྒྲུབ། གང་ལྗགས་ཀྱི་སྐྱེ་མཆེད་ཀྱིས་སངས་རྒྱས་ཀྱི་མཛད་པ་དེ་སྐུའི་སྐྱེ་མཆེད་ཀྱིས་ཀུན་ཏུ་སྒྲུབ། གང་
D187.061.0170a01.01སྐུའི་སྐྱེ་མཆེད་ཀྱིས་སངས་རྒྱས་ཀྱི་མཛད་པ་དེ་ཐུགས་ཀྱི་སྐྱེ་མཆེད་ཀྱིས་ཀུན་ཏུ་སྒྲུབ། གང་ཐུགས་ཀྱི་སྐྱེ་མཆེད་ཀྱིས་སངས་རྒྱས་ཀྱི་མཛད་པ་དེའི་བར་གྱིས་འཇིག་རྟེན་གྱི་ཁམས་མ་ལུས་པ་ཐམས་ཅད་དུ་སྣ་ཚོགས་སུ་རྩོམ་ཞིང་འཇིག་རྟེན་དང་། འཇིག་རྟེན་ལས་འདས་པའི་རྣམ་པར་
D187.061.0170a02.01ཕྱེ་བ་བརྙེས་ཏེ། དེ་བཞིན་དུ་རྩོམ་པ་རེ་རེས་སྒྲུབ་ཅིང་སྤྲུལ་པས་སངས་རྒྱས་ཀྱི་མཛད་པ་རྩོམ་པ་གཅིག་ཇི་ལྟ་བ་བཞིན་དུ་རྩོམ་པ་མ་ལུས་པ་ཐམས་ཅད་ཀྱང་དེ་བཞིན་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་བདག་པོའི་དབང་གི་ཆོས་བརྒྱད་དོ། །
D187.061.0170a03.01སངས་རྒྱས་བཅོམ་ལྡན་འདས་ཀྱིས་དབང་པོས་རང་གི་སྐུའི་བ་སྤུ་གཅིག་གི་བུ་གར་སེམས་ཅན་རེ་རེའི་ལུས་ཀྱང་བརྗོད་དུ་མེད་པའི་ཡང་བརྗོད་དུ་མེད་པའི་སངས་རྒྱས་ཀྱི་ལྟར་ཆེ་བའི་སེམས་ཅན་གྱི་ཁམས་མ་ལུས་པ་ཐམས་ཅད་བཅུག་ཅིང་ནང་དུ་འདུས་པར་མཛད་དེ། དེ་ལ་སེམས་ཅན་རེ་
D187.061.0170a04.01རེས་ཀྱང་བསྐལ་པ་གྲངས་མེད་པར་གནས་ཀྱང་སེམས་ཅན་དེ་དག་ལ་གནོད་པ་ཡང་མེད། ཀུན་ཏུ་གནོད་པ་མེད་དོ། །འཇིག་རྟེན་གྱི་ཁམས་བརྗོད་དུ་མེད་པའི་འཇིག་རྟེན་གྱི་ཁམས་གཅིག་ནས་གཅིག་ཏུ་གོམ་པ་གཅིག་གིས་གཤེགས་ཏེ་འཇིག་རྟེན་གྱི་ཁམས་དེ་དག་གིས་
D187.061.0170a05.01སངས་རྒྱས་བྱུང་ཞིང་སངས་རྒྱས་བྱུང་བ་དང་། དེ་དག་གིས་བརྗོད་དུ་མེད་པའི་འཇིག་རྟེན་གྱི་ཁམས་འདས་ཏེ། དེའི་དབང་གིས་སེམས་ཅན་གྱི་སྙིང་པོས་བརྗོད་དུ་མེད་པའི་ཡང་བརྗོད་དུ་མེད་པའི་ཆོས་ཀྱི་འཁོར་ལོ་བསྐོར་བར་ཤེས་སོ། །དེ་ལ་བ་སྤུའི་བུ་གའི་སེམས་ཅན་བརྗོད་དུ་མེད་པ་དག་གཅིག་
D187.061.0170a06.01ནས་གཅིག་ཏུ་སངས་རྒྱས་སུ་གྱུར་ཏེ། གཅིག་ནས་གཅིག་ཏུ་བརྗོད་དུ་མེད་པའི་ཆོས་ཀྱི་འཁོར་ལོ་བསྐོར་ཞིང་། གཅིག་ནས་གཅིག་ཏུ་བརྗོད་དུ་མེད་པའི་ཆོས་ཀྱི་དབྱིངས་སྟོན། གཅིག་ནས་གཅིག་ཏུ་འདས་པ་བརྗོད་དུ་མེད་པ་དང་། གཅིག་ནས་གཅིག་ཏུ་མ་འོངས་པ་བརྗོད་དུ་མེད་པ་
D187.061.0170a07.01