完整藏文原文 · 德格版页 当前仅加载第 61 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཤིང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་རྒྱན་གྱིས་ཤིན་ཏུ་བརྒྱན་ཏེ་ཆགས་པ་མེད་པའི་ཡུལ་གྱི་སྤྱོད་ཡུལ་བ། ཆོས་ཀྱི་དབྱིངས་ལ་རབ་ཏུ་གནས་ཤིང་སངས་རྒྱས་ཀྱི་ཆོས་ཐམས་ཅད་ཀྱི་ཡན་ལག་བརྙེས་ཏེ། ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་
D187.061.0167b01.01རྒྱན་དང་། སེམས་ཀྱི་སྐད་ཅིག་མ་གཅིག་དང་ལྡན་པའི་ཤེས་རབ་ཀྱི་དུས་གསུམ་མ་ལུས་པ་དང་། ཆོས་ཐམས་ཅད་ཀྱི་དབྱིངས་དང་། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཐམས་ཅད་རབ་ཏུ་མཁྱེན་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་
D187.061.0167b02.01ཀྱི་ཐུགས་ཀྱི་རྒྱན་དམ་པ་མཆོག་བླ་ན་མེད་པའོ། །སངས་རྒྱས་བཅོམ་ལྡན་འདས་ཀྱིས་བརྗོད་དུ་མེད་པའི་འོད་བྱེ་བ་ཁྲག་ཁྲིག་རབ་ཏུ་བཏང་ནས། འོད་ཟེར་བརྗོད་དུ་མེད་པ་གཅིག་ནས་གཅིག་ཏུ་འོད་ཟེར་གྱི་དྲ་བར་བསྐོར་ཅིང་ཞིང་མེད་བཅུ་རྡུལ་ཡབ་མ་ལུས་པ་ཐམས་ཅད་དུ་
D187.061.0167b03.01སྣང་བར་བྱས་པ། འཇིག་རྟེན་གྱི་ཁམས་ཐམས་ཅད་ཀྱི་མུན་པའི་རིགས་སྟོན་པ། འཛུམ་པ་སྟོན་པའི་ཞལ་གྱི་སྒོ་ནས་འོད་ཟེར་ཁ་དོག་སྣ་ཚོགས་དུ་མ་ཁ་དོག་བརྒྱ་སྟོང་བྱེ་བ་ཁྲག་ཁྲིག་ཚད་མེད་གྲངས་མེད་པ་བྱུང་བས་ཕྱོགས་བཅུའི་འཇིག་རྟེན་གྱི་ཁམས་ཚད་མེད་གྲངས་
D187.061.0167b04.01མེད་པ་མ་ལུས་པ་ཐམས་ཅད་ཀྱི་སེམས་ཅན་གྱི་ཁམས་ལ་སྣང་བས་ཤེས་པར་བྱེད་ཅིང་། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་མཛད་པ་དང་། སངས་རྒྱས་འབྱུང་བ་དང་མི་བྲལ་ཞིང་། སངས་རྒྱས་ཀྱི་མཛད་པ་གདོན་མི་ཟ་བ་ཕྱིར་མི་ལྡོག་པ་བརྗོད་དུ་མེད་པའི་
D187.061.0167b05.01སངས་རྒྱས་འབྱུང་ཞིང་བཞུགས་པའི་སྐུ་རྣམ་པར་དག་པས་དགའ་བ་མེད་པར་འབྱུང་བ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་འོད་ཀྱི་རྒྱན་མཆོག་དམ་པ་བླ་ན་མེད་པའོ། །སངས་རྒྱས་བཅོམ་ལྡན་འདས་རྣམས་གཞན་དུ་ལུང་སྟོན་པ་དང་། འགྲོ་བ་ཐམས་ཅད་ཀྱི་
D187.061.0167b06.01སྒྲིབ་པ་མེད་པར་མཛད་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་རབ་རིབ་མེད་པས་འཇིག་རྟེན་ཐམས་ཅད་དུ་འཛུམ་པ་མཛད་པ་སྟོན་པའི་རྒྱན་མཆོག་དམ་པ་བླ་ན་མེད་པའོ། །ཚད་མེད་པའི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་སྐུ་སྒྲིབ་པ་མེད་ཅིང་
D187.061.0167b07.01