完整藏文原文 · 德格版页 当前仅加载第 61 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མངོན་པར་དགའ་བ་ཐམས་ཅད་སྒྲུབ་པར་མཛད་པ་དང་། སྐྱོ་བ་རྙེད་པའི་སེམས་ཅན་རྣམས་ལ་བྱིན་གྱིས་རློབ་པ་དང་། འཇིག་རྟེན་གྱི་ཁམས་མ་ལུས་པ་ཐམས་ཅད་དུ་སངས་རྒྱས་ཀྱི་བརྩེ་བར་དགོངས་པའི་རྐྱེན་བརྙེས་པ་དང་། ལུས་གྱེས་པ་ཐམས་ཅད་ལ་དེ་བཞིན་
D187.061.0180a01.01གཤེགས་པའི་སྐུས་སེམས་ཅན་རྣམས་འཛིན་པ་དང་། འཇིག་རྟེན་གྱི་སེམས་ཅན་འཁྲུགས་པ་དང་མྱོས་པ་རྣམས་སྡོམ་པ་ལ་འཇོག་པར་མཛད་དེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མཛད་པ་དགུ་པའོ། །ཀྱེ་དེ་བཞིན་གཤེགས་པ་རྣམས་མྱ་ངན་ལས་
D187.061.0180a02.01འདས་ནས་འཇིག་རྟེན་གྱི་སེམས་ཅན་རྣམས་ཐམས་ཅད་སྨྲེ་སྔགས་འདོན་པ་དང་། ངུ་བ་དང་། མྱ་ངན་སློས་པ་དང་། མཆི་མ་བྱུང་བར་འགྱུར་ཏེ། ཡང་དག་པར་རྫོགས་པའི་སངས་རྒྱས་ཞེས་བྱ་བ་དང་། ཐུགས་རྗེ་ཆེན་པོ་ཞེས་བྱ་བ་དང་། དེད་དཔོན་ཆེན་པོ་ཞེས་པ་དང་། ཐུགས་བརྩེ་
D187.061.0180a03.01བ་ཞེས་པ་དང་། ལྷ་དང་། འཇིག་རྟེན་དུ་བཅས་པ་དང་། སེམས་ཅན་ཐམས་ཅད་ཀྱི་མགོན་དུ་གྱུར་པ་དང་། སྐྱབས་སུ་གྱུར་པ། དཔུང་གཉེན་དུ་གྱུར་པ། བླ་ན་མེད་པའི་བསོད་ནམས་ཀྱི་ཞིང་འདས་པར་གྱུར་ཅེས་པ་དང་། སངས་རྒྱས་བཅོམ་ལྡན་འདས་འབྱུང་བར་དགའ་བ་ཞེས་པ་དང་།
D187.061.0180a04.01རྣམ་པ་འདི་ལྟ་བུར་སྨྲེ་སྔགས་འདོན། མྱ་ངན་སློས་ཤིང་སངས་རྒྱས་མཐོང་བ་རྗེས་སུ་དྲན་པའི་སེམས་ཅན་རྣམས་ཚད་མེད་པའི་སངས་རྒྱས་ཀྱི་མཛད་པ་ལ་འཇུག་པ་སྟེ། དེ་དང་དེ་དག་ཏུ་སེམས་ཅན་གྱི་བསམ་པ་དང་། ཡིད་ལ་བྱེད་པར་ཡོངས་སུ་མྱ་ངན་ལས་འདས་ནས་སངས་
D187.061.0180a05.01རྒྱས་བཅོམ་ལྡན་འདས་རྣམས་ཀྱིས་སེམས་ཅན་རྣམས་ཀྱི་བསམ་པ་དང་དད་པ་ཇི་ལྟ་བ་བཞིན་དུ་སྐུ་གདུང་དང་རིང་བསྲེལ་བྱིན་གྱིས་རློབ་སྟེ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མིའི་
D187.061.0180a06.01གནས་ཐམས་ཅད་དུ་ཇི་ལྟར་འདུལ་བ་དང་། ཇི་ལྟར་དད་པ་བཞིན་དུ་སྐུ་གདུང་དང་རིང་བསྲེལ་བྱིན་གྱིས་རློབ་སྟེ། རང་གི་སྐུ་བོར་ནས་ཚད་མེད་གྲངས་མེད། བསམ་གྱིས་མི་ཁྱབ། བརྗོད་དུ་མེད་པའི་ཡང་བརྗོད་དུ་མེད་པར་སྐུ་གདུང་དང་རིང་བསྲེལ་བྱིན་གྱིས་རློབ་ཅིང་། གང་འདིའི་
D187.061.0180a07.01