完整藏文原文 · 德格版页 当前仅加载第 61 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་ལྡན་འདས་ཀྱི་ཆེ་བ་སྟེ། ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པ་བཅུའོ། །ཀྱེ་རྒྱལ་བའི་སྲས་སངས་རྒྱས་བཅོམ་ལྡན་འདས་རྣམས་ཀྱི་ཤིན་
D187.061.0163b01.01ཏུ་རྣམ་པར་དག་པ་བཅུ་སྟེ། བཅུ་གང་ཞེ་ན། སངས་རྒྱས་བཅོམ་ལྡན་འདས་ཀྱི་སྔོན་གྱི་སྨོན་ལམ་ཤིན་ཏུ་རྣམ་པར་དག་པ་དང་། སངས་རྒྱས་བཅོམ་ལྡན་འདས་ཀྱི་ཚངས་པར་སྤྱོད་པ་དང་། སངས་རྒྱས་བཅོམ་ལྡན་འདས་རྣམས་ཀྱི་མ་ཆགས་པའི་ཚུལ་ཁྲིམས་རྣམ་པར་དག་
D187.061.0163b02.01ཅིང་ཤིན་ཏུ་རྣམ་པར་དག་པ་དང་། སངས་རྒྱས་བཅོམ་ལྡན་འདས་ཀྱི་སེམས་ཅན་ཐམས་ཅད་ཕུང་པོ་ལས་བྱུང་བར་མཛད་པ་ཤིན་ཏུ་རྣམ་པར་དག་པ་དང་། སངས་རྒྱས་བཅོམ་ལྡན་འདས་ཀྱི་སངས་རྒྱས་ཀྱི་ཞིང་ཤིན་ཏུ་རྣམ་པར་དག་པ་དང་། སངས་རྒྱས་བཅོམ་ལྡན་འདས་ཀྱི་
D187.061.0163b03.01གཡོག་འཁོར་ཤིན་ཏུ་རྣམ་པར་དག་པ་དང་། སངས་རྒྱས་བཅོམ་ལྡན་འདས་ཀྱི་ཆོས་ཀྱི་སྐུ་ཤིན་ཏུ་རྣམ་པར་དག་པ་དང་། སངས་རྒྱས་བཅོམ་ལྡན་འདས་ཀྱི་གཟུགས་ཀྱི་སྐུའི་མཚན་དང་དཔེ་བྱད་བཟང་པོ་རྣམ་པར་དག་ཅིང་ཤིན་ཏུ་རྣམ་པར་དག་པ་དང་། སངས་རྒྱས་བཅོམ་
D187.061.0163b04.01ལྡན་འདས་ཀྱི་ཆོས་ཀྱི་སྐུ་ཤིན་ཏུ་རྣམ་པར་དག་པ་དང་། སངས་རྒྱས་བཅོམ་ལྡན་འདས་ཀྱི་བསྒྲིབས་པ་མེད་པའི་ཐམས་ཅད་མཁྱེན་པའི་ཡེ་ཤེས་ཀྱི་ཕུང་པོ་ཤིན་ཏུ་རྣམ་པར་དག་པ་དང་། སངས་རྒྱས་བཅོམ་ལྡན་འདས་ཀྱི་སངས་རྒྱས་ཐམས་ཅད་ཀྱི་རྣམ་པར་ཐར་པ་དང་།
D187.061.0163b05.01རྣམ་པར་གནོན་པར་མཛད་པ་དམ་པའི་མཆོག་བརྙེས་པ་ཤིན་ཏུ་རྣམ་པར་དག་པ་སྟེ། ཀྱེ་རྒྱལ་བའི་སྲས་འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྣམ་པར་དག་པ་བཅུའོ། །ཀྱེ་རྒྱལ་བའི་སྲས་སུ་དུས་ཐམས་ཅད་དུ་འཇིག་རྟེན་གྱི་ཡུལ་ཁམས་ཐམས་ཅད་ན་
D187.061.0163b06.01སངས་རྒྱས་བཅོམ་ལྡན་འདས་ཀྱི་མཛད་པ་བཅུ་སྟེ། བཅུ་གང་ཞེ་ན། སངས་རྒྱས་རྗེས་སུ་དྲན་པ་རབ་ཏུ་རྙེད་པའི་སེམས་ཅན་རྣམས་ལ་དུས་ཐམས་ཅད་དུ་སངས་རྒྱས་སྟོན་པ་དང་། དུས་ཐམས་ཅད་དུ་སེམས་ཅན་ཤེས་ཀྱི་སེམས་ཅན་ལ་ཆོས་སྟོན་པ་དང་། དུས་ཐམས་ཅད་དུ་
D187.061.0163b07.01