完整藏文原文 · 德格版页 当前仅加载第 61 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
སྡེ་རྣམས་འཆད་དེ། མདོ་སྡེ་རེ་རེ་ལ་དེ་སྙེད་དེ་སྙེད་ཀྱི་ཆོས་སྟོན་པ་རྗེས་སུ་འབྲང་ལ་ཆོས་སྟོན་པ་རེ་རེ་ལ་དེ་སྙེད་དེ་སྙེད་ཀྱི་ཆོས་ཀྱི་ཚིག་དང་འབྱེད་པའི་བརྗོད་པ་འགྲོ་སྟེ། ཆོས་ཀྱི་ཚིག་དང་འབྱེད་པ་རེ་རེས་ཆོས་ཀྱི་དབྱིངས་མ་ལུས་པ་ཐམས་ཅད་སྒྲ་གསལ་བར་བྱེད་ཅིང་སེམས་
D187.061.0185a01.01ཅན་གྱི་ཁམས་མ་ལུས་པ་ཐམས་ཅད་ལ་གོ་བར་བྱེད་ཀྱང་དེ་བཞིན་གཤེགས་པའི་གསུང་འཛིན་པའང་མེད། ཉམས་པའང་མེད། ཟད་པའང་མེད། དམས་པའང་མེད་དེ། དེ་ལྟར་ཐ་མའི་མཐར་བསྐལ་པའི་བར་དུ་གནས་ཤིང་ཆོས་ཀྱི་འཁོར་ལོ་བསྐོར་ཏེ། འདི་ནི་སངས་རྒྱས་
D187.061.0185a02.01བཅོམ་ལྡན་འདས་རྣམས་ཀྱི་སངས་རྒྱས་ཀྱི་མཐུ་ཆེན་པོའི་སྟོབས་ཀྱི་དཔལ་ལ་གནས་པའི་ཆོས་ལྔ་པའོ། །གཞན་ཡང་སངས་རྒྱས་བཅོམ་ལྡན་འདས་ཀྱི་ཐུགས་དཔལ་གྱི་བེའུའི་རྒྱུན་དང་ལྡན་ཞིང་། རྡོ་རྗེའི་སྙིང་པོ་ཆེན་པོས་བཟུང་བ་དེ་དག་བྱང་ཆུབ་ཀྱི་ཤིང་དྲུང་དུ་གཤེགས་པ་
D187.061.0185a03.01རྣམས་ལ་བཞག་ནས་སེམས་ཅན་ཐམས་ཅད་སྙེད་ཀྱིས་བདུད་སྡིག་ཅན་གྱི་སྡེ་གཟུགས་སྣ་ཚོགས་བསྐྲད་ཅིང་མི་སྡུག་པ། མཆོག་ཏུ་འཇིགས་པའི་གཟུགས་འཇིག་རྟེན་ཐམས་ཅད་འཇིགས་པའི་གཟུགས་མཆོག་ཏུ་སེམས་བསྐྱེད་པའི་གཟུགས་སུ་འཕྲུལ་པར་བྱེད་དོ། །བྱང་ཆུབ་ཀྱི་
D187.061.0185a04.01ཤིང་མཆོག་གི་དྲུང་དུ་སོང་ནས་ཆོས་ཐམས་ཅད་ཀྱི་དབྱིངས་ནམ་མཁའི་མཐར་བདུད་ཀྱི་མི་སྡུག་པའི་གཟུགས་འཛིན་པ། སྐྲག་པ་ཆེན་པོས་འཇིགས་པ་ཆེན་པོར་བྱེད་པ། འགྲོ་བ་ཐམས་ཅད་འཇོམས་པས། འཇིག་རྟེན་ཐམས་ཅད་འཇིག་པའོ། །དེ་ན་དེ་བཞིན་གཤེགས་པ་བྱང་ཆུབ་ཀྱི་
D187.061.0185a05.01ཤིང་དྲུང་དུ་གཤེགས་ནས་ཐམས་ཅད་ལ་གཟིགས་ཏེ། གཟིགས་ནས་མི་བསྙེངས། བག་མི་ཚ། སྤུ་འགའ་ཡང་མི་གཡོ། གཟུགས་སྣ་ཚོགས་ཀྱི་མཚན་མ་སྣ་ཚོགས་འཛིན་པ་ཡང་མི་མངའ། སེམས་ཕྲ་མོ་ཡང་མི་མངའ་བར་གནས་ཏེ་མི་གཡོ། མི་བསྐྱོད་མི་འགྱུར་རྣམ་པར་མི་
D187.061.0185a06.01རྟོག །ཤིན་ཏུ་རབ་ཏུ་ཞི། བསྙེངས་ཤིང་བ་སྤུ་ལྡང་བ་ཤིན་ཏུ་མི་མངའ། འདོད་པ་དང་ཁོང་ཁྲོ་བ་ཤིན་ཏུ་མི་མངའ། སངས་རྒྱས་ཀྱི་མཛད་པ་བྱམས་པ་ཆེན་པོ་ཆགས་པ་མེད་པའི་སྟོབས་ཀྱིས་གཏོང་བ། དབང་པོ་སྦེད་ཅིང་ཐུགས་རྗེ་ཆེན་པོ་ལ་གནས་པ། བག་མི་ཚ་བའི་ཐུགས་དབྱེར་མི་
D187.061.0185a07.01