完整藏文原文 · 德格版页 当前仅加载第 61 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་རྣམས་ཀྱི་སེམས་དང་བའི་དབང་དང་། སེམས་ཅན་རྣམས་ཀྱི་དད་པས་མཆོད་པའི་དབང་དང་། སེམས་ཅན་རྣམས་ཀྱི་ལྷག་པའི་བསམ་པ་རྣམ་པར་དག་པའི་དབང་དང་། སེམས་ཅན་རྣམས་ཡོངས་སུ་སྨིན་པའི་དབང་དང་། སེམས་ཅན་རྣམས་ཡོངས་སུ་སྦྱངས་པའི་
D187.061.0180b01.01དབང་དང་། སེམས་ཅན་རྣམས་ཀྱི་འདུལ་བའི་དབང་དང་། སེམས་ཅན་རྣམས་ཀྱི་བསོད་ནམས་ཀྱི་ཚོགས་ཡོངས་སུ་རྫོགས་པའི་དབང་དང་། སེམས་ཅན་རྣམས་དེ་བཞིན་གཤེགས་པ་ལ་མཆོད་པར་རྩོམ་པའི་དབང་དང་། དེ་བཞིན་གཤེགས་པའི་མཆོད་རྟེན་གྱི་རྒྱན་སྣ་ཚོགས་
D187.061.0180b02.01ཡུལ་དང་། ལྗོངས་སྣ་ཚོགས་ཀྱི་སེམས་ཅན་རྣམས་ཀྱི་དགེ་བའི་རྩ་བ་འཕེལ་བའི་དབང་དང་། སངས་རྒྱས་ཀྱི་སྐུ་གདུང་བགོས་ཤིང་འཇིག་རྟེན་ཐམས་ཅད་ཀྱིས་མཆོད་རྟེན་དུ་བྱས་ཤིང་ཡུལ་དང་ཕྱོགས་དེར་ལྷའི་གནས་སམ། ཀླུའི་གནས་སམ། གནོད་སྦྱིན་དང་། དྲི་ཟ་དང་། ལྷ་
D187.061.0180b03.01མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོའི་གནས་དང་། མིའི་གནས་དང་། འབར་བའི་གནས་སུ་སྐུ་གདུང་དང་རིང་བསྲེལ་མཆོད་པར་འགྱུར། སྐུ་གདུང་དང་། རིང་བསྲེལ་དང་། དབུ་སྐྲ་དང་། སེན་མོའི་མཆོད་རྟེན་དང་། སངས་རྒྱས་བཞུགས་
D187.061.0180b04.01པར་མཆོད་རྟེན་བརྩིགས་པ། འགྲོ་བ་ཐམས་ཅད་ངེས་པར་སངས་རྒྱས་རྗེས་སུ་དྲན་པར་འགྱུར། ཆོས་ཀྱི་ཕྱིར་འབྲང་བར་འགྱུར། དགེ་འདུན་ལ་དད་པ་སོ་སོར་རྙེད་པར་འགྱུར། ཡུལ་དང་ཕྱོགས་དེ་དང་དེར་གནས་ཤིང་རྒྱུན་མི་འཆད་པར་མཆོད་པར་བསམ་པས་གནས་ནས། སྦྱིན་
D187.061.0180b05.01པ་བྱིན་ཞིང་བསོད་ནམས་བྱེད་པར་འགྱུར་ཏེ། དེ་དང་དེ་དག་མཐོ་རིས་ཀྱི་ཡོངས་སུ་དག་པ་སོ་སོར་རྙེད་པར་འགྱུར། རིགས་ཆེན་པོ་སོ་སོར་རྙེད་པར་འགྱུར། ལོངས་སྤྱོད་ཆེན་པོ་དང་གཡོག་འཁོར་རྣམ་པར་དག་པ་སོ་སོར་རྙེད་པར་འགྱུར། ལྷ་དང་མིའི་ཕུན་སུམ་ཚོགས་པ་སོ་སོར་མྱོང་
D187.061.0180b06.01བར་འགྱུར། ངན་པར་མི་ལྷུང་བའི་ནན་ཏན་ཡོངས་སུ་རྫོགས་པར་འགྱུར། དེ་དག་སངས་རྒྱས་བྱུང་བ་ན་གཏི་མུག་མེད་པས་སྒྲུབ་པར་འགྱུར། དཀར་པོའི་ཆོས་ལ་གནས་པ་སོ་སོར་རྫོགས་པར་འགྱུར། ཁམས་གསུམ་ནས་འབྱུང་བའི་ཡོན་ཏན་ཡོངས་སུ་རྫོགས་པར་འགྱུར།
D187.061.0180b07.01