完整藏文原文 · 德格版页 当前仅加载第 61 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་ཀྱི་སེམས་ཀྱི་སྤྱོད་པར་འགྲོ་བའི་ཆོས་ཀྱི་འཁོར་ལོ་སྐོར་རོ། །འདི་ལྟར་ཆོས་ཀྱི་འཁོར་ལོ་སྐོར་བས་ཀྱང་སངས་རྒྱས་བཅོམ་ལྡན་འདས་བསམ་གྱིས་མི་ཁྱབ་པའི་སངས་རྒྱས་ཀྱི་མཛད་པ་མཛད་དེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་
D187.061.0177b01.01ཀྱི་མཛད་པ་དྲུག་པའོ། །གྲོང་དང་། གྲོང་ཁྱེར་དང་། གྲོང་རྡལ་དང་། རྒྱལ་པོའི་ཕོ་བྲང་དུ་འཇུག་པས་ཀྱང་སངས་རྒྱས་བཅོམ་ལྡན་འདས་སེམས་ཅན་རྣམས་ལ་སངས་རྒྱས་ཀྱི་མཛད་པ་མཛད་དེ། མིའི་རྒྱལ་པོའི་ཕོ་བྲང་དང་། ལྷའི་རྒྱལ་པོའི་ཕོ་བྲང་དང་། ཀླུའི་རྒྱལ་པོའི་ཕོ་བྲང་དང་།
D187.061.0177b02.01གནོད་སྦྱིན་གྱི་རྒྱལ་པོའི་ཕོ་བྲང་དང་། དྲི་ཟའི་རྒྱལ་པོའི་ཕོ་བྲང་དང་། ལྷ་མ་ཡིན་གྱི་རྒྱལ་པོའི་ཕོ་བྲང་དང་། ནམ་མཁའ་ལྡིང་གི་རྒྱལ་པོའི་ཕོ་བྲང་དང་། མིའམ་ཅིའི་རྒྱལ་པོའི་ཕོ་བྲང་དང་། ལྟོ་འཕྱེ་ཆེན་པོའི་རྒྱལ་པོའི་ཕོ་བྲང་དང་། འབར་བའི་རྒྱལ་པོའི་ཕོ་བྲང་དང་། ཤ་ཟའི་རྒྱལ་པོའི་
D187.061.0177b03.01ཕོ་བྲང་དེ་དག་ཏུ་སངས་རྒྱས་བཅོམ་ལྡན་འདས་འཇུག་པས་ཀྱང་སངས་རྒྱས་ཀྱི་མཛད་པ་མཛད་དེ། གང་འདི་གྲོང་ཁྱེར་གྱི་སྒོར་གཤེགས་ནས་ས་གཡོ་ཞིང་འོད་ཟེར་གྱི་སྣང་བས་ལོང་བ་རྣམས་ནི་སོ་སོར་མིག་ཐོབ། འོན་པ་རྣམས་ནི་སོ་སོར་སྒྲ་ཐོས། སྨྱོན་པ་རྣམས་ནི་སོ་སོར་དྲན་པ་རྙེད།
D187.061.0177b04.01གཅེར་བུ་རྣམས་ཀྱང་སོ་སོར་གོས་རྙེད། སྡུག་བསྔལ་བ་རྣམས་ནི་སོ་སོར་བདེ་བ་ཐོབ། སིལ་སྙན་དང་བརྡུང་བ་རྣམས་མ་བརྡུངས་པར་ཡིད་དུ་འོང་བའི་སྒྲ་སྐད་འབྱིན་པ་དང་། བརྡུང་བ་མ་བརྡུངས་པ་དང་། འཕྱང་འཕྲུལ་རྣམས་འཕྱང་བ་དང་། བརྡུངས་པའི་སྒྲ་དང་། བྲམ་ཟེ་སྣ་
D187.061.0177b05.01ཚོགས་མང་པོ་རྣམས་ཀྱི་སྒྲ་སྐད་ཡིད་དུ་འོང་བ་དང་། ལྟ་བས་མི་ངོམས་ཤིང་མི་མཐུན་པ་མེད་པ་གཟུགས་ཀྱི་སྐུ་སྟོན་པས་ཀྱང་སངས་རྒྱས་བཅོམ་ལྡན་འདས་སེམས་ཅན་རྣམས་ལ་སངས་རྒྱས་ཀྱི་མཛད་པ་མཛད་པ་དང་། མཚན་དང་དཔེ་བྱད་བསྟན་པས་ཀྱང་སངས་རྒྱས་བཅོམ་ལྡན་འདས་
D187.061.0177b06.01སངས་རྒྱས་ཀྱི་མཛད་པ་མཛད་པ་དང་། ཀུན་ཏུ་གཟིགས་པ་དང་། རྣམ་པར་གཟིགས་པ་དང་། བརྐྱང་བ་དང་བསྐུམ་པས་ཀྱང་སེམས་ཅན་ལ་སངས་རྒྱས་ཀྱི་མཛད་པ་མཛད་པ་དང་། མངོན་པར་ཤེས་པ་དང་། བྱོན་པ་དང་། བཞེངས་པ་དང་། འཆག་པ་དང་། བཞུགས་པ་དང་།
D187.061.0177b07.01