完整藏文原文 · 德格版页 当前仅加载第 59 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལ་ཆོས་སྟོན་པ་དེའི་ཚེ་སངས་རྒྱས་ཀྱི་ཞིང་དེ་ན་ལྷ་དང་མི་ཇི་སྙེད་འཁོད་པ་དེ་དག་ཐམས་ཅད་ཀྱིས་བཤད་པ་དེ་ཀུན་ཤེས་པར་གྱུར་ཏེ། དེ་ལ་ཁ་ཅིག་གིས་ནི་བཟོད་པ་ཐོབ། ཁ་ཅིག་གིས་ནི་གཟུངས། ཁ་ཅིག་གིས་ནི་སྤོབས་པ། ཁ་ཅིག་གིས་ནི་ཏིང་ངེ་འཛིན་ཐོབ་བོ། །དེ་
D167.059.0209b01.01བཞིན་གཤེགས་པ་དེའི་མཚན་ཀྱང་ཕྱོགས་བཅུར་གྲགས་པར་གྱུར་ཏོ། །རྣམ་པར་འཕྲུལ་པའི་རྒྱལ་པོ་དེའི་ཚེ་དེའི་དུས་ན། དེ་བཞིན་གཤེགས་པ་ལྷའི་རྒྱལ་པོ་དེ་ལྷ་དང་བཅས་པའི་འཇིག་རྟེན་གྱི་མདུན་ན་ཆོས་ཀྱི་རྣམ་གྲངས་འདི་ཉིད་རྒྱས་པར་འཆད་དོ། །དེ་ན་བྱང་ཆུབ་སེམས་དཔའ་
D167.059.0209b02.01བདུན་ཁྲི་ཉིས་སྟོང་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་གྱུར་ཏོ། །དེའི་ཚེ་དེའི་དུས་ན་བྱང་ཆུབ་སེམས་དཔའ་དྲི་མེད་རྣམ་དག་འོད་ཅེས་བྱ་བ་ཞིག་ཀྱང་ཡོད་པར་གྱུར་ཏོ། །དེ་བཞིན་གཤེགས་པ་དེས་བྱང་ཆུབ་སེམས་དཔའ་དེ་ལུང་ཡང་མ་བསྟན་པ་དང་། དེ་འདི་སྙམ་དུ་
D167.059.0209b03.01སེམས་ཏེ། བྱང་ཆུབ་སེམས་དཔའ་གང་དག་ལུང་བསྟན་པ་དེ་དག་སྤྱོད་ལམ་མམ། སྤྱོད་པའམ། ནན་ཏན་ནམ། དྲན་པའམ། བློ་གྲོས་སམ། རྟོགས་པའམ། ཤེས་རབ་བམ། མངོན་པར་ཤེས་པའམ། གཟུངས་སམ། ཏིང་ངེ་འཛིན་ཐོབ་པའི་བདག་ལས་ལྷག་
D167.059.0209b04.01པའམ། མཆོག་ཏུ་གྱུར་པ་ནི་མེད་ན། ཅིའི་ཕྱིར་འདི་བདག་ནི་ལུང་བསྟན་ལ་བདག་ལུང་མ་བསྟན་སྙམ་མོ། །དེ་ནས་དེ་བཞིན་གཤེགས་པ་ལྷའི་རྒྱལ་པོ་དེའི་ཐུགས་ཀྱིས་བྱང་ཆུབ་སེམས་དཔའ་དེའི་སེམས་མཁྱེན་ནས་བྱང་ཆུབ་སེམས་དཔའ་དེ་ལ་འདི་སྐད་ཅེས་བཀའ་སྩལ་ཏོ། །རིགས་
D167.059.0209b05.01ཀྱི་བུ་མ་འོངས་པའི་དུས་ན་དེ་བཞིན་གཤེགས་པ་མར་མེ་མཛད་ཅེས་བྱ་བ་ཞིག་འབྱུང་སྟེ། དེ་ཁྱོད་ལ་ལུང་སྟོན་པར་འགྱུར་རོ། །དེ་ནས་བྱང་ཆུབ་སེམས་དཔའ་དྲི་མེད་རྣམ་དག་འོད་ཀྱིས་ཚིག་དེ་ཐོས་ནས་རབ་ཏུ་དགའ་ཞིང་མགུ་བར་གྱུར་ཏེ། ནམ་མཁའ་ལ་འཕགས་ནས། གལ་ཏེ་
D167.059.0209b06.01བསྐལ་པ་གང་གཱའི་ཀླུང་གི་བྱེ་མ་སྙེད་ཅིག་ན་དེ་བཞིན་གཤེགས་པ་མར་མེ་མཛད་དེ་འབྱུང་དུ་ཟིན་ཀྱང་། བདག་གིས་ཐམས་ཅད་མཁྱེན་པ་ཉིད་ཐོབ་པར་འགྱུར་རོ། །དེ་བཞིན་གཤེགས་པ་རྣམས་ནི་ཤོབ་བེ་མི་གསུང་སྟེ། དེ་བཞིན་གཤེགས་པ་རྣམས་ནི་ཡང་དག་པར་གསུངས་པ།
D167.059.0209b07.01