完整藏文原文 · 德格版页 当前仅加载第 59 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བྱང་ཆུབ་སེམས་དཔའ་ཐམས་ཅད་དང་འཁོར་ཐམས་ཅད་ལ་ཀུན་དུ་གཏོར་ཏོ། །མེ་ཏོག་དེ་དག་གཏོར་མ་ཐག་ཏུ་གང་དག་གི་ལུས་ལ་ཕོག་པ་དེ་དག་ཐམས་ཅད་གསེར་གྱི་ཁ་དོག་འདྲ་བ་ལ་མཚན་དང་དཔེ་བྱད་བཟང་པོས་བརྒྱན་པར་སྣང་ངོ་། །བར་སྣང་ལས་ཀྱང་ལྷ་འབུམ་དག་
D167.059.0202a01.01ཚིག་ཏུ་སྨྲ་བ། བཅོམ་ལྡན་འདས་སེམས་ཅན་གང་དག་རྣམ་པར་འཕྲུལ་པ་འདི་ལ་མོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་འགྱུར་བ། དེ་དག་ནི་སངས་རྒྱས་ཀྱི་རྒྱན་གྱིས་བརྒྱན་པ་ལགས་སོ། །དེ་ཅིའི་སླད་དུ་ཞེ་ན། རྣམ་པར་འཕྲུལ་པ་འདི་དག་ཐམས་
D167.059.0202a02.01ཅད་ནི་ཐམས་ཅད་མཁྱེན་པའི་སེམས་ཀྱི་ཁོངས་སུ་གཏོགས་པ་ལགས་པའི་སླད་དུའོ། །གལ་ཏེ་བཅོམ་ལྡན་འདས་ཀྱིས་སྔོན་བྱང་ཆུབ་ཀྱི་སེམས་མ་བསྐྱེད་དུ་ལགས་ན་ཆོས་རྣམ་པར་འཕྲུལ་པ་བསམ་གྱིས་མི་ཁྱབ་པ་འདི་དག་འདི་ལྟར་ཐོས་པར་ག་ལ་འགྱུར་ལགས་སོ། །དེ་ནས་བཅོམ་ལྡན་
D167.059.0202a03.01འདས་ཀྱིས་ལྷའི་བུ་དེ་དག་ལ་ལེགས་སོ་ཞེས་བྱ་བ་བྱིན་ནོ། །བྱིན་ནས་ཀྱང་བྱང་ཆུབ་སེམས་དཔའ་རྣམ་པར་འཕྲུལ་པའི་རྒྱལ་པོ་ལ་བཀའ་སྩལ་པ། རྣམ་པར་འཕྲུལ་པའི་རྒྱལ་པོ་ངས་མངོན་པར་དྲན་ཏེ། དེ་བཞིན་གཤེགས་པ་མར་མེ་མཛད་ཀྱི་ཕ་རོལ་ན་དེ་བཞིན་གཤེགས་པ་བདུན་ཅུ་པ་ཀུན་ནས་འོད་
D167.059.0202a04.01ཟེར་གཟི་བརྗིད་རྒྱ་ཆེན་ཞེས་བྱ་བ་བྱུང་སྟེ། དེ་བཞིན་གཤེགས་པ་དེས་ཀྱང་རྣམ་པར་འཕྲུལ་པ་བཞི་པོ་འདི་ཁོ་ན་དག་སྟོན་པའི་ཆོས་ཀྱི་སྒོའི་ལེའུ་རྒྱ་ཆེར་རབ་ཏུ་བསྟན་པར་གྱུར་ཏོ། །བྱང་ཆུབ་སེམས་དཔའ་ཡུལ་ཕུན་སུམ་ཚོགས་པ་ཞེས་བྱ་བ་ཞིག་ཀྱང་ཡོད་པར་གྱུར་ཏེ། དེས་དེ་ལ་ཞུས་པ་དང་།
D167.059.0202a05.01དེ་བཞིན་གཤེགས་པ་དེས་ཆོས་ཀྱི་རྣམ་གྲངས་འདི་བཤད་པ་ན་བྱང་ཆུབ་སེམས་དཔའ་བརྒྱད་སྟོང་གིས་རྣམ་པར་འཕྲུལ་པ་འདི་དག་ཐོབ་པར་འགྱུར། མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །སྲོག་ཆགས་སུམ་ཁྲི་ཉིས་སྟོང་གིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D167.059.0202a06.01ཏུ་སེམས་སྐྱེད་དོ། །དེ་དག་ལས་ཀྱང་རྣམ་པར་འཕྲུལ་པ་འདི་དག་ངས་ཐོས་ཏེ། ཐོས་ནས་ཀྱང་བཟུང་ངོ་། །དེ་བཞིན་གཤེགས་པ་མར་མེ་མཛད་ལས་ངས་བཟོད་པ་ཐོབ་ནས་ཀྱང་དེ་དག་ཡོངས་སུ་རྫོགས་པར་བྱས་སོ། །རྣམ་པར་འཕྲུལ་པའི་རྒྱལ་པོ་དེ་ལྟ་བས་ན་ད་ལྟར་ཡང་རུང་ཡོངས་སུ་མྱ་ངན་
D167.059.0202a07.01