完整藏文原文 · 德格版页 当前仅加载第 59 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
གྲངས་འདི་དང་མ་བྲལ་བའི་བྱང་ཆུབ་སེམས་དཔའ་དེ་ནི་མངོན་པར་ཤེས་པ་ཐོབ་ཅིང་བྱང་ཆུབ་ཀྱི་སྙིང་པོ་ལ་གནས་པ་ཡིན་པར་བལྟའོ། །རྣམ་པར་འཕྲུལ་པའི་རྒྱལ་པོ་སྔོན་བྱུང་བ་ལས་འདས་པའི་དུས་ན་དེ་བཞིན་གཤེགས་པ་མར་མེ་མཛད་ཀྱི་ཕ་རོལ། དེ་བཞིན་གཤེགས་
D167.059.0208a01.01པ་རབ་ཏུ་གདུང་བའི་ཡང་ཕ་རོལ། དེ་བཞིན་གཤེགས་པ་སྐར་རྒྱལ་གྱི་ཡང་ཕ་རོལ། དེ་བཞིན་གཤེགས་པ་རྒྱལ་གྱི་ཡང་ཕ་རོལ། དེ་བཞིན་གཤེགས་པ་རབ་སྩལ་གྱི་ཡང་ཕ་རོལ་ན་དེ་བཞིན་གཤེགས་པ་ལྷའི་རྒྱལ་པོ་ཞེས་བྱ་བ་རིག་པ་དང་ཞབས་སུ་ལྡན་པ། བདེ་བར་གཤེགས་
D167.059.0208a02.01པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བར་གྱུར་ཏེ། རྣམ་པར་འཕྲུལ་པའི་རྒྱལ་པོ་དེ་བཞིན་གཤེགས་པ་ལྷའི་རྒྱལ་པོ་དེའི་སངས་རྒྱས་ཀྱི་ཞིང་དེ་འབྱོར་པ་དང་། རྒྱས་པ་དང་།
D167.059.0208a03.01བདེ་བ་དང་། ལོ་ལེགས་པ་དང་། ཉམས་དགའ་བ་དང་། ལྷ་དང་མི་རྣམས་ཀྱིས་གང་བར་གྱུར་ཅིང་། ལག་མཐིལ་བཞིན་དུ་མཉམ་པ། བཻ་དཱུརྱ་དག་ལ་འཛམ་བུའི་ཆུ་བོའི་གསེར་གྱི་པད་མས་སྤྲས་པ། གོས་ཀ་ཙ་ལིན་དི་ཀ་ལྟར་རེག་ན་འཇམ་པ་ཡིན་ནོ། །དེའི་ཚེ་མི་རྣམས་
D167.059.0208a04.01ཀྱི་ལོངས་སྤྱོད་ནི་དགའ་ལྡན་གྱི་ལྷ་རྣམས་ཀྱི་ལོངས་སྤྱོད་དང་ཡོངས་སུ་སྤྱོད་པ་ཇི་འདྲ་བ་དེ་འདྲ་བར་གྱུར་ཏེ། བཟའ་བ་དང་། བཏུང་བ་རྣམས་ཀྱང་ཡིད་ལ་བསམ་པ་ཙམ་གྱིས་འབྱུང་ངོ་། །མི་དེ་དག་གི་ཁ་དོག་དང་། གཟུགས་དང་། དབྱིབས་དང་། སྐྱེད་མོས་ཚལ་དང་། གཞལ་
D167.059.0208a05.01མེད་ཁང་དག་ཀྱང་ལྷ་རྣམས་ཀྱི་དང་བྱེ་བྲག་མེད་པར་གྱུར་ཏེ། མིང་དུ་བརྗོད་པ་འབའ་ཞིག་ཐ་དད་དུ་ཟད་དོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ན་དེ་བཞིན་གཤེགས་པ་དེ་མ་གཏོགས་པ་རྒྱལ་པོ་གང་ཡང་མེད་དེ། དེའི་ཕྱིར་དེ་བཞིན་གཤེགས་པ་དེ་ལྷའི་རྒྱལ་པོ་ཞེས་
D167.059.0208a06.01བྱའོ། །འདི་ལྟ་སྟེ་དཔེར་ན། འཁོར་ལོས་སྒྱུར་བའི་རྒྱལ་པོ་ཆོས་ཀྱི་འདུན་སར་འདུག་ནས་ཆོས་ཁོ་ན་སྟོན་གྱིས། ཆོས་མ་ཡིན་པ་མི་སྟོན་ཏོ། །དེ་བཞིན་དུ་དེ་བཞིན་གཤེགས་པ་ལྷའི་རྒྱལ་པོ་དེ་ཡང་ཆོས་ཀྱི་སྟན། དགེ་བའི་ཁྲི་ལ་བཞུགས་ནས་འཇིག་རྟེན་པ་རྣམས་ལ་ཆོས་སྟོན་
D167.059.0208a07.01