完整藏文原文 · 德格版页 当前仅加载第 59 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཤེས་རབ་དང་ལྡན་པ་ནི་དགེ་བའི་ཆོས་ཐམས་ཅད་ལྷུན་གྱིས་གྲུབ་པར་རྗེས་སུ་རྟོགས་ཏེ། རྣམ་པར་འཕྲུལ་པའི་རྒྱལ་པོ་འདི་ལྟ་སྟེ། དཔེར་ན་སྟེང་གི་བར་སྣང་ལ་མདའ་འཕངས་ནས་འཕེན་པའི་སྟོབས་ཇི་ཙམ་པ་དེ་སྲིད་དུ་སོང་ནས་བཙལ་མི་དགོས་པ་ཁོ་ནར་སླར་ས་ལ་ལྷུང་ངོ་། །རྣམ་པར་
D167.059.0201b01.01འཕྲུལ་པའི་རྒྱལ་པོ་དེ་བཞིན་དུ་བྱང་ཆུབ་སེམས་དཔའི་ཡེ་ཤེས་ཤེས་རབ་ཀྱི་སྟོབས་རྣམ་པར་དག་པར་དེ་ཡང་བཙལ་མི་དགོས་པ་ཁོ་ནར་དགེ་བའི་ཆོས་ཐམས་ཅད་ལ་ཡང་འབབ། སྟོབས་གང་གིས་སྐད་ཅིག་གཅིག་ལ་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དག་གཡོ་བར་བྱེད་པ་དང་། བདུད་
D167.059.0201b02.01ཀྱི་སྡེ་ཆེན་པོ་དེ་དག་ཕམ་པར་བྱེད་པའི་སྟོབས་ཀྱང་བྱང་ཆུབ་ཀྱི་སྙིང་པོར་ཀུན་ཏུ་སྟོན། བྱང་ཆུབ་ཐོབ་ནས་ཀྱང་སྟོབས་གང་དག་གིས་ལྷ་དང་། ཀླུ་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་མི་རྫི་བའི་སྟོབས་བཅུ་པོ་དག་ཀྱང་འཐོབ་སྟེ། རྣམ་པར་འཕྲུལ་པའི་རྒྱལ་པོ་ཚུལ་ཁྲིམས་དང་། མངོན་
D167.059.0201b03.01པར་ཤེས་པ་དང་། ཤེས་པ་དང་། ཤེས་རབ་ཀྱི་རྣམ་པར་འཕྲུལ་པ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་བསྐྱེད་པ་རྣམས་ཀྱི་རྣ་ལམ་དུ་གྲག་པར་འགྱུར་རོ། །གང་དག་གིས་ཆོས་ཀྱི་རྣམ་གྲངས་འདི་ཐོས་ན་དགའ་བར་གྱུར་པ་དེ་དག་ཐམས་ཅད་ཀྱང་རྣམ་པར་
D167.059.0201b04.01འཕྲུལ་པ་བཞི་པོ་འདི་དག་ལྷག་པར་བྱེད་པར་འགྱུར་རོ། །དེ་ཅིའི་ཕྱིར་ཞེ་ན། འདི་དག་ནི་ཉན་ཐོས་དང་། རང་སངས་རྒྱས་ཐམས་ཅད་ལ་མེད་པའི་ཕྱིར་རོ། །དེ་ནས་བྱང་ཆུབ་སེམས་དཔའ་རྣམ་པར་འཕྲུལ་པའི་རྒྱལ་པོ་ཞུས་པའི་ལན་ཐོབ་པས་དགའ་མགུ་རངས། ཡིད་བདེ་རབ་ཏུ་དགའ་ཚིམ་
D167.059.0201b05.01ཞིང་ཡི་རངས་པར་གྱུར་ནས། དེ་བཞིན་གཤེགས་པ་ལ་ཐལ་མོ་སྦྱར་ཏེ་མིག་མི་འཛུམས་པར་ལྟ་ཞིང་ཚིག་འདི་སྐད་ཅེས་སྨྲས་སོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཇི་ལྟར་རྣམ་པར་འཕྲུལ་པ་དེ་བཞིན་དུ་སེམས་ཅན་ཐམས་ཅད་
D167.059.0201b06.01ཀྱང་རྣམ་པར་འཕྲུལ་པ་དེ་དག་གིས་རྣམ་པར་འཕྲུལ་པར་གྱུར་ཅིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་འཕྲུལ་པའི་རྒྱལ་པོས་ལྷ་དང་མིའི་མེ་ཏོག་རབ་ཏུ་དྲི་ཞིམ་པ་ཁ་དོག་རྣམ་པ་དུ་མ་ཅན་རྣམས་ཀྱི་ཕུང་པོ་བྱིན་གྱིས་བརླབས་ནས་མེ་ཏོག་དེ་དག་གིས་དེ་བཞིན་གཤེགས་པ་
D167.059.0201b07.01