完整藏文原文 · 德格版页 当前仅加载第 59 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
གི་སྒྲའམ། {རི་དགས་,རི་དྭགས་}ཀྱི་ཁྱུ་དང་། ལྷ་དང་ཀླུ་དང་གནོད་སྦྱིན་དང་། དྲི་ཟ་དབབ་པའམ། རྒྱལ་པོའི་རྟགས་དང་། མཚན་ཉིད་དང་། མཚན་མའམ། ལོ་ལེགས་པ་དང་། ལོ་ཉེས་པའི་མཚན་མའམ། གདོན་རྣམ་པར་གཙེ་བ་ཤེས་པའམ། དེ་ལས་གཞན་པ་འཇིག་རྟེན་གྱི་བཟོ་ཤེས་པ་
D167.059.0200b01.01འམ། ལས་ཤེས་པའམ། ཡི་གེ་དང་། ལག་བརྡ་དང་། གྲངས་དང་། བརྩི་བ་དང་། རི་མོ་བྲི་བ་དང་། གླུ་དང་། གར་དང་། པི་བང་དང་། རྔ་དང་། ཁར་དཀྲོལ་དང་། རོལ་མོ་ལ་འཇུག་པའི་ཤེས་པ་གང་དག་ཡིན་པ་དེ་དག་ཐམས་ཅད་བྱང་ཆུབ་སེམས་དཔའ་དེ་ཚེ་རྗེས་ནས་
D167.059.0200b02.01མ་བསྟན་པར་མངོན་དུ་འགྱུར་ཞིང་། དེ་དག་ལ་དེའི་ཤེས་པ་རབ་ཏུ་འཇུག་གོ། །ཤེས་རབ་དང་ལྡན་པ་རྣམས་ལའང་དེ་དག་ཐམས་ཅད་སྟོན་ཅིང་ཐམས་ཅད་ལ་མཐར་ཕྱིན་པར་འགྱུར་ཏེ། དེ་བསྟན་བཅོས་དང་། སྔགས་དང་། རིག་སྔགས་ཀྱི་གནས་དེ་དག་ཐམས་ཅད་ཀྱང་རབ་ཏུ་
D167.059.0200b03.01ཤེས་ལ། སེམས་ཅན་ཐམས་ཅད་ལའང་མི་གནོད་པར་གནས་ཤིང་། དེ་དག་གིས་ཡང་དག་པར་ཡང་མི་སེམས་སོ། །རྣམ་པར་འཕྲུལ་པའི་རྒྱལ་པོ་བྱང་ཆུབ་སེམས་དཔའ་དེ་ཤེས་རབ་མ་ཉམས་པར་ཚངས་པ་འབུམ་ཕྲག་བཅུ་དང་ལྷན་ཅིག་ཏུ་གནས་ཤིང་འདུག་ལ་སྨྲའོ། །ལྟ་
D167.059.0200b04.01བས་ཀྱང་ལྟ་བ་སྟོན་ལ། ཁ་དོག་གིས་ཀྱང་ཁ་དོག་སྟོན། སྨྲ་བས་ཀྱང་སྨྲ་བ་སྟོན། ཁ་དོག་དང་འོད་དང་གཟི་བརྗིད་ཀྱིས་ཀྱང་ཁ་དོག་དང་འོད་དང་གཟི་བརྗིད་སྟོན་ལ་ཚངས་པ་དེ་དག་ལ་ཆགས་པར་ཡང་མི་འགྱུར། ཚངས་པ་དེ་དག་ཀྱང་བྱང་ཆུབ་སེམས་དཔའ་དེ་བསྩུར་འོང་ཞིང་དེ་ལ་གུས་པ་
D167.059.0200b05.01སྐྱེད་དོ། །དེ་བཞིན་དུ་ལྷའི་གནས་ཐམས་ཅད་དུ་ཡང་བདག་པོ་ཡིན་པར་སྟོན་ལ་དེ་དག་ལ་ཆགས་པ་ཡང་མེད། དགའ་བ་ཡང་མི་སྐྱེད་ཀྱི་མི་རྟག་པའི་འདུ་ཤེས་ཉིད་སྐྱེད། སྡུག་བསྔལ་གྱི་འདུ་ཤེས་ཉིད་སྐྱེད། བདག་མེད་པའི་འདུ་ཤེས་ཉིད་སྐྱེད། ཉེ་བར་ཞི་བ་ཉིད་ལ་རྟོན། སེམས་
D167.059.0200b06.01ཅན་ཐམས་ཅད་གྲོལ་བར་བྱེད་པ་ཉིད་ལ་རྟོན། བྱང་ཆུབ་ཀྱི་སྙིང་པོ་ཉིད་ལ་རྟོན་ཏེ། རྣམ་པར་འཕྲུལ་པའི་རྒྱལ་པོ་འདི་ཡང་ཤེས་རབ་ཀྱི་རྣམ་པར་འཕྲུལ་པའོ། །རྣམ་པར་འཕྲུལ་པའི་རྒྱལ་པོ་གཞན་ཡང་བྱང་ཆུབ་སེམས་དཔའ་ཤེས་རབ་ཀྱི་རྣམ་པར་འཕྲུལ་པ་ནི་བདུད་ཀྱི་གནས་བཀོད་པ་
D167.059.0200b07.01