完整藏文原文 · 德格版页 当前仅加载第 59 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། སྣ་དང་། ལྕེ་དང་། ལུས་དང་། ཡིད་ཀྱང་རང་བཞིན་ལས་མ་སྐྱེས་ཤིང་མ་བྱུང་བ་སྟེ། དེ་ལ་བྱེད་པ་པོ་གང་ཡང་མེད་དོ། །རྣམ་པར་འཕྲུལ་པའི་རྒྱལ་པོ་མིག་ནི་བདག་པོ་མེད་པ་སྟེ། དེ་ལ་ལྟ་བ་པོ་གང་ཡང་མེད་དོ། །རྣ་བ་ནི་བདག་པོ་མེད་པ་སྟེ།
D167.059.0191b01.01དེ་ལ་ཉན་པ་པོ་གང་ཡང་མེད་དོ། །སྣ་ནི་བདག་པོ་མེད་པ་སྟེ། དེ་ལ་མནོམ་པ་པོ་གང་ཡང་མེད་དོ། །ལྕེ་ནི་བདག་པོ་མེད་པ་སྟེ། དེ་ལ་མྱོང་བ་པོ་གང་ཡང་མེད་དོ། །ལུས་ནི་བདག་པོ་མེད་པ་སྟེ། དེ་ལ་རེག་པ་པོ་གང་ཡང་མེད་དོ། །ཡིད་ནི་བདག་པོ་མེད་པ་སྟེ།
D167.059.0191b02.01དེ་ལ་ཤེས་པ་པོ་གང་ཡང་མེད་དོ། །རྣམ་པར་འཕྲུལ་པའི་རྒྱལ་པོ་མིག་གི་རང་བཞིན་གཟུགས་མི་མཐོང་། རྣ་བའི་རང་བཞིན་སྒྲ་མི་ཉན། སྣའི་རང་བཞིན་དྲི་མི་སྣོམ། ལྕེའི་རང་བཞིན་རོ་མྱོང་བར་མི་བྱེད། ལུས་ཀྱི་རང་བཞིན་རེག་བྱ་ལ་རེག་པར་མི་བྱེད། ཡིད་
D167.059.0191b03.01ཀྱི་རང་བཞིན་ཆོས་ཤེས་པར་མི་བྱེད་དོ། །དེ་ཅིའི་ཕྱིར་ཞེ་ན། མིག་ནི་བྱེད་པ་པོ་མེད་པ་སྟེ། རྩྭ་དང་། ཤིང་དང་། རྩིག་པ་དང་། གྱོ་མོ་ལྟ་བུ་ཡིན་པ་དང་། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ནི་བྱེད་པ་མེད་པ་སྟེ། རྩྭ་དང་།
D167.059.0191b04.01ཤིང་དང་། རྩིག་པ་དང་། གྱོ་མོ་ལྟ་བུ་ཡིན་པའི་ཕྱིར་རོ། །རྣམ་པར་འཕྲུལ་པའི་རྒྱལ་པོ་མིག་ནི་ཆགས་པ་ཡང་མ་ཡིན་ཆགས་པ་མེད་པ་ཡང་མ་ཡིན་ནོ། །དེ་ཅིའི་ཕྱིར་ཞེ་ན། མིག་ནི་རང་བཞིན་གྱིས་ཆགས་པ་མེད་པའི་ཕྱིར་རོ། །རྣམ་པར་འཕྲུལ་པའི་རྒྱལ་པོ་རྣ་བ་
D167.059.0191b05.01དང་། སྣ་དང་། ལྕེ་དང་། ལུས་དང་། ཡིད་ནི་ཆགས་པ་ཡང་མ་ཡིན། ཆགས་པ་མེད་པ་ཡང་མ་ཡིན་ནོ། །དེ་ཅིའི་ཕྱིར་ཞེ་ན། ཡིད་ནི་རང་བཞིན་གྱིས་ཆགས་པ་མེད་པའི་ཕྱིར་རོ། །རྣམ་པར་འཕྲུལ་པའི་རྒྱལ་པོ་སྐྱེ་མཆེད་ཐམས་ཅད་ལ་གང་དེ་ལྟར་རབ་ཏུ་ཤེས་
D167.059.0191b06.01ཤིང་ཤེས་ནས་ཀྱང་ཆགས་པ་མེད་པ་དེ་ནི་སྐྱེ་མཆེད་ཤེས་པ་ཞེས་བྱའོ། །གང་ཕུང་པོ་དང་། ཁམས་དང་། སྐྱེ་མཆེད་རྣམས་ལ་དེ་ལྟར་ཤེས་ནས་སྐྱེ་བ་མེད་པ་དང་། འབྱུང་བ་མེད་པ་དང་། ཤིན་ཏུ་མྱ་ངན་ལས་འདའ་བར་གྱུར་ཀྱང་སྐྱེ་ཞིང་འབྱུང་ལ་ཕུང་པོ་དང་ཁམས་
D167.059.0191b07.01