完整藏文原文 · 德格版页 当前仅加载第 59 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
བདུད་ཀྱི་ལས་ལས་ཡང་དག་པར་འདས་ལ། བདུད་བཞི་དང་ལྟ་བ་ཐམས་ཅད་དང་བྲལ་ཞིང་སྐྱེ་བ་མེད་པ་ལ་བཟོད་པ་ཉམས་སུ་བླང་ངོ་སྙམ་པ་དེ་ནི། ང་རྒྱལ་གྱི་ལས་སོ། །བདག་གིས་བྱང་ཆུབ་རྟོགས་ནས། ཆོས་ཀྱི་འཁོར་ལོ་བསྐོར་
D167.059.0197a01.01ཏེ། སེམས་ཅན་རྣམས་ཐར་པར་བྱས་ནས། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་བཟླའོ་སྙམ་དུ་གང་རློམ་སེམས་སུ་བྱེད་ཅིང་། རྣམ་པར་རྟོག་པ་དེ་དག་ཐམས་ཅད་ནི་ང་རྒྱལ་གྱི་ལས་ཏེ། རྣམ་པར་འཕྲུལ་པའི་
D167.059.0197a02.01རྒྱལ་པོ། ཇི་ཙམ་དུ་ཡིད་ཉེ་བར་སྤྱོད་པ་དང་། སེམས་མཐོ་བ་དང་། དམའ་བ་དང་། རྣམ་པར་ཤེས་པར་བརྟགས་པ་དེ་ཙམ་དུ་ང་རྒྱལ་གྱི་ལས་སོ། །རྣམ་པར་འཕྲུལ་པའི་རྒྱལ་པོ། དེ་ལ་ཡེ་ཤེས་ཀྱི་ལས་གང་ཞེ་ན། གང་ལ་ཡིད་ཀྱི་ཉེ་བར་སྤྱོད་པ་མེད།
D167.059.0197a03.01སེམས་ཀྱི་མེད། རྣམ་པར་ཤེས་པའི་མེད་པ་དེ་ནི་ཡེ་ཤེས་ཀྱི་ལས་ཏེ། དེ་ཡེ་ཤེས་ཀྱིས་བྱས་པའི་ལས་རྣམས་ཀྱང་བྱེད་དོ། །བྱང་ཆུབ་སེམས་དཔའི་ལས་ཀྱང་གང་ཞེ་ན། གང་བྱང་ཆུབ་སེམས་དཔས་བྱ་བ་སྟེ། བྱང་ཆུབ་སེམས་དཔའི་ལས་ནི་རྣམ་
D167.059.0197a04.01པ་གཉིས་སོ། །གཉིས་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། དམ་པའི་ཆོས་ཡོངས་སུ་གཟུང་བའོ། །དེ་བདག་ཇི་ལྟར་ཤེས་པ་དེ་བཞིན་དུ། སེམས་ཅན་རྣམས་ཡོངས་སུ་སྨིན་པར་བྱེད་དེ། བདག་
D167.059.0197a05.01ཀྱང་ཇི་ལྟར་ཤེས་ཞེ་ན། བདག་ནི་གནས་མེད་པར་ཤེས་ཏེ། གང་བདག་གནས་མེད་པར་ཤེས་པ་དེ་ལ་ཡང་ཡིད་མེད། རྣམ་པར་ཤེས་པ་མེད། སེམས་མེད། དེ་དེ་ལྟར་སེམས་ཅན་རྣམས་ཡོངས་སུ་སྨིན་པར་བྱེད་དོ། །དམ་པའི་ཆོས་
D167.059.0197a06.01ཀྱང་ཇི་ལྟར་ཡོངས་སུ་འཛིན་ཅེ་ན། གང་ཆོས་ཐམས་ཅད་ཡོངས་སུ་འཛིན་པ་མེད་པ་སྟེ། འདི་ནི་དམ་པའི་ཆོས་ཡོངས་སུ་འཛིན་པའོ། །གཟུགས་ཡོངས་སུ་འཛིན་པ་ནི་དམ་པའི་ཆོས་ཡོངས་སུ་འཛིན་པ་མ་ཡིན། ཚོར་བ་དང་། འདུ་ཤེས་དང་། འདུ་
D167.059.0197a07.01