完整藏文原文 · 德格版页 当前仅加载第 59 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
མིང་དང་གཟུགས་མི་མཐོང་། སྐྱེ་མཆེད་དྲུག་མི་མཐོང་། རེག་པ་མི་མཐོང་། ཚོར་བ་མི་མཐོང་། སྲེད་པ་མི་མཐོང་། ལེན་པ་མི་མཐོང་། སྲིད་པ་མི་མཐོང་། སྐྱེ་བ་མི་མཐོང་། རྒ་ཤི་མི་མཐོང་སྟེ། དེ་ལྟར་གང་ཆོས་རྣམས་ལ་ཚུལ་བཞིན་དུ་
D167.059.0193b01.01མཐོང་བ་དེས་ནི་རྟེན་ཅིང་འབྲེལ་པར་འབྱུང་བ་མཐོང་ངོ་། །གང་རྟེན་ཅིང་འབྲེལ་པར་འབྱུང་བ་མཐོང་བ་དེས་ནི་ཆོས་མཐོང་ངོ་། །ཆོས་གང་མཐོང་ཞེ་ན། འདོད་ཆགས་དང་བྲལ་བའི་ཆོས་མཐོང་ངོ་། །ཅིའི་ཕྱིར་འདོད་ཆགས་དང་བྲལ་བ་ཞེས་བྱ་ཞེ་ན། འདི་ལྟར་
D167.059.0193b02.01དེ་ལས་ཆོས་ཐམས་ཅད་ལ་ཆགས་པའི་ལྟ་བ་དང་བྲལ་བས་དེའི་ཕྱིར། འདོད་ཆགས་དང་བྲལ་བའི་ཆོས་མཐོང་ཞེས་བྱའོ། །ཅི་ནས་ཀྱང་ལྷག་པར་ཡང་མི་བྱེད། བྲི་བར་ཡང་མི་བྱེད་པ་དེ་ལྟར་མཐོང་། ཅི་ནས་ཀྱང་དེ་ཁོ་ནས་མི་གཡོ་ཞིང་མི་ཆགས་པ་དེ་ལྟར་
D167.059.0193b03.01མཐོང་། ཅི་ནས་ཀྱང་ཆོས་ཀྱི་དབྱིངས་ཐ་དད་པར་མི་འགྱུར་བ་དེ་ལྟར་མཐོང་། ཅི་ནས་ཀྱང་ཡང་དག་པའི་མཐའ་སྐྱོན་མེད་པ་དེ་ལྟར་མཐོང་། ཅི་ནས་ཀྱང་མཐོང་བས་མཐོང་བ་ཡང་མི་མཐོང་བ་དེ་ལྟར་མཐོང་། ཅི་ནས་ཀྱང་ཤའི་མིག་གིས་མཐོང་བ་ཡང་མ་ཡིན་པ་
D167.059.0193b04.01དང་། ལྷའི་མིག་གིས་མཐོང་བ་མ་ཡིན་པ་དང་། ཤེས་རབ་ཀྱི་མིག་གིས་མཐོང་བ་མ་ཡིན་པ་དེ་ལྟར་མཐོང་ངོ་། །དེ་ཅིའི་ཕྱིར་ཞེ་ན། ཤའི་མིག་ནི་བྱེད་པ་མེད་པ་སྟེ། བྱེད་པ་མེད་པའི་ཕྱིར་མི་མཐོང་། ལྷའི་མིག་ནི་མངོན་པར་འདུས་བྱས་པ་ཡིན་
D167.059.0193b05.01པས་དེས་འདུས་མ་བྱས་པ་མཐོང་བར་སླ་བ་མ་ཡིན། ཤེས་རབ་ཀྱི་མིག་ནི་རྣམ་པར་མི་རྟོག་པ་སྟེ། རྣམ་པར་མི་རྟོག་པས་མི་མཐོང་བའི་ཕྱིར་རོ། །རྣམ་པར་འཕྲུལ་པའི་རྒྱལ་པོ་བྱང་ཆུབ་སེམས་དཔའ་གང་ཆོས་རྣམས་ལ་དེ་ལྟར་མཐོང་བ་དེས་དེ་བཞིན་གཤེགས་
D167.059.0193b06.01པ་མཐོང་སྟེ། གཟུགས་སུ་མཐོང་བ་མ་ཡིན། ཚོར་བར་མ་ཡིན། འདུ་ཤེས་སུ་མ་ཡིན། འདུ་བྱེད་རྣམས་སུ་མ་ཡིན། རྣམ་པར་ཤེས་པར་མཐོང་བ་མ་ཡིན། མཚན་དང་དཔེ་བྱད་བཟང་པོར་མ་ཡིན། ཆོས་ཀྱི་དབྱིངས་སུ་མ་ཡིན། ཚུལ་
D167.059.0193b07.01