完整藏文原文 · 德格版页 当前仅加载第 59 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
གྲོགས་པོ་དག་ཆོས་གང་ཡང་འཆི་བ་དང་། སྐྱེ་བ་མེད་དེ་དེ་བཞིན་གཤེགས་པས་ཆོས་ཐམས་ཅད་འཆི་བ་དང་། སྐྱེ་བ་མེད་པར་མངོན་པར་རྫོགས་པར་སངས་རྒྱས་སོ། །གཟུགས་མི་འཆི་མི་སྐྱེའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་
D167.059.0209a01.01ཤེས་པ་མི་འཆི་མི་སྐྱེའོ། །དེ་ལ་དོན་དམ་པར་བདག་གམ། སེམས་ཅན་ནམ། སྲོག་གམ། གང་ཟག་གམ། ཤེད་ལས་སྐྱེས་སམ། ཤེད་བུའམ། འཆི་བའམ། སྐྱེ་བར་འགྱུར་བ་གང་ཡང་མེད་དོ། །བཅོམ་ལྡན་འདས་ཆོས་ཐམས་ཅད་སྟོང་པ་ཉིད་དང་། མཚན་མ་མེད་པ་
D167.059.0209a02.01དང་། སྨོན་པ་མེད་པར་མངོན་པར་རྫོགས་པར་སངས་རྒྱས་ཏེ། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་འཆི་བའམ་སྐྱེ་བར་མི་འགྱུར་རོ། །བཅོམ་ལྡན་འདས་ཀྱིས་འདོད་ཆགས་དང་བྲལ་བའི་མཐའ་མངོན་དུ་མཛད། བཅོམ་ལྡན་འདས་ཀྱིས་མངོན་པར་འདུ་
D167.059.0209a03.01བྱ་བ་མེད་པའི་མཐའ་དང་། སྐྱེ་བ་མེད་པའི་མཐའ་དང་། འབྱུང་བ་མེད་པའི་མཐའ་མངོན་དུ་མཛད་དེ། འདོད་ཆགས་བྲལ་བའི་མཐའ་ནས་འབྱུང་བ་མེད་པའི་མཐའི་བར་དུ་འཆི་བ་དང་སྐྱེ་བ་ཡང་མེད་དོ། །གང་འཆི་འཕོ་བ་ལ་འཆི་འཕོ་ཞེས། དེའི་རྐྱེན་རྣམས་དང་མི་ལྡན་པའོ། །གང་
D167.059.0209a04.01སྐྱེ་བ་ཞེས་བྱ་བ་ཡང་རྐྱེན་རྣམས་ཚོགས་པ་སྟེ། རྐྱེན་རྣམས་ལ་ནི་འཆི་འཕོའམ་སྐྱེ་བ་མེད་དོ། །ཞེས་བྱང་ཆུབ་སེམས་དཔའ་དེས་བྱང་ཆུབ་སེམས་དཔའི་འཁོར་དེར་ཆོས་ཀྱི་གཏམ་དེ་ལྟ་བུ་བྱས་ཏེ་ཤི་འཕོས་པར་གྱུར་ཏོ། །ཤི་འཕོས་ནས་ཀྱང་ཐལ་བའམ། དུ་བ་ཙམ་ཡང་མེད་པར་
D167.059.0209a05.01གྱུར་ཏེ། འཆི་འཕོས་ནས་དེ་བཞིན་གཤེགས་པ་མངོན་དུ་བཞུགས་པའི་སངས་རྒྱས་ཀྱི་ཞིང་གཞན་དུ་སོང་ངོ་། །དེ་བཞིན་གཤེགས་པ་དེ་དང་། བྱང་ཆུབ་སེམས་དཔའ་དེ་རྣམས་གོས་ངུར་སྨྲིག་མི་གྱོན་གྱི། ཐམས་ཅད་ཀྱང་ལྷའི་གོས་གཙང་མ་རྣམས་གྱོན་ནོ། །དེར་བསླབ་པ་
D167.059.0209a06.01བཅའ་བ་ཡང་མེད་དེ། དེ་དག་ཐམས་ཅད་ཅང་ཤེས་པ་སྐྱེ་བ་མེད་པ་ལ་བཟོད་པའི་ཆོས་ཅན་དུ་གྱུར་ཏོ། །དེ་དག་ལ་གཏམ་རྒྱས་པར་བྱ་ཡང་མི་དགོས་ཏེ། དེ་དག་ནི་ཟུར་ཙམ་གྱིས་གོ་ཞིང་དབང་པོ་རྣོ་བ་ཤ་སྟག་གོ། །གང་གི་ཚེ་དེ་བཞིན་གཤེགས་པ་དེ་བྱང་ཆུབ་སེམས་དཔའ་
D167.059.0209a07.01