完整藏文原文 · 德格版页 当前仅加载第 59 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གང་གི་བསམ་པ་ཇི་ལྟ་བུ། སྦྱོར་བ་ཇི་ལྟ་བུ། རྒྱུ་ཇི་ལྟ་བུ། མཚན་ཉིད་ཇི་ལྟ་བུ་ཡིན་སྙམ་དུ་འཁོར་གྱི་སེམས་ལ་རྣམ་པར་ལྟ་སྟེ། བལྟས་ནས་ཀྱང་དེ་བཞིན་དུ་ཆོས་སྟོན་ཏོ། །དེ་རང་གི་སེམས་ཡོངས་སུ་དག་པས་འཁོར་གྱི་སེམས་ཡོངས་
D167.059.0186a01.01སུ་དག་པ་རྗེས་སུ་འཇུག་སྟེ། རྣམ་པར་འཕྲུལ་པའི་རྒྱལ་པོ་འདི་ལྟ་སྟེ། དཔེར་ན་མེ་ལོང་གི་དཀྱིལ་འཁོར་ཡོངས་སུ་དག་པའི་ཕྱིར་མེ་ལོང་གི་དཀྱིལ་འཁོར་ཡོངས་སུ་དག་པ་ལ་གཟུགས་སུ་སྣང་བ་ཇི་ལྟ་བུ་བསྙེན་པའི་ཁ་དོག་དང་། རྟགས་དང་། དབྱིབས་ཇི་ལྟ་བུ་
D167.059.0186a02.01ཡིན་པ་དེ་ལྟ་བུ་ཉིད་ཀྱི་གཟུགས་བརྙན་ལྷག་ཆད་མེད་པར་སྣང་སྟེ། མེ་ལོང་གི་དཀྱིལ་འཁོར་ནི་རྣམ་པར་མི་རྟོག་མི་སེམས་ཀྱང་དེ་དག་སྣང་ངོ་། །རྣམ་པར་འཕྲུལ་པའི་རྒྱལ་པོ་དེ་བཞིན་དུ་བྱང་ཆུབ་སེམས་དཔའ་ཡང་རང་གི་སེམས་ཡོངས་སུ་དག་པ་དང་། ཆོས་ཀྱི་དབྱིངས་ཀྱི་
D167.059.0186a03.01དཀྱིལ་འཁོར་ཡོངས་སུ་དག་པའི་ཕྱིར་སེམས་ཅན་རྣམས་ཀྱི་སེམས་ཀྱི་སྤྱོད་པ་ཇི་ལྟ་བུར་འབྱུང་བ་དེ་དག་ཐམས་ཅད་རབ་ཏུ་ཤེས་ཏེ། བྱང་ཆུབ་སེམས་དཔའ་རང་གི་སེམས་ལ་སྒྲིབ་པ་ཡང་མེད། གཞན་གྱི་སེམས་ལ་སྒྲིབ་པ་ཡང་མེད་དོ། །དེ་ན་གལ་ཏེ་འཁོར་འདོད་
D167.059.0186a04.01ཆགས་ལ་སྤྱོད་པ་ཡིན་ན་ཡང་དེའི་སེམས་རབ་ཏུ་ཤེས་སོ། །འདོད་ཆགས་དང་བྲལ་བའི་སེམས་ཀྱང་ཡང་དག་པར་མཐོང་ངོ་། །དེ་ཅིའི་ཕྱིར་ཞེ་ན། སེམས་ཀྱི་རང་བཞིན་ཆགས་པ་མེད་པའི་ཕྱིར་རོ། །གལ་ཏེ་འཁོར་ཞེ་སྡང་ལ་སྤྱོད་པ་ཡིན་ན་ཡང་དེའི་སེམས་རབ་ཏུ་ཤེས་
D167.059.0186a05.01སོ། །ཞེ་སྡང་དང་བྲལ་བའི་སེམས་ཀྱང་ཡང་དག་པར་མཐོང་ངོ་། །དེ་ཅིའི་ཕྱིར་ཞེ་ན། སེམས་ཀྱི་རང་བཞིན་ཞེ་སྡང་མ་ཡིན་པའི་ཕྱིར་རོ། །གལ་ཏེ་འཁོར་གཏི་མུག་ལ་སྤྱོད་པ་ཡིན་ན་ཡང་དེའི་སེམས་རབ་ཏུ་ཤེས་སོ། །གཏི་མུག་དང་བྲལ་བའི་སེམས་ཀྱང་ཡང་དག་
D167.059.0186a06.01པར་མཐོང་ངོ་། །དེ་ཅིའི་ཕྱིར་ཞེ་ན། སེམས་ཀྱི་རང་བཞིན་ནི་གཏི་མུག་མ་ཡིན་པའི་ཕྱིར་རོ། །གལ་ཏེ་འཁོར་ཉན་ཐོས་ཀྱི་ཐེག་པ་ལ་མོས་པ་ཡིན་ན་ཡང་སྤྱོད་པ་དེ་ཁོ་ན་བཞིན་དུ་ཤེས་ཏེ། ཆོས་ཀྱི་དབྱིངས་ཆུང་བར་ཡང་མི་བྱེད་དོ། །གལ་ཏེ་འཁོར་རང་སངས་རྒྱས་ཀྱི་
D167.059.0186a07.01