完整藏文原文 · 德格版页 当前仅加载第 59 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའི་ཆོས་མ་འདྲེས་པ་བཅུ་བདུན་པའོ། །དེ་མངོན་པར་ཤེས་པ་དང་། རིག་པ་ཡོངས་སུ་རྫོགས་པར་བྱ་བའི་ཕྱིར། བྱང་ཆུབ་ཀྱི་ཕྱོགས་དང་འཐུན་པའི་ཆོས་ཐམས་ཅད་དང་འཐུན་པར་འགྱུར་ཞིང་། བདུད་ཀྱིས་ཀྱང་གླགས་རྙེད་པར་མི་འགྱུར་ཏེ། རྣམ་པར་འཕྲུལ་པའི་རྒྱལ་པོ་དེ་
D167.059.0207b01.01ནི་བྱང་ཆུབ་སེམས་དཔའི་ཆོས་མ་འདྲེས་པ་{བཅྭ་,བཅོ་}བརྒྱད་པའོ། །རྣམ་པར་འཕྲུལ་པའི་རྒྱལ་པོ་མ་འདྲེས་པ་རྣམས་ཞེས་བྱ་བ་ཅིའི་ཕྱིར་མ་འདྲེས་པ་རྣམས་ཞེས་བྱ་ཞེ་ན། སངས་རྒྱས་ཀྱི་ཆོས་ཐམས་ཅད་ཡང་དག་པར་འདུ་བའི་ཕྱིར་མ་འདྲེས་པ་རྣམས་ཞེས་བྱའོ། །དེ་ནས་བཅོམ་ལྡན་འདས་
D167.059.0207b02.01ལ་བྱང་ཆུབ་སེམས་དཔའ་རྣམ་པར་འཕྲུལ་པའི་རྒྱལ་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཆོས་ཀྱི་སྣང་བ་ཆེན་པོ་སྩལ་ཅིང་། སྣང་བ་ཚད་མ་མཆིས་པ་མཛད་པ་ངོ་མཚར་ལགས་སོ། །དེ་
D167.059.0207b03.01ལྟར་བཅོམ་ལྡན་འདས་ཀྱིས་བཤད་པའི་དོན་བདག་གིས་འཚལ་བ་ལྟར་ན། ཆོས་ཀྱི་རྣམ་གྲངས་འདི་བྱང་ཆུབ་སེམས་དཔའ་གང་གི་རྣ་ལམ་དུ་གྲགས་པ་དེས་ཕྱིས་གཞན་ཐོས་ན་དེ་ལྟ་བུའི་དད་པའི་དངོས་པོ་ཐོབ་པར་མི་འགྱུར་ལགས་སོ། །གང་གིས་ཆོས་ཀྱི་རྣམ་གྲངས་འདི་ཐོས་ནས་འཛིན་
D167.059.0207b04.01པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དེས་སངས་རྒྱས་ཀྱི་ཆོས་ཐམས་ཅད་བཟུང་བར་འགྱུར་ལགས་སོ། །བཟུང་ནས་ཀྱང་གཞན་དག་ལ་འཆད་པ་དེས་སངས་རྒྱས་ཀྱིས་ཆོས་ལ་ཡོངས་སུ་སྨིན་པར་བགྱིས་པར་འགྱུར་ལགས་སོ། །གང་ཆོས་ཀྱི་རྣམ་གྲངས་འདི་ལ་
D167.059.0207b05.01ཚུལ་བཞིན་དུ་སྦྱོར་བ་དེས་སངས་རྒྱས་ཀྱི་ཆོས་ཐམས་ཅད་ལ་ཞུགས་པར་འགྱུར་ལགས་སོ། །གང་འདི་ལ་བཟོད་པ་དེ་ནི་རྗེས་སུ་འཐུན་པའི་བཟོད་པ་ལགས་སོ། །གང་འདི་ལ་ནན་ཏན་བགྱིད་པ་དེ་ནི་སངས་རྒྱས་ཀྱི་ཆོས་ཐམས་ཅད་ལ་ནན་ཏན་བགྱིད་པ་ལགས་པར་བལྟ་བར་བགྱིའོ། །བཅོམ་ལྡན་
D167.059.0207b06.01འདས་གང་ཆོས་ཀྱི་རྣམ་གྲངས་འདི་དང་མ་བྲལ་བའི་བྱང་ཆུབ་སེམས་དཔའ་དེ་ནི་མངོན་པར་ཤེས་པ་ཐོབ་ཅིང་བྱང་ཆུབ་ཀྱི་སྙིང་པོ་ལ་གནས་པ་ལགས་པ་བལྟ་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རྣམ་པར་འཕྲུལ་པའི་རྒྱལ་པོ་ཁྱོད་ཟེར་བ་དེ་བཞིན་ཏེ། གང་ཆོས་ཀྱི་རྣམ་
D167.059.0207b07.01