完整藏文原文 · 德格版页 当前仅加载第 59 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏོ། །དེ་ཆོས་སྟོན་པ་ན་མདུན་དང་རྒྱབ་ན་འཁོར་གྱི་དཀྱིལ་འཁོར་དཔག་ཚད་བརྒྱད་ཁྲི་བཞི་སྟོང་དང་། གཡས་གཡོན་ན་ཡང་དཔག་ཚད་བརྒྱད་ཁྲི་བཞི་སྟོང་གང་བར་འཁོད་དེ་དེ་བཞིན་གཤེགས་པ་དེ་ཆོས་སྟོན་པ་ན་སྟོང་གི་འཇིག་རྟེན་གྱི་ཁམས་སྒྲས་མངོན་པར་ཁྱབ་པར་མཛད་དོ། །
D167.059.0208b01.01དེ་བཞིན་གཤེགས་པ་དེ་ཡང་ལྷ་དང་མི་དེ་རྣམས་ཀྱིས་འདི་ལྟ་སྟེ་བླ་ན་མེད་པའི་སངས་རྒྱས་ཀྱི་ཆོས་ནན་ཏན་དུ་བྱེད་པའི་མཆོད་པས་མཆོད། རྗེད་བསྟི་སྟང་བྱས། བླ་མར་བྱས་པར་གྱུར་ཏོ། །དེ་ན་སེམས་ཅན་དམན་པ་ལ་མོས་པ་གང་ཡང་མེད་ཀྱི། དེ་དག་ཐམས་ཅད་རྒྱ་ཆེན་པོ་ལ་མོས་
D167.059.0208b02.01པར་གྱུར་ཏེ། འདི་ལྟ་སྟེ་སངས་རྒྱས་ཀྱི་ཆོས་ལ་མོས་པ་ཤ་སྟག་གོ། །དེ་ན་ཉན་ཐོས་དང་རང་སངས་རྒྱས་རྣམས་ཀྱིས་མིང་ཡང་མི་གྲག་ན་འཇུག་པ་དང་། སྤྱོད་པ་ལྟ་སྨོས་ཀྱང་ཅི་དགོས་ཏེ། བཅོམ་ལྡན་འདས་དེའི་གཡོག་འཁོར་ན་བྱང་ཆུབ་སེམས་དཔའ་འབའ་ཞིག་ཏུ་གྱུར་ཏོ། །
D167.059.0208b03.01དེ་ན་བུད་མེད་དུ་གདགས་པ་ཡང་མེད། འཁྲིག་པའི་ཆོས་སྤྱོད་པའི་སྒྲ་ཡང་མེད་དེ། སེམས་ཅན་དེ་དག་ཐམས་ཅད་པད་མ་ལ་སྐྱིལ་མོ་ཀྲུང་དུ་རྫུས་ཏེ་སྐྱེ་བར་གྱུར་ཏོ། །ལྷ་དང་མི་དེ་རྣམས་ཀྱང་དེ་བཞིན་གཤེགས་པ་མཐོང་བས་མགུ་བའི་དགའ་བ་དང་། ཆོས་ཉན་པའི་དགའ་བ་དང་།
D167.059.0208b04.01ཆོས་སོ་སོར་རྟོག་ཅིང་འབྱེད་པའི་དགའ་བ་དང་། དགའ་བ་གསུམ་དང་ལྡན་པར་གྱུར་ཏོ། །ལྷ་དང་མི་དེ་དག་ཀྱང་རྟག་ཏུ་བག་ཡོད་པར་གནས་པར་གྱུར་ཏོ། །ཕན་ཚུན་ཆོས་བགྲོ་བ་ལ་བརྩོན་ནོ། །ལྷ་དང་མི་རྣམས་དཔག་ཏུ་མེད་དེ། ཤི་འཕོས་ན་ཡང་གང་ན་སངས་རྒྱས་བཅོམ་
D167.059.0208b05.01ལྡན་འདས་བཞུགས་པའི་སངས་རྒྱས་ཀྱི་ཞིང་རྣམས་སུ་བསམས་བཞིན་དུ་སྐྱེ་བར་བྱེད་དོ། །བྱང་ཆུབ་སེམས་དཔའ་གང་དེ་ནི་འཆི་འཕོ་བ་དེ་ཤིང་ཏ་ལ་བདུན་ཙམ་དུ་བར་སྣང་ལ་འཕགས་ནས། ཀྱེ་གྲོགས་པོ་དག་བདག་ནི་སངས་རྒྱས་ཀྱི་ཞིང་འདི་ནས་འཆི་འཕོའོ། །ཞེས་འཆི་འཕོ་བའི་སྒྲ་འབྱིན་
D167.059.0208b06.01ཏོ། །སྒྲ་དེས་ཀྱང་བྱང་ཆུབ་སེམས་དཔའ་དུ་མ་ཞིག་འདུས་ནས་བྱང་ཆུབ་སེམས་དཔའ་དེའི་ཆོས་ཀྱི་བཟོད་པ་ལ་ལོངས་སྤྱོད་ཅིང་དེ་ལ་གང་འཆི་འཕོ་བ་དང་། གང་སྐྱེ་བའི་ཆོས་གང་ཡིན་པ་ཞེས་དེ་སྐད་ཀྱང་སྨྲའོ། །བྱང་ཆུབ་སེམས་དཔའ་དེས་བྱང་ཆུབ་སེམས་དཔའ་རྣམས་ལ་འདི་སྐད་ཅེས་སྨྲས་ཏེ།
D167.059.0208b07.01