完整藏文原文 · 德格版页 当前仅加载第 59 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་པའི་བྱང་ཆུབ་སེམས་དཔའ་ལྔ་འབུམ་གྱིས་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །བྱང་ཆུབ་སེམས་དཔའ་བསམ་པ་ཐ་དད་པ་ཉིས་སྟོང་ཙམ་གྱིས་ནི་གཟུངས་སྣ་ཚོགས་སོ་སོར་ཐོབ་པར་གྱུར་ཏོ། །བྱང་ཆུབ་སེམས་དཔའ་འབུམ་གྱིས་ནི་
D161.059.0138a01.01གཟུངས་དྲི་མ་མེད་པ་སོ་སོར་ཐོབ་པར་གྱུར་ཏོ། །དེ་དག་ལས་བྱང་ཆུབ་སེམས་དཔའ་མང་པོ་དག་བྱང་ཆུབ་སེམས་དཔའ་བྱམས་པ་ཁྱོད་ཀྱིས་བྱང་ཆུབ་ཐོབ་པའི་དམ་པའི་ཆོས་ཡོངས་སུ་འཛིན་པར་འགྱུར་ཞིང་མདོ་སྡེ་ཟབ་མོ་འདི་ལྟ་བུ་དག་ནོད་པ་དང་། སྟོན་པ་དང་། འཛིན་པ་དག
D161.059.0138a02.01ཀློག་པར་ཡང་འགྱུར་ཏེ། དེ་དག་ནི་བྱམས་པ་ཁྱོད་ཉིད་ཀྱིས་བྱང་ཆུབ་ཏུ་ལུང་སྟོན་པར་འགྱུར་རོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བྱམས་པས་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་གང་དག་མདོ་
D161.059.0138a03.01སྡེ་འདི་འཛིན་པ་དང་། ཀློག་པ་དང་། སྟོན་པ་དང་། ཡི་གེར་འདྲི་བ་དང་། དམ་པའི་ཆོས་ཡུན་རིང་དུ་གནས་པར་བགྱི་བའི་སླད་དུ་གླེགས་བམ་དུ་བགྱིས་ཏེ་འཆང་བ་དང་། ཐ་ན་ལན་འགའ་ཞིག་ཉན་པར་བགྱིད་པ་དང་། རྣ་ལམ་དུ་གྲགས་པར་བགྱིད་པ་དེ་དག་བསོད་ནམས་ཇི་
D161.059.0138a04.01ཙམ་སྐྱེད་པར་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་ལ་འདི་སྐད་ཅེས་བཀའ་སྩལ་ཏོ། །བྱམས་པ་ཁྱོད་དེ་བཞིན་གཤེགས་པ་ལ་དོན་འདི་ཡོངས་སུ་འདྲི་བར་སེམས་པ་ནི་ལེགས་སོ་ལེགས་སོ། །བྱམས་
D161.059.0138a05.01པ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་ངས་ཁྱོད་ལ་བཤད་པར་བྱའོ། །བྱམས་པ་ནན་གྱིས་དཔེར་ན་ལྷ་དང་མི་རྣམས་ཀྱི་སྐྱེ་དགུ་ལས་ལྷའམ་མི་གང་ཞིག་གིས་སངས་རྒྱས་བཅོམ་ལྡན་འདས་འཁོར་གང་གཱའི་ཀླུང་གི་བྱེ་མ་སྙེད་དང་བཅས་པ་གང་གཱའི་ཀླུང་གི་བྱེ་
D161.059.0138a06.01མ་སྙེད་ཅིག་ལ་བསྐལ་པ་གང་གཱའི་ཀླུང་གི་བྱེ་མ་སྙེད་དུ་བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱས་པར་གྱུར་པ་དེ་བས་ནི་གང་གིས་མདོ་སྡེ་ལེགས་པར་གསུངས་པ་འདི་ཡི་གེར་བྲིས་ཏེ་འཛིན་པ་དང་། ཀློག་པ་དང་། དེ་བཞིན་ཉིད་དུ་སྒྲུབ་པར་བྱེད་པ་དང་། གཞན་དག་ལ་
D161.059.0138a07.01