完整藏文原文 · 德格版页 当前仅加载第 59 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་དེ་བཞིན་གཤེགས་པའི་ལམ་དུ་འགྲོ་བ་དང་། དེ་བཞིན་ཉིད་མི་བརྗེད་པ་དང་། དེ་བཞིན་ཉིད་ལ་རབ་ཏུ་གནས་པ་དང་། དེ་བཞིན་ཉིད་ཀྱི་སྦྱིན་པ་དང་། དེ་བཞིན་ཉིད་ཀྱི་ཚུལ་ཁྲིམས་དང་། དེ་བཞིན་ཉིད་ཀྱི་བཟོད་པ་
D161.059.0129a01.01དང་། དེ་བཞིན་ཉིད་ཀྱི་བརྩོན་འགྲུས་དང་། དེ་བཞིན་ཉིད་ཀྱི་བསམ་གཏན་དང་། དེ་བཞིན་ཉིད་ཀྱི་ཤེས་རབ་དང་། དེ་བཞིན་ཉིད་ཀྱི་ཐབས་དང་། དེ་བཞིན་ཉིད་ཀྱི་སྨོན་ལམ་དང་། དེ་བཞིན་ཉིད་ཀྱི་སྟོབས་དང་། དེ་བཞིན་ཉིད་ཀྱི་ཡེ་ཤེས་དང་ལྡན་པ་དང་། དེ་བཞིན་ཉིད་ཀྱི་སེམས་ཅན་
D161.059.0129a02.01མེད་པ་དང་། སེམས་ཅན་ཡོངས་སུ་ཐར་བར་བྱེད་པ་དང་། སེམས་ཅན་གྱི་གནས་དང་། འཁོར་བ་ན་ཡང་སྤྱོད་ལ་སྤྱོད་པ་ཐམས་ཅད་ལས་ཀྱང་ཡང་དག་པར་འདས་པ་དང་། སྤྱོད་པ་ལས་སྒྲོལ་བར་བྱེད་པ་དང་། དེ་ན་ཡང་ཡིན་ལ་དེ་ན་ཡང་མ་ཡིན་པ་དང་། འདི་ན་ཡང་ཡིན་ལ་འདི་ན་
D161.059.0129a03.01ཡང་མ་ཡིན་པ་དང་། གཉིས་ཀ་ལས་དག་པ་དང་། མུན་པ་དང་བྲལ་བ་དང་། རྟག་ཏུ་གསལ་བ་དང་། མུན་པ་མེད་པ་དང་། མུན་པའི་ལིང་ཏོག་དང་བྲལ་བ་དང་། དེ་བཞིན་ཉིད་ཀྱི་རྗེས་སུ་སོང་བ་དང་། དེ་བཞིན་གཤེགས་པའི་སའི་རྗེས་སུ་སོང་བ་དེ་ལྟར་ན་ལྷའི་བུ་བྱང་ཆུབ་སེམས་དཔའ་དེ་
D161.059.0129a04.01བཞིན་གཤེགས་པ་ཞེས་བྱའོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་བཅོམ་ལྡན་འདས་ཞེས་བྱ། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ཉོན་མོངས་པ་བཅོམ་པ་དང་། ཆུ་བོ་ལས་རྒལ་བ་དང་། སྲིད་པ་མཐོང་བ་དང་།
D161.059.0129a05.01སེམས་ཅན་ཐམས་ཅད་ཀྱི་ཁུར་དང་། སྲིད་པ་འཇོམས་པ་དང་། སྲིད་པའི་འདུ་ཤེས་དང་བྲལ་བ་དང་། བདུད་བཅོམ་པ་དང་། ཁུར་བོར་བ་དང་། སྲིད་པའི་འགྲོ་བར་འཆི་འཕོ་བ་དང་། སྐྱེ་བ་དང་། བྱ་བ་ཤེས་པ་དང་། སྲིད་པའི་འདོད་ཆགས་བསལ་བ་དང་། ལུས་དང་སེམས་སྒོམ་པ་
D161.059.0129a06.01དང་། ཚུལ་ཁྲིམས་དང་། ཤེས་རབ་བསྒོམས་པ་དང་། སྲིད་པའི་སྐྱོན་ལེགས་པར་མཐོང་བ་དང་། སྲིད་པའི་སྲེད་པ་དང་བྲལ་བ་དང་། སེམས་ཅན་ལ་བསམ་པ་མ་བཏང་བ་དང་། སྲིད་པའི་རྒྱ་མཚོ་ལས་སྒྲོལ་བ་དང་། ཆུ་ལོན་དང་ཟམ་པ་ལེགས་པར་བྱས་པ་དང་། མི་གནས་པས་
D161.059.0129a07.01