完整藏文原文 · 德格版页 当前仅加载第 59 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་མགོ་སྨོས་པས་གོ་བའི་རང་གི་ལྟ་བས་སེམས་ཅན་ཐམས་ཅད་ཀྱི་ལྟ་བ་སྤང་བའི་ཕྱིར་ཆོས་སྟོན་པ་བྱེད་ནའོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་རྣམ་པར་སྤྲོས་པས་གོ་བ་ཡིན། འཇམ་དཔལ་གྱིས་སྨྲས་པ། ལྷའི་བུ་དབེན་པའི་ཕྱིར་བདག་ཀྱང་
D161.059.0135b01.01གཞན་དུ་མི་བྱེད་ལ། བདག་མེད་པ་ཡང་གཞན་དུ་མི་བྱེད་ནའོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་མི་བཀྲི་བ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ཆོས་འགའ་ཡང་ཁྲིད་པར་མི་བྱེད་ནའོ། །ལྷའི་བུས་
D161.059.0135b02.01སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་གནས་ལྷུར་ལེན་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་མཚན་མ་མེད་པའི་གནས་ལས་གཡོ་བར་མི་བྱེད་ནའོ། །ལྷའི་བུས་སྨྲས་པ། འཇམ་དཔལ་གང་གིས་བྱང་ཆུབ་
D161.059.0135b03.01སེམས་དཔའ་ཚོགས་གསུམ་པོ་ངེས་པ་ཉིད་དང་། མ་ངེས་པ་ཉིད་དང་། ལོག་པ་ཉིད་དུ་ངེས་པའི་ཚོགས་དག་ལ་སྣང་བར་འགྱུར་བའི་རྣམ་གྲངས་ཡོད་དམ། འཇམ་དཔལ་གྱིས་སྨྲས་པ། ལྷའི་བུ་ཡོད་དོ། །ལྷའི་བུས་སྨྲས་པ། འཇམ་དཔལ་ཇི་ལྟ་བུ་ཡིན། འཇམ་དཔལ་གྱིས་
D161.059.0135b04.01སྨྲས་པ། ལྷའི་བུ་བྱང་ཆུབ་སེམས་དཔའ་ངེས་པ་ནི་སངས་རྒྱས་ཀྱི་ཆོས་ཐམས་ཅད་ལའོ། །མ་ངེས་པ་ནི་ཉན་ཐོས་དང་རང་སངས་རྒྱས་ཀྱིས་ལའོ། །ལོག་པ་ཉིད་དུ་ངེས་པ་ནི་དེ་ལས་སེམས་ཅན་བསྒྲལ་བ་བྱ་བ་ལའོ། །ལྷའི་བུས་སྨྲས་པ། འཇམ་དཔལ་གང་གིས་བྱང་
D161.059.0135b05.01ཆུབ་སེམས་དཔའ་མི་ཁོམ་པ་ཐོབ་ཅིང་ཁོམ་པ་མ་ཐོབ་པའི་རྣམ་གྲངས་ཡོད་དམ། འཇམ་དཔལ་གྱིས་སྨྲས་པ། ལྷའི་བུ་ཡོད་དོ། །ལྷའི་བུས་སྨྲས་པ། འཇམ་དཔལ་འོ་ན་ཅིའི་ཕྱིར་བྱང་ཆུབ་སེམས་དཔའ་མི་ཁོམ་པ་ཐོབ་པ་རྣམས་ལ་སྙིང་རྗེ་ཆེན་པོ་སྐྱེད་པར་བྱེད་ཅིང་
D161.059.0135b06.01སེམས་ཅན་ཡོངས་སུ་སྨིན་པར་བྱ་བའི་ཕྱིར་ཁོམ་པ་ཐོབ་པ་དེ་དག་ཀྱང་ཡལ་བར་འཇོག་པར་བྱེད། འཇམ་དཔལ་གྱིས་སྨྲས་པ། ལྷའི་བུ་གང་རྣམ་པར་གྲོལ་བའི་ཚོགས་དེ་དག་ནི་ཁོམ་པ་ཐོབ་པ་ཡིན་པས་དེ་ལ་ནི་བྱང་ཆུབ་སེམས་དཔར་མི་སྣང་ངོ་། །ལྷའི་བུས་སྨྲས་པ། འཇམ་དཔལ་
D161.059.0135b07.01