完整藏文原文 · 德格版页 当前仅加载第 59 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ལ་ལྷའི་མཆོད་པ་དག་གིས་མཆོད་པ་བྱས། ཐམས་ཅད་དང་ལྡན་པའི་འཁོར་རྣམས་ཀྱིས་ཀྱང་། ཨ་ལ་ལ་ཆོས། ཨ་ལ་ལ་ཆོས། ཨ་ལ་ལ་ཆོས་ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་ནས་མཆོད་པ་ཆེན་པོ་དག་ཀྱང་བྱས་སོ། །དེ་
D161.059.0110a01.01ནས་ལྷའི་བུ་རབ་རྩལ་སེམས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་བཅོམ་ལྡན་འདས་ཀྱིས་ཆོས་སུམ་ཅུ་རྩ་གཉིས་པོ་དེ་དག་གི་དོན་དང་ཚིག་རྣམ་པར་གཏན་ལ་འབེབས་པ་བསྟན་པར་བཀའ་སྩལ་གྱིས། འཇམ་དཔལ་ཁྱོད་ཀྱང་ཆོས་སུམ་ཅུ་
D161.059.0110a02.01རྩ་གཉིས་པོ་དེ་དག་གི་དོན་དང་ཚིག་རྣམ་པར་གཏན་ལ་དབབ་པ་དེ་ལ་སྤོབས་པར་གྱིས་ཤིག །འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་གཞན་གྱི་དྲིང་མི་འཇོག་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་
D161.059.0110a03.01སེམས་དཔའ་སེམས་དཔའ་ཆེན་པོ་རྣམས་གཞན་གྱི་རྐྱེན་གྱིས་མི་འགྲོ་བ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་གཞན་གྱི་དྲིང་མི་འཇོག་པ་རྣམས་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་
D161.059.0110a04.01ཆེན་པོ་བརྩམ་པ་ཐམས་ཅད་ལ་བརྩོན་འགྲུས་བརྟན་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཉོན་མོངས་པ་ཐམས་ཅད་ངེས་པར་འཇོམས་པར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་
D161.059.0110a05.01ཆེན་པོ་བརྩམ་པ་ཐམས་ཅད་ལ་བརྩོན་འགྲུས་བརྟན་པ་རྣམས་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསོད་ནམས་དག་གིས་མངོན་པར་འཕགས་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་
D161.059.0110a06.01སེམས་དཔའ་སེམས་དཔའ་ཆེན་པོ་རྣམས་ཆོས་ཀྱི་དབྱིངས་མི་གཡོ་བ་རྗེས་སུ་རྟོགས་པ་དེ་ལྟ་ན་ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བསོད་ནམས་དག་གིས་མངོན་པར་འཕགས་པ་རྣམས་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་
D161.059.0110a07.01