完整藏文原文 · 德格版页 当前仅加载第 59 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལྷག་པའི་ང་རྒྱལ་ཅན་ཚར་གཅོད་པའི་ཕྱིར་སྣྲེལ་ཞིར་བསྒྲུབ་པ་ལ་མཁས་པ་རྣམས་ཡིན། །འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་
D161.059.0112a01.01སེམས་དཔའ་ཆེན་པོ་རྣམས་འཁོར་བ་ལས་མྱ་ངན་ལས་འདས་པ་ཚོལ་ཞིང་ལྟ་བར་བྱེད་ལ། མྱ་ངན་ལས་འདས་པ་ལས་ཀྱང་འཁོར་བ་ཚོལ་ཞིང་ལྟ་བར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ལྷག་པའི་ང་རྒྱལ་ཅན་ཚར་གཅོད་པའི་ཕྱིར་སྣྲེལ་ཞིར་བསྒྲུབ་
D161.059.0112a02.01པ་ལ་མཁས་པ་རྣམས་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལས་ཀྱི་བྱ་བ་ཐམས་ཅད་ཀྱི་རྒྱུ་ལ་མཁས་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་
D161.059.0112a03.01ཆེན་པོ་རྣམས་ཆོས་ཐམས་ཅད་མི་འཕོ་བར་ལྟ་བར་བྱེད་པ་དེ་ལྟ་ན། ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ལས་ཀྱི་བྱ་བ་ཐམས་ཅད་ཀྱི་རྒྱུ་ལ་མཁས་པ་རྣམས་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལྟ་བའི་
D161.059.0112a04.01རྣམ་པ་དང་བྲལ་ཞིང་། རྟེན་ཅིང་འབྲེལ་བར་འབྱུང་བ་ལ་མཁས་པ་རྣམས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་བདག་པོ་མེད་པར་ཤེས་པར་བྱེད་པ་དེ་ལྟ་ན་ལྷའི་བུ་བྱང་ཆུབ་སེམས་དཔའ་སེམས་
D161.059.0112a05.01དཔའ་ཆེན་པོ་ལྟ་བའི་རྣམ་པ་དང་བྲལ་ཞིང་རྟེན་ཅིང་འབྲེལ་བར་འབྱུང་བ་ལ་མཁས་པ་རྣམས་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཡོངས་སུ་སྨིན་པར་བྱ་བ་དག་ལ་ཐབས་ལ་མཁས་པ་རྣམས་ཡིན། འཇམ་
D161.059.0112a06.01དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་གྱི་ཚུལ་ལ་སྨོད་པར་མི་བྱེད་པ་དེ་ལྟ་ན་ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཡོངས་སུ་སྨིན་པར་བྱ་བ་དག་ལ་ཐབས་མཁས་པ་རྣམས་ཡིན་ནོ། །ལྷའི་
D161.059.0112a07.01