完整藏文原文 · 德格版页 当前仅加载第 59 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་མཐའ་ལ་རབ་གནས་ཤིང་། །དེ་བཞིན་ཉིད་ལས་མི་གཡོ་བ། །དེ་ནི་ཤེས་རབ་སྒོ་ཡིན་ནོ། །གང་གི་ཆོས་ཉིད་ཅི་འདྲ་བ། །སེམས་ཅན་དེ་འདྲར་ཤེས་བྱེད་ཅིང་། །དེ་ལྟར་རྟོག་པར་བྱེད་པའི་མཐའ། །དེ་ནི་ཤེས་རབ་ཕ་རོལ་ཕྱིན། །ཆོས་ཀུན་འཆི་འཕོ་ཡོད་
D161.059.0132b01.01མིན་ཞིང་། །སྐྱེ་བ་མེད་པར་ཤེས་བྱེད་ལ། །མི་འགྲོ་རྒྱུག་པར་མི་བྱེད་པ། །དེ་ནི་ཤེས་རབ་ཕ་རོལ་ཕྱིན། །སེམས་ཅན་ཡོངས་སུ་སྨིན་བྱའི་ཕྱིར། །མཁས་པས་འདོད་དང་གཟུགས་རྣམས་སུ། །བསམ་བཞིན་དུ་ནི་སྐྱེ་བྱེད་པ། །དེ་དག་ཐབས་ཀྱི་ཡོན་ཏན་ཡིན། །དགོན་
D161.059.0132b02.01པ་གནས་རབ་གནས་བྱེད་ཅིང་། །ཉོན་མོངས་མེད་ལ་རབ་གནས་ལ། །བསམ་གཏན་རྣམ་ཐར་རྟེན་བྱེད་པ། །དེ་དག་ཤེས་རབ་མཚན་ཉིད་ཡིན། །གྲོང་དང་ཡུལ་འཁོར་རྣམས་སུ་ནི། །སོང་ནས་སྙན་གཏམ་སྟོན་བྱེད་ཅིང་། །མི་ཟད་ཞུམ་པ་ཡོད་མིན་པའི། །མཁས་
D161.059.0132b03.01པ་ཐབས་ལ་མཁས་པ་ཡིན། །འཇིག་རྟེན་གསུམ་པོ་ཐམས་ཅད་ལས། །སྐྲག་ཅིང་འདུ་འཛི་བསྟེན་མེད་ལ། །བདག་ཉིད་དུལ་ཞིང་ཞི་གྱུར་པ། །དེ་ནི་ཤེས་རབ་ཕ་རོལ་ཕྱིན། །འགྲོ་བ་དག་ན་འདུས་ཆེན་དང་། །ཚོགས་དང་འདུ་འཛི་ཇི་སྙེད་པ། །ཀུན་ན་སྣང་བ་དེ་དག་
D161.059.0132b04.01ནི། །ཐབས་ཀྱིས་སྨྲས་པ་མེད་པ་ཡིན། །བརྟན་པ་ཆགས་མེད་སྤྱོད་བྱེད་ཅིང་། །ཡི་གེ་དོན་གཉེར་མི་བྱེད་ལ། །བརྗོད་མེད་ངེས་དོན་དོན་གཉེར་བ། །དེ་ནི་ཤེས་རབ་ཕ་རོལ་ཕྱིན། །མཁས་པ་ཆགས་པ་ཐམས་ཅད་ན། །སྣང་ཞིང་ཆོས་རྣམས་སྟོན་བྱེད་ལ། །དཀོན་
D161.059.0132b05.01མཆོག་གསུམ་གྱི་བསྔགས་བརྗོད་པ། །དེ་ནི་ཐབས་ཀྱི་ཕ་རོལ་ཕྱིན། །མངོན་ཤེས་ཤེས་ལ་མཁས་གྱུར་ཅིང་། །ཞི་ཞིང་དུལ་ལ་ཟག་པ་མེད། །གདེག་མེད་གཞག་པ་ཡོད་མིན་པ། །དེ་ནི་ཤེས་རབ་ཕ་རོལ་ཕྱིན། །མངོན་ཤེས་དག་ལ་རྣམ་འཕྲུལ་ཞིང་། །ཞིང་རྣམས་བྱེ་
D161.059.0132b06.01བར་འགྲོ་བྱེད་ལ། །སངས་རྒྱས་བྱེ་བ་མང་མཆོད་པ། །དེ་ནི་ཐབས་ཀྱི་མཚན་ཉིད་ཡིན། །ཕུང་པོ་སྒྱུ་མ་འདྲར་ཤེས་ཤིང་། །ཉོན་མོངས་དངོས་མེད་ཤེས་བྱེད་ནས། །དེ་དག་བདུད་ཀུན་ཞི་གྱུར་པ། །དེ་ནི་ཤེས་རབ་ཕ་རོལ་ཕྱིན། །བདུད་རྣམས་ཐམས་ཅད་སྟོན་བྱེད་ཅིང་། །
D161.059.0132b07.01