完整藏文原文 · 德格版页 当前仅加载第 59 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། མིང་དང་གཟུགས་འབྱུང་བ་མེད་པའི་ཕྱིར་ངེས་པའི་ཚིག་སོ་སོ་ཡང་དག་པར་རིག་པ་ལ་སྤྱོད་པ་དང་། སྒྲ་བྲག་ཅ་དང་མཚུངས་པའི་ཕྱིར་སྤོབས་པ་སོ་སོ་ཡང་དག་པར་རིག་པ་ལ་སྤྱོད་པ་དང་། ཚིག་འབྲུ་གསལ་བ་ཉིད་ཀྱིས་དོན་ལ་རྟོན་པ་ལ་སྤྱོད་པ་དང་། རྣམ་པར་ཤེས་པའི་སྤྱོད་ཡུལ་མ་སྤངས་པ་ཉིད་ཀྱིས་ཡེ་
D161.059.0125b01.01ཤེས་ལ་རྟོན་པ་ལ་སྤྱོད་པ་དང་། ལས་ཀྱི་རྣམ་པར་སྨིན་པ་སྟོང་པ་ཉིད་ཀྱིས་ངེས་པའི་དོན་གྱི་མདོ་སྡེ་ལ་རྟོན་པ་ལ་སྤྱོད་པ་དང་། གང་ཟག་ཡོངས་སུ་སྨིན་པར་བྱ་བ་ཉིད་ཀྱིས་ཆོས་ལ་རྟོན་པ་ལ་སྤྱོད་པ་དང་། ལས་རྣམ་པར་དག་པའི་ཕྱིར་ལྷའི་མིག་ལ་སྤྱོད་པ་དང་། ཚུལ་ཁྲིམས་རྣམ་པར་དག་པའི་ཕྱིར་སྤྱོད་པ་དང་།
D161.059.0125b02.01ཏིང་ངེ་འཛིན་རྣམ་པར་དག་པའི་ཕྱིར་ཕ་རོལ་གྱི་སེམས་ཤེས་པ་ལ་སྤྱོད་པ་དང་། དུས་གསུམ་མཉམ་པ་ཉིད་ཀྱི་ཕྱིར་སྔོན་གྱི་གནས་རྗེས་སུ་དྲན་པ་ཤེས་པ་ལ་སྤྱོད་པ་དང་། སེམས་ལ་དབང་སྒྱུར་བའི་ཕྱིར་རྫུ་འཕྲུལ་མངོན་པར་བསྒྲུབ་པ་ལ་སྤྱོད་པ་དང་། མི་ཕྱེད་པའི་ཕྱིར་སྤྱོད་པ་བརྟན་པ་ལ་སྤྱོད་པ་དང་།
D161.059.0125b03.01མི་ལྷོད་པའི་ཕྱིར་སྤྱོད་པ་སྲ་བ་ལ་སྤྱོད་པ་དང་། བསྐྱོད་དུ་མེད་པའི་ཕྱིར་གནས་པ་མེད་པ་ལ་སྤྱོད་པ་དང་། ཐ་དད་པ་མེད་པ་ཉིད་ཀྱིས་སྤྱོད་པ་མཉམ་པ་ལ་སྤྱོད་པ་དང་། ཐམས་ཅད་རྗེས་སུ་མ་བརྟགས་པའི་ཕྱིར་ས་དང་། ཆུ་དང་། མེ་དང་། རླུང་དང་། ནམ་མཁའ་ལྟ་བུར་སྤྱོད་པ་དང་། རྣམ་
D161.059.0125b04.01པར་བསྒྲུབ་པའི་མཚན་ཉིད་ཀྱི་ཕྱིར་སྒྱུ་མ་ལྟ་བུ་ལ་སྤྱོད་པ་དང་། ཡང་དག་པ་མ་ཡིན་པའི་མཚན་ཉིད་ཀྱིས་རྨི་ལམ་ལྟ་བུ་ལ་སྤྱོད་པ་དང་། རྣམ་པར་རྨོངས་པའི་མཚན་ཉིད་ཀྱིས་སྨིག་རྒྱུ་ལྟ་བུ་ལ་སྤྱོད་པ་དང་། བདག་མི་སྦེད་པའི་མཚན་ཉིད་ཀྱིས་སྟོང་པ་ཉིད་ལ་སྤྱོད་པ་དང་། སེམས་རང་བཞིན་མེད་
D161.059.0125b05.01པའི་མཚན་ཉིད་ཀྱིས་མཚན་མ་མེད་པ་ལ་སྤྱོད་པ་དང་། ཁམས་གསུམ་རང་བཞིན་མེད་པའི་མཚན་ཉིད་ཀྱིས་སྨོན་པ་མེད་པ་ལ་སྤྱོད་པ་དང་། འདུས་བྱས་རང་བཞིན་མེད་པའི་མཚན་ཉིད་ཀྱིས་མངོན་པར་འདུ་བྱེད་པ་མེད་པ་ལ་སྤྱོད་པ་དང་། སེམས་དང་ཡིད་དང་རྣམ་པར་ཤེས་པ་འཇུག་པ་མེད་པའི་མཚན་ཉིད་ཀྱིས་བདུད་
D161.059.0125b06.01ཚར་བཅད་པ་ལ་སྤྱོད་པ་དང་། སྤྱོད་པ་ཐམས་ཅད་རྣམ་པར་བསྒྲུབ་པའི་མཚན་ཉིད་ཀྱིས་དཀོན་མཆོག་གསུམ་གྱི་གདུང་རྒྱུན་མི་གཅོད་པ་ལ་སྤྱོད་པ་སྟེ། ལྷའི་བུ་དེ་ལྟར་སྤྱོད་པའི་བྱང་ཆུབ་སེམས་དཔའ་ནི་བྱང་ཆུབ་སེམས་དཔའི་སྤྱད་པ་ལ་སྤྱོད་པ་ཡིན་ནོ།། །།བམ་པོ་གསུམ་པ་སྟེ་ཐ་མ།
D161.059.0125b07.01