完整藏文原文 · 德格版页 当前仅加载第 59 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་དད་པར་བྱེད་ཀྱང་དེ་ལ་ཆགས་པར་མི་འགྱུར་བ་དང་། གཞན་གྱི་དད་པས་མི་འགྲོ་བ་དང་། ཕ་རོལ་ཏུ་ཕྱིན་པ་དྲུག་གི་ལམ་ལ་དད་པ་སྐྱེད་ཅིང་འཛིན་པར་བྱེད་པ་དང་། ཆགས་པས་ཆགས་པར་གྱུར་པ་རྣམས་ཐར་པར་བྱེད་པ་དང་། ཆགས་པ་མེད་པའི་ཡེ་ཤེས་ཡོངས་སུ་ཚོལ་
D161.059.0126b01.01བར་བྱེད་པ་དང་། འཁོར་བ་ལ་ཆགས་པར་མི་བྱེད་པ་དང་། མྱ་ངན་ལས་འདས་པར་མི་ལྟུང་བ་དེ་ཙམ་གྱིས་ན་ལྷའི་བུ་བྱང་ཆུབ་སེམས་དཔའ་དད་པས་རྗེས་སུ་འབྲང་བ་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཆོས་ཀྱི་རྗེས་སུ་འབྲང་བ་ཡིན།
D161.059.0126b02.01འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སངས་རྒྱས་ཐམས་ཅད་ཀྱིས་གསུངས་པ་འཛིན་པར་བྱེད་པ་དང་། ཀུན་འཛིན་པར་བྱེད་པ་དང་། ཆོས་ཀྱི་ཟས་དང་ལྡན་ཞིང་ཟང་ཟིང་གི་ཟས་མེད་པ་དང་། ཆོས་ལ་གནས་ཀྱི་ཉོན་མོངས་པ་ལ་མི་གནས་པ་དང་།
D161.059.0126b03.01ཆོས་ཀྱི་སྟོབས་ཅན་ཡིན་གྱི་ང་རྒྱལ་གྱི་སྟོབས་ཅན་མ་ཡིན་པ་དང་། ཆོས་སྨྲ་བ་ཡིན་གྱི་འཇིག་རྟེན་རྒྱང་པན་པའི་གཏམ་སྨྲ་བ་མ་ཡིན་པ་དང་། ཆོས་ཀྱི་དབང་ཕྱུག་ཡིན་གྱི་ཉོན་མོངས་པའི་དབང་ཕྱུག་མ་ཡིན་པ་དང་། ཆོས་ལ་རྟོན་པ་ཡིན་གྱི་གང་ཟག་ལ་རྟོན་པ་མ་ཡིན་པ་དང་། ཆོས་སྨྲ་
D161.059.0126b04.01བ་ཡིན་གྱི་ཆོས་མ་ཡིན་པར་མི་སྨྲ་བ་དང་། ཆོས་ཀྱི་རྗེས་སུ་འཐུན་པའི་ཆོས་ལ་རྟོན་པ་ཡིན་གྱི་བརྩོན་པ་བཏང་བའི་ཆོས་ལ་མི་གནས་པ་དང་། ཆོས་སྐྱོན་མེད་པ་ཉིད་དུ་ཆོས་ཐམས་ཅད་ཤེས་པར་བྱེད་པ་དང་། གཟུངས་ཀྱི་སྒོ་ཆགས་པ་མེད་པ་དང་ལྡན་པ་དང་། ནོར་བདུན་དང་ལྡན་པ་དང་།
D161.059.0126b05.01དམ་པའི་ཆོས་ཡོངས་སུ་འཛིན་པར་བྱེད་པ་དང་། ཆོས་ཀྱི་ཁྱད་པར་ལ་གནས་པ་དེ་ལྟ་ན་ལྷའི་བུ་བྱང་ཆུབ་སེམས་དཔའ་ཆོས་ཀྱི་རྗེས་སུ་འབྲང་བ་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་བརྒྱད་པ་ཡིན། འཇམ་དཔལ་གྱིས་སྨྲས་པ། ལྷའི་བུ་
D161.059.0126b06.01གང་གི་ཚེ་བྱང་ཆུབ་སེམས་དཔའ་ལོག་པ་ཉིད་བརྒྱད་ལས་ཡང་དག་པར་འདས་པ་དང་། ཡང་དག་པ་ཉིད་བརྒྱད་ལ་རབ་ཏུ་གནས་པ་དང་། ལམ་ཡན་ལག་བརྒྱད་པ་རྣམ་པར་སྦྱང་བ་ལ་མཁས་པ་དང་། སྦྱོར་བ་ཡོངས་སུ་མ་རྫོགས་པར་ལམ་དེས་ངེས་པར་འབྱུང་བར་མི་བྱེད་པ་དང་།
D161.059.0126b07.01