完整藏文原文 · 德格版页 当前仅加载第 59 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
སྒོ་ནས་མྱ་ངན་འདས་པ་ཡོངས་ཚོལ་ཞིང་། །སེམས་ཅན་ཇི་བཞིན་མོས་པ་ཐབས་ཀྱིས་ཡོངས་སུ་ཤེས། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་སེམས་ཅན་ཐམས་ཅད་ཀྱི་ཉེ་བར་འཚོ་བ་རྣམས་ཡིན་ཏེ། བཞི་གང་ཞེ་ན།
D161.059.0108a01.01ལོངས་སྤྱོད་མི་ཟད་པ་དང་། ཆོས་སྟོན་པ་མི་ཟད་པ་དང་། མངོན་པར་ཤེས་པ་ཐོབ་པ་དང་། སེམས་ས་ལྟར་མཉམ་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། དེ་དག་རྣམས་ཀྱི་ལོངས་སྤྱོད་རྟག་ཏུ་མི་ཟད་ཅིང་། །རྟག་ཏུ་ཆོས་ཀྱི་མི་ཟད་རྒྱ་མཚོ་འདྲ་བ་
D161.059.0108a02.01ཡིན། །དེ་དག་མངོན་ཤེས་ལྔ་པོ་མི་ཟད་རྟག་མི་གཡོ། །རྟག་ཏུ་དྲན་ལྡན་བསམ་པ་ས་དང་འདྲ་བ་ཡིན། །མཉམ་མེད་བྱང་ཆུབ་ཕྱིར་ནི་ཡང་དག་ཞུགས་གྱུར་ཅིང་། །མྱ་ངན་མ་འདས་གང་ལ་ཆོས་རྣམས་དེ་ཡོད་པ། །དེ་དག་འགྲོ་བ་ཀུན་གྱི་ཉེ་བར་འཚོ་འགྱུར་ཞིང་། །བྱང་
D161.059.0108a03.01ཆུབ་མཆོག་ཕྱིར་མྱུར་དུ་ངེས་པར་འབྱུང་བར་འགྱུར། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་འཇིག་རྟེན་ཐམས་ཅད་མངོན་པར་འདུ་བར་འགྱུར་བ་རྣམས་ཡིན་ཏེ། བཞི་གང་ཞེ་ན། ཚངས་པའི་གནས་པ་བཞི་གནས་པ་དང་། བསྡུ་བའི་དངོས་པོ་
D161.059.0108a04.01བཞིས་བསྡུས་པ་དང་། བདེན་པ་བཞི་ཤེས་པ་དང་། སོ་སོ་ཡང་དག་པར་རིག་པ་བཞི་ཐོབ་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། ཚངས་པའི་གནས་པ་བཞི་པོ་དག་གིས་གནས་བྱེད་ཅིང་། །བསྡུ་བའི་དངོས་པོ་དག་ལ་རྟག་ཏུ་དགའ་བྱེད་ལ། །བདེན་
D161.059.0108a05.01པ་བཞི་པོ་དག་ལ་འཇིགས་མེད་དཔའ་བོ་རྣམས། །འགྲོ་བས་རི་མོ་བྱས་ཤིང་མཆོད་པ་བྱས་པར་འགྱུར། །སོ་སོ་ཡང་དག་རིག་པའི་ཕ་རོལ་སོན་གྱུར་ཅིང་། །འཆང་དང་ཀློག་པ་དག་ལ་རྟག་ཏུ་བརྩོན་གྱུར་ལ། །ཕ་རོལ་བདེ་བར་གྱུར་པའི་བདེ་བས་མགུ་བྱེད་ན། །དེ་ཕྱིར་དེ་
D161.059.0108a06.01དག་ཡིད་དུ་འོང་ཞིང་སྡུག་པར་འགྱུར། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་སྲོག་ཆགས་ཐམས་ཅད་ཀྱིས་བསྔགས་པར་འགྱུར་བ་རྣམས་ཡིན་ཏེ། བཞི་གང་ཞེ་ན། ཐོས་པ་དང་ཚུལ་ཁྲིམས་དང་ལྡན་ཞིང་། ཚུལ་འཆོས་པ་མེད་པ་དང་།
D161.059.0108a07.01